Juan 5:44 - La'qaatqa ñi qota'olec Qota'olec & Qota'olec Novita Na Qomyipi

⁴⁴ ¿Negue' cá'maq 'neeto' quiyim 'ue ca viilec qamiri quiyim coñi'chiguit ca lemaqajnataxanaxa quiñi 'óna 'nejemalam, qam sqai michiỹaque cá'maq nemaqajnataxanaxa chicqo'ot ñí'maq qaiñiita qota'olec?

Juan 5:44 Iomraidhean Croise

Mateo 23:5

Ca' quená'ogue ná'maq ỹo'uet, ỹahotaque qaỹa'ajantac quena qomyipi. Ma' ỹaatqajam nqo'ta quiyim 'ue ca hueetalec na latap chaqai quenaua lqai'laqate' quiyaua naneresañi la'qaatqa ñi qota'a, leca'gue nqohin ca nerec, chaqai quiyim ỹañiñi naua noho paguec ladocqa' naua lauollaxa' quena liỹa qom.

Lucas 19:17

Ca' so nashi 'naaco': “Ajá'a, maq no'uen, ỹa'maqachiguiñi, ỹaatqajam qami' no'uen nelaatec. Ma' qami' na'maxachite' quecá'maq sqa lo, ca' nagui qami' sanagui quiyim qami' nashi, reloxoiqachicshiqui' ca diez na'aateripi.”

Juan 12:43

Ma' ỹapacqajnauec quiyim qaimaqachin quena qom, quiyim qaimaqachin quiñi qota'olec.

Juan 17:3

Ca' dajo nca'laxa sqaica lqodoc chicqochigui quiyim qaiuañiraxaua', quiyim ỹaatqajam qaqamite' qami' qota'olec, chaqai na qachaalqui' Jesucristo ná'maq qami' nelachi'.

Juan 3:20

Ma' ná'ogue ná'maq ỹo'ueetetac na se no'uen ỹaatqajam loquiiaxat so ncoỹeraxanaxat, chaqai se nqo'neu'a so'maxare, qaiyi se re'xoi' naua se no'viiñi ỹo'ueeteta'pe.

Juan 5:41

Aỹim se sacoñiguit ca nemaqajnataxanaxa chicqotougui na qomyipi caỹim.

Juan 8:43

¿Chi'negue ma' sqa 'yiiñii dá'maq sa'xat caqamiri? Peeta'a ma' sqai ỹaatqajam na'xaỹaxañiỹa dá'maq sa'xatetac.

Romanos 2:10

Qam ñi qota'olec ỹaanem ma'le da lemaqachic, lecaic chaqai la'maxa ná'ogue ná'maq ỹo'ueetetac ca ỹa'maqachiguiñi, 'au nqai'en na judioipi chaqai qai'neeta ná'maq sqai judioipi.

Romanos 2:29

Ta'ta'a quiyim cá'maq ỹaatqajam judío le'ec, qam quená'maq pa'aauo; chaqai quiyim 'ue ca netanec, qam cañi le'taxanata. Qam sqa chicqaugui na naqataxac naneretañi, chicqaugui da se re'xogui 'ueenataxac. Cá'maq 'neetari' dajo, ca qaỹa'maxarenta; qam mesqai quena qomyipi, ta'ta'a quiñi qota'olec.

Romanos 2:7

Ca ñi'maxare ỹaanem da lca'laxa sqaica lqodoc ná'maq idaantaque da lquesaxanaxa chaqai qaimaqachin quená'maq sqaica lqodoc chicqo'ot ñi qota'a quiyim se neme ỹo'ueetetac na ỹa'maqachiguiñi.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

2 Corintios 10:18

Ma' cá'maq qom quiyim qaỹa'maxarenta, qam mesqaica ca chi na'xateteguelta'; ta'ta'a cá'maq qaimaqachin quiñí'maq qara'gaxala'.

Filipenses 2:3

Chaqai mesqai 'ue ca naquichitaque quiyim 'ue ca 'viichii chaqai quiyim nemaqajñii. Ta'ta'a ca ne'xoresenaxaguii, chaqai quiñi 'óna paguec gueme nqai'en ca liỹa queca'maxare.

1 Tesalonicenses 2:6

Se ỹauanapega sahoqotaque quiyim qaimaqachine' qomi' quena qomyipi, caqamiri loqo'm quecanchaqaica liỹa, ma' qomi' lelaatqa so Cristo. Qam qaiyiita sqai shicqateguelec dajo quiyim sahoqotaque qaidaañiguita qomi'.

1 Timoteo 1:17

Ca vichiguiño' se neme quiyim semaqachinaq ñi qota'olec ñí'maq qarashi qaica lqodoc, ñí'maq tot ileu, chaqai se qaiuana, chaqai qaica 'nejem, chaqai 'deenaxanqachaqaic. Ajá'a, ca' chaqaida 'neeta dajo.

Hebreos 3:12

Ca' qamiri ỹaqaỹa', richilliỹaño', 'neeto' lotqai 'ue caqamiri hueetagui ca nonogoxonaxac añi le'taxanata, ca ỹahotaque sqai quelec ñi qota'a nca'leetauec ma' sqai huelec ñi'maxare.

Santiago 2:1

Qamiri ỹaqaỹa', ma' mashic viilec so chalego lecaic qara'gaxala' Jesucristo, ca' se ỹa'maxañi quiyim nca'aitagui na qomyipi.

1 Pedro 1:7

Ma' da rpi'ỹaxaguii 'neetari' ca 'oro, ca' ỹouen quiyim qai'guen, qaỹahote'e ca norec, qaiyi re'oq cá'maq ỹaatqajam loyac. Da npi'ỹaxac quiyim ca'laxatauec ca ne'guenaxac, ca' paguec loyac queca 'oro, ma' ca'maxare tai'a quiyim imeuo. Ca' vichiguiño' da rpi'ỹaxaguii qamiri quiyim qai'guen, ca re'oq quiyim qaỹa'maxarenta chaqai qaimaqachin da loyac ma' ỹovita quiyim liỹa re'oq so Jesucristo.

1 Samuel 15:30

Ca' so Saúl 'naaco': —Ỹim 'ue da ỹasauaxaset. Qam nagui qouaquiric iuanchigui nqai'ñi' ná'ogue na qo'xoiquipi chaqai quená'ogue na qomyipi quiyim qaiyiita se napaquirailec quiyim ỹim nashi. Ca' vichiguiño' rapilli' quiyim ñauequeta'pegue' qami', qaiyi ñqouagaxainot ñi ra'gaxalachi' qota'olec.