Juan 6:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam so Jesús co'na' retan quiyim qaỹahotaque quiyim qaỹaconeu'a, qaỹahotaque quiyim nashi, ca so'maxare lotqai ca'e so qomyipi, ca taashi'megue aso quemaralec ladocai, ma' ỹahotaque qaisoota nodaatec.

Juan 6:15 Iomraidhean Croise

Mateo 5:1

Ca co'na' so Jesús iuane'ta sá'ogue so qomyipi, ca taashi'megue ada qa' ladocai. Ca' nqa'xanñi, ca so lapaxaguinatqaipi lapoỹau'a so'maxare.

Marcos 11:9

Ná'maq 'aueta chaqai na co'uaataxanta ỹaualqatagui, 'naaco' quen: —¡Ỹaatqajam qaimaqachin ñi qota'a! ¡Ỹaatqajam no'uen da llicyaxac ná'maq naquetaugui da leenaxat ñi qara'gaxala'!

Lucas 19:38

Ca' qohinac: —¡Ỹaatqajam no'uen da llicyaxac na qarashi, ma' naquetaugui da leenaxat ñi qara'gaxala'! ¡'Uo' ma'le ca na'maxa quena piguim chaqai quedá'maq lecaic ñi qota'olec!

Juan 18:36

Ca' so Jesús 'naaco': —Da ỹo'ueenataxanaxac quiyim ỹim nashi sqai huelec na 'laua. Ma' queta' chaqaida 'neeta, ca ná'maq coỹareta'pegue' aỹim shi'gue quet nco'ua nco'uahilec, qaiyi se qayayaano quena judioipi. Qam dá'maq ỹo'ueenataxanaxac quiyim aỹim nashi sqai huelec na 'laua.

Juan 5:41

Aỹim se sacoñiguit ca nemaqajnataxanaxa chicqotougui na qomyipi caỹim.

Juan 6:22

Ca' queso liỹa na'xa'a só'maq qomyipi no'ueena'ta'gue da laseego añi latogot late'ogue' retan quiyim que' saua lapaxaguinatqa so Jesús, nerañigui aso qasooto'lli' qom lahi' huaxaỹaqse neeta'anyi, qam so Jesús se nauequetecto saua'maxare.

Juan 6:3

Ca so Jesús taashi'megue aso quemaralec ladocai. Ca' quiyi, ca hua'ñi ca nqa'xanñi chaqai so lapaxaguinatqaipi.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.