Juan 5:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma' 'uo' quen yi na'xa'a quiyim novi' so piguim le'ec lelaatec ñi qota'a quiyim novita aso lahi' na huaxaỹaq quiyim idaxan na le'ec. Ca cá'maq 'au tangui aso'maxare quena' ime qaidaxan na le'ec, ca chaqa'ma' imeuec quecanchaqaica ralolaxa.

Juan 5:4 Iomraidhean Croise

2 Reyes 5:10

Qam so Eliseo ỹa'uo' so lelaatec quiyim 'naapega: —Mo'e', siete homiriñi caso lachiugue Jordán, ca' imeuec ma'le na roshicmaxa'e' quena ri'ñichi'.

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Ezequiel 47:8

Ca na'le, ca 'naac caỹim: Najo huaxaỹaq queeta, taỹa'gue da lqodoigue, ca ỹoviraxaso'ma aso lachiugue Jordán, ca necoñiguit aso huaaxai qaỹamata'gue huaaxai leuaxai. Ca ma' ỹoviraxaso'ma aso'maxare, ca' yi huaxaỹaq caso'maxare ñigui lo'daxaraic.

Zacarías 14:8

Ca' ma'le, ca' nac ca huaxaỹaq 'oom chicqota'a yi Jerusalén, ca ná'maq huaxaỹaq naquetac quiyi no'oomaxa chaqai yi nosaxa. So lavinñi taatapegaqso'ma aso huaaxai qaỹamata'gue leuaxai, chaqai so liỹa lavinñi taatapegaqso'ma aso huaaxai hueetegueñigui ana delec.

Mateo 11:12

Chicqochi'ñi na' novi' so nachilaxanataxanaq leenaxat Juan, chi ỹovireta'a nagui, dá'maq lo'ueenataxanaxac ñi qota'a queda piguim ỹaatqajam 'ue da noqogaxanataxac. Ca ná'maq ỹouen dá'maq re'qoochigui lquesaxanaxa, na'maxare ỹahotaque rouootaxana'gue da'maxare.

Mateo 6:33

Ca' vichiguiño' 'maxachi'tegue da na'xaỹaxanaxaguii queda lo'ueenataxanaxac ñi qota'olec quiyim ỹoiquentac ná'ogue najo, chaqai 'viichii cá'maq ỹahotaque ñi'maxare, ca' coñiguit ma'le qai'neeta ná'ogue najo.

Lucas 13:24

—Nquipichiỹa'pegue' quiyim noxoñiho quiñi cocho'qui' lasom, ma' ỹim shinac quiyim ỹaatqajam 'xoic ma'le ca ỹahotaque inoxono, qam se ishit.

Lucas 16:16

Na naqataxaquipi chicqo'ot na'le so Moisés chaqai da lapaxaguinataxanaxac na la'qaataxanqajanqaipi ñi qota'a ñaqa 'uo' na' novi' so Juan. Ca' quiyi, ca qaỹa'xat da lo'ueenataxanaxac ñi qota'a quiyim ỹoiquentac ná'ogue najo, ca ná'ogue na qomyipi ỹaatqajam 'xoic da leuogoxo, ỹahotaque quiyim inoxoneu'a da'maxare.

Juan 5:3

Ca quiyi'maxare hueeta'ñi saqatajlec na 'xoic ralolaxaic: 'uo' na qai'laq, ni'iraho lichil, chaqai na se ra'ñiigue, chi nauaanta'a quiyim qaidaxan na le'ec huaxaỹaq aso'maxare.

Juan 5:5

Ca hueeta'ño'yi so ỹale mashic ỹovi' treinta y ocho ñaxari ralolaxaic so'maxare.

Juan 5:7

Ca só'maq ralolaxaic 'naaco': —Qami' ỹa'gaxala', qaica quet cá'maq inaxañigui aỹim añi huaxaỹaq lahi' quena' qaidaxan na huaxaỹaq. Ma' quena' sahotaque saañigui, ca 'ue quen na 'auñi caỹim.

1 Corintios 6:11

Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.