Juan 5:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca hueeta'ño'yi so ỹale mashic ỹovi' treinta y ocho ñaxari ralolaxaic so'maxare.

Juan 5:5 Iomraidhean Croise

Marcos 9:21

Ca' so Jesús inato' na'le so leta'a: —¿Shi'gom dá'maq 'neetari'o' quen dajo? Ca' so leta'a 'naaco': —Shi'gue na' ñaqai noctoqui'.

Lucas 13:16

Qam cadajo 'aalo ma' llaale so Abraham, ca' so na'ỹaapec coñiretari' ada'maxare quedajo nalolaxa nagui mashic ỹovi' dieciocho ñaxari, ca' ¿se ỹa'maxaño' quiyim qaỹosouec quedajo ralolaxa queca na'xa'a co'mataxaqui?

Lucas 8:43

Ca' queso qomyipi ỹalequetauguio' aso 'aalo 'ue so le'ne'. Aso'maxare mashic ỹovi' doce ñaxari da le'xoric quiyim naqueta'pe naua leuo'. Chi ỹomatetaho' quena natarenataxanyipi sá'ogue so louenqaipi, qam sqaica ca ishit ỹomatec.

Juan 5:14

Co'na' ime, ca' so Jesús iuanejlec so ỹale caso no'ueenaxanaxaqui, ca 'naapego': —'Ajñi', nagui mashic remi'rec qami', ca tot liỹa vite ca rasauaxashichi', qaiyi sqai paguec lecaic ca ralolaxa'e'.

Juan 5:4

Ma' 'uo' quen yi na'xa'a quiyim novi' so piguim le'ec lelaatec ñi qota'a quiyim novita aso lahi' na huaxaỹaq quiyim idaxan na le'ec. Ca cá'maq 'au tangui aso'maxare quena' ime qaidaxan na le'ec, ca chaqa'ma' imeuec quecanchaqaica ralolaxa.

Juan 5:6

Ca co'na' so Jesús iuane'ta so'maxare nenantañi, ca retan quiyim shi'gom 'neetari' dajo, ca inato': —¿Vi'saque remi'rec?

Juan 9:1

Ca co'na' 'ue yi queetetegue, ca so Jesús iuane'to' so ỹale quiyim co'na' ne'qaañi chaqa'ma' naca'ogue' da lqai'laxa.

Juan 9:21

Qam se sa'deenaq cá'maq 'neeta quiyim nagui ishit neuanñi, chaqai se sa'deenaq negue' cá'maq ỹomaterec naua nqote' da'maxare. Ca 'maxaraic quiyim chaqai nachii da'maxare, ma' mashic ỹi da'maxare, chaqai ishit quiyim chaqaida da'maxare ra'qaataxanema qamiri.

Hechos 14:8

Quiyi Listra 'uo' ca ỹale se qaua. Chi nqa'xantañi, ma' naca'ogue' se ra'ñiiguelo naua lichil. Ca' se ỹauanapega ỹouoiguiri'.

Hechos 3:2

Saua'que saua na'xata' neeta'ño' quen yí so ỹale. So'maxare co'na' chi ne'qaañi chaqa'ma' se ra'ñiiguelo naua lichil. Qaỹodou'o' quen añi no'ueenaxanaxaqui, ca qailla'ñi ñi lasom leenaxat Lo'yaxana, lashiilaxanqa' quená'maq inoxono quiñi'maxare.

Hechos 4:22

Ma' so ỹale só'maq qaỹomatec, só'maq qailliichigui dajo netanec lodegaxat, mashic napacalgoto cuarenta ñaxari.

Hechos 9:33

Ca' quiyi, ca iuanejlco' ca ỹale leenaxat Eneas hueetalco' ca lacanec ocho ñaxari, ma' se ra'ñiigue.