Juan 6:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Mesqo 'ueenataxañii hiñiteguelec ca na'ic tai'a quiyim imeho, ta'ta'a ca na'ic se imeho chaqai chicqaugui ca nca'laxa sqaica lqodoc. Ca chaqaica cá'maq na'ic ỹaanema qamiri najo ỹale llaalec, ma' ñi qota'olec chaqaina ná'maq ỹiquichigui quiyim ỹa'maxarenta.

Juan 6:27 Iomraidhean Croise

Salmos 2:7

Ỹim sa'xat dá'maq ỹahotaque ñi qota'olec: ñi'maxare 'naac caỹim: Qami' ná'maq qami' ỹaalec; nagui, ca' ỹim qataa'i'.

Salmos 40:7

Vichiguiño' shinac: Ỹim seuete'e najo, ma' chaqaida dá'maq qoỹeretañi caỹim cayi lere.

Proverbios 9:5

Ỹalahi, qui'ii quena na'ic chaqai ni'chii quena lataxa sa'maxatetañi.

Isaías 42:1

'Ena hueete'e na ilaatec, na'maxare ñolliitañi, ñi'maxare ica'acsec, ỹaatqajam yqo'ta. Sellaagui ñi'maxare so ñi'espíritu, qaiyi noviraxat ca na'maxa quená'ogue na ỹoreta'oguit qomyipi.

Isaías 55:2

¿Chi'negue ma' 'ỹaañitapegueu'a na qadamii cá'maq se na'ic? ¿Chi'negue ma' 'ỹaañitapegueu'a aca raviguii cá'maq se nquemategue? Na'xaỹaxañii'ta aỹim, ca a'guii ma'le ca no'uen na'ic, 'guii ma'le ná'maq 'ue na lo'daxa.

Jeremías 15:16

Quena' taqaita aỹim, ca' ña'xaỹaxane'ta dá'maq ra'qaachiqui'; chaqaida dá'maq la'maxa iuel chaqai netoonaxac añi i'taxanata, ma' ỹim ralamaxarichi', qami' ỹa'gaxala' chaqai qota'olec qaica ca lqalanec.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 25:46

Ime, ca' nauajo querepegue' ca nouaxanaxac sqaica lqodoc, ca ná'maq no'uen da ỹo'ueetetac, ca' quepegue' ca nca'laxa sqaica lqodoc.

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Mateo 6:19

'Neeto' lapooñitañi ca resallaxahi quenajo 'laua, ná'maq hua'ñi na pit richigaxan, chaqai ná'maq hua'ñi quiyim ichirichiguiñi canchaqaica nouenec, chaqai ná'maq hua'ñi quiyim ca cuataxai ishit inoxono, ca' rocachi.

Mateo 8:20

Ca' so Jesús 'naaco' na'le queso'maxare: —Ana nouaxaỹaxallipi 'ue na lauac, chaqai na qo'oollipi 'ue na lpa'gue'. Qam najo ỹale llaalec qaica ca lo'xaỹoqsoqo'.

Marcos 1:11

Ca' qara'xaỹaque so na'qaatec 'maqot na piguim, 'naaco': —Qami' ná'maq qami' ỹaalec ỹoqo'itaxat, ỹim ỹaatqajam ñitoonta'pegue qami'.

Marcos 9:7

Co'na'le, ca' noviriñi so naueguelec hueetauguilo saua'maxare, ca queso naueguelec 'maxaugui so na'qaatec 'naaco': —Najo ná'maq ỹaalec ỹaatqajam ỹauochaxat, ca' chaqaida na'xaỹaxañiỹa.

Lucas 3:22

Ca' so Espíritu Santo naỹa'ña so'maxare, 'nejem na co'toco' ỹaatqajam re'qoota. Ime, ca 'maqot na piguim so na'qaatec, 'ne'tegue: —Qami' maq ỹaatqajam qami' ỹalamaxat ỹaalec, qami' ỹauochaxat, aỹim ỹaatqajam ñitoonta'pegue qami'.

Lucas 9:35

Ca 'uo' so qara'xaỹaque na'qaatec, 'maqatougui so naueguelec, 'naac: —'Eda da ỹaalec ỹoqo'itaxat, chaqaida na'xaỹaxañiỹa.

Juan 10:28

Ca' ỹim saanem da lca'laxa sqaica lqodoc. Ca tot ileu, chaqai qaica quet cá'maq ishit rouootaxana'gue cana ñapoquena.

Juan 11:42

Ỹim sa'deenta quiyim se ỹauanapega quiyim se na'xaỹaxañita quet aỹim. Qam ỹim shinac dajo, ma' sahotaque ca la'maxa na qomyipi hueete'ena, qaiyi na'maxare huelec quiyim aỹim relaachiqui'.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 15:24

Qaica quet ca lasauaxaset na'maxare, queta' qaica cá'maq so'uet huaugui na'maxare quená'maq se ishit ỹo'uet ca liỹa qom; qam mashic shi'gue iuana dajo, qam qaiyiita noquihaỹa', chaqai noquii'a qai'neeta ñi ita'a.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 3:15

qaiyi se ileu ná'ogue ná'maq huelec so'maxare, ta'ta'a quiyim 'ue da lca'laxa sqaica lqodoc.

Juan 3:33

Qam no'm 'ue ca huelec da'maxare, ca' quedajo, ca' i'taxajñi quiyim ỹaatqajam llic da la'qaatec ñi qota'olec.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

Juan 6:47

Ỹaatqajam llic da shinac caqamiri, quecá'maq huelec aỹim, ca 'ue ca lca'laxa sqaica lqodoc.

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Juan 6:53

Ca' so Jesús 'naaco' queso qomyipi: —Ỹaatqajam lliqueta da shinac caqamiri, ma' no'm qamiri sqa 'guii na loshicmaxa najo ỹale llaalec, chaqai se ni'chiiguilo caua leuo', ca' sqaica ca rca'laxahi.

Juan 6:54

Cá'maq ỹa'ic na ỹoshicmaxa chaqai ni'chiguilo naua iuo', ca' 'ue da lca'laxa sqaica lqodoc. Ca' ỹim liỹa ñca'laxatec ma'le queca pa'aatec na'xa'a.

Juan 6:58

Ỹim sa'xatetac so pan chicqo'ot na piguim. Najo pan mesqai 'nejem so maná só'maq ỹa'gue' saua 'auaxaqa reta'allii, qam qaiyiita ileue'. Qam cá'maq ỹa'ic najo pan, ca' tot ileu.

Juan 6:62

¿Negue' quet ca 'ñiita queta' huañishi'megue najo ỹale llaalec pilshiguim quedá'maq shi'gue neeta'gue?

Juan 6:68

Qam so Simón Pedro 'naaco': —Qami' qara'gaxala', ¿negue' queto' cá'maq saxague? Ma' naua ra'qaataxahi' ỹaatqajam na'qaatqa chicqoraugui da nca'laxa sqaica lqodoc.

Juan 8:18

Hua', caỹim ná'maq chi ña'xateteguelta', chaqai ñi ita'a ñí'maq yila' qai'neeta ỹa'xatetac aỹim.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Romanos 4:11

Ca co'na' ime, ca' so Abraham qaỹa'ue so netanec na loshicmaxa, ca 'ec chi netanec quiyim ñi qota'a mashic icoñi'chiguit, ca ỹamata'gue quiyim no'uen ỹale, ma' 'ue da lpi'ỹaxac. Ca co'na' 'neeta dajo, ca' so Abraham chi ỹovireta'a quiyim qai'neeta leta'a ná'ogue ná'maq 'ue da lpi'ỹaxac, 'eno'm sqaica ca netanec na loshicmaxa. Ca' ñi qota'olec icoñi'chiguit qai'neeta na'maxare, ca qai'neeta ỹamata'gue lo'yaxanec ỹale.

Romanos 6:23

Ma' da nasauaxaset qaica quet cá'maq liỹa rishiuetenaxana, qaidaata da nelauaxa; qam da lqouagaxa ñi qota'a chicqaugui da nca'laxa sqaica lqodoc quiyim ña'daqatau'a so Cristo Jesús só'maq qara'gaxala'.

1 Corintios 6:13

Ỹaatqajam llic dá'maq qohinac: Quiyim na na'ic qaỹo'uet quiyim taỹa'ña añi qaracom, chaqai añi qaracom qaỹo'uet qaiyi taỹapi'ña na na'ic. Qam ñi qota'a ỹomate' ma'le ñaua dos. Qam dá'maq sqai llic quiyim na noshicmaxa tau'a nqohin ca dequenaxac. Chaqaidaata quiyim lalamaxat nqohin so qara'gaxala', qaiyi ma' novi' so qara'gaxala', ca nca'laxatec na qaroshicmaxa.

1 Corintios 9:2

Qam no'm 'ue na saqa' huelec quiyim aỹim lelaatec so Jesús, qam qamiri se ishit quiyim sqai viilec, ma' aỹim ná'maq 'em viilec so qara'gaxala'. Ca' chaqaida dá'maq re'oq nqai'en quiyim ỹaatqajam aỹim lelaatec so Jesús.

2 Corintios 4:18

Ma' qomi' se ya'ỹoxogui ná'maq re'qoochigui; ta'ta'a ná'maq se re'xogui. Ma' ná'maq re'qoochigui, chita'gue, ca' imeho; qam ná'maq se re'xogui, ca' qaica ca lqodoc.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Deuteronomio 30:13

Chaqai sqai hueeta'gue da liỹa lahi ana huaaxai quiyim qohinac: ¿Negue' queto' ca ishit ỹapaca'ta ana huaaxai, ca' noda'alo qomi', ca ỹapaxaguineguelo qomi' quiyim so'ueetaq?

Filipenses 2:13

Ma' ñi qota'a ñí'maq ỹaanema qamiri dá'maq no'uen viitaque chaqai ỹotauane' qamiri qaiyi shichii 'viichii, ma' chaqaida dá'maq ỹahotaque ñi'maxare.

Colosenses 1:29

Ca' chaqaida dá'maq 'em quiyim ña'ñaxat, so'ueenataxan quedá'maq ỹa'ñaxac chaqai da iquesaxanaxa chicqo'ot so Cristo.

Colosenses 2:22

Ma' ná'ogue na qarapaxaguinataxanta'pegue, na'maxare 'ue lqodoc, ma' najo napaxaguinataxanaxaquipi chi lelaataxanaxac na qomyipi.

Colosenses 3:2

'Yiiñitapegalo nauá'maq hueesa'gue da piguim; mesqai 'yiiñitapegalo naua hueesalec na 'laua.

1 Tesalonicenses 1:3

Ỹaatqajam ỹauanchiguilo qomi' ñi qota'olec quena' so'leentaxanqatac caqamiri, ma' 'xoic da rpi'ỹaxaguii quena' 'ueenataxañii, chaqai queda re'xorenataxanaxahi, ca' 'xoic da re'xoriguii, chaqai ỹaatqajam na'ñaxachii quiyim 'taxachichiguiñi da naquitaxaguii queso qara'gaxala' Jesucristo.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

Hebreos 12:16

Chaqai caqamiri qaica quet cá'maq nocachita'piguit aca se loua, chaqai se liỹoqa'piguit cá'maq chicqo'ot ñi qota'a. Ma' chaqaido' da 'ne'tegue na'le so Esaú: ñi'chiguito' nqai'en so 'oonoqui' na'ic co'na' imen dá'maq qaỹaqatqajantari' taalec queta'le so'maxare, ma' 'auaxaic ñaalec.

Hebreos 4:11

Ca' ña'ñaxataq, qaiyi senoxonaxau'a cajo co'mataxac, 'neeto' lotqai 'ue ca queetalec da 'neetari'o' na'le so qomyipi se na'xaỹaxan.

Santiago 1:11

Ma' quena' nenoxonshiguim añi ra'aasa, ca nqo'neuec na lpa'ỹaaxa na lauaq, ca' ana peue rashivi, ca ana lenoỹaxai najñi, ca imeho da loyac. Ca 'nejem ca nesallaxanec na'laugui ma'le da chi lo'ueenataxanaxac.

1 Pedro 1:24

Ma' daua naneresañi na'qaatqa 'neracsa': Ná'ogue na ỹoreta'oguit qomyipi 'nejem ana peue, chaqai da lemaqachic 'nejem aca peue lenoỹaxai. Aca peue ỹaso, chaqai najñi aca lenoỹaxai,

2 Pedro 1:17

Seuanqachigui na' ñi qota'olec ỹaanem quiyim qaimaqachin chaqai da lauaq. Chaqai so lavillaxac ñi qota'a na' 'ue da ỹa'xat chalego loyac na' 'naac: “Najo ná'maq ỹaalec ỹaatqajam ỹoqo'itaxat, chaqaida dá'maq 'em 'xoic da ñitoonaxac.”