Juan 5:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Qam da la'qaatec ñi'maxare sqa tauguilo qamiri, ma' sqai viilec ná'maq nela' ñi'maxare.

Juan 5:38 Iomraidhean Croise

Isaías 49:7

Ñi qara'gaxala' ñí'maq nca'laqataxanaq ñí'maq co'teeta qota'olec quiyi Israel, 'naapega na qomyipi quená'maq ỹaatqajam se qanqo'ta, ná'maq quena liỹa qomyipi ỹaatqajam laqaigaxat, ná'maq la'ac na nashillipi qa'uaiquipi, ñi'maxare 'naac: Ma' na nashillipi chaqai na llaalqaipi iuana qami', ne'laxashiguim, ca' ỹa'dooto qami' naua le'cootal, ma' ỹim ná'maq ỹim na'gaxala', ỹim co'teeta qota'olec quiyi Israel, qami' ica'acsec chaqai ipaquichigui nqaishin da ỹa'qaatec.

Juan 1:11

Ca' so'maxare nacpegue' ná'maq lalamaxaret na'laua, qam ná'maq lalamaxat lauo' laseripi se icoñiguit so'maxare.

Juan 15:7

No'm qamiri quiitalec quiyim na'yiitau'a ỹim, chaqai mesqai couahi'e naua ỹapaxaguinataxanaxaco, ca cá'maq shiilaxañiỹaque, ca' qoỹaañiỹaxarom.

Juan 8:37

Ỹim shi'gue sa'den quiyim qamiri chigoxoiỹaugui so Abraham; qam viitaque yalauachii, ma' sqai coñiguit dá'maq sa'xat.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

Josué 1:8

Pilaxachisa'gue dá'maq 'naac ana lere hueetalec na laqataxaquipi ñi qota'olec. 'Yiiñisapegalo quiyi na'xa'a chaqai quiyi pe, qaiyi se neme 'viichi'sac dá'maq 'neeta da naqataxac. Ca cá'ogue cá'maq 'viichi' ma'le cá'ogue ỹa'maqachiguiñi.

1 Juan 2:14

Shiriñi dajo caqamiri qo'xoiqa, ma' viriỹau'a quiyim huañiỹa só'maq shi'co' 'ue na' saqa'leca na 'laua. Chaqai qai'neeta shiriñi dajo caqamiri ne'naqa, ma' qamiri quesaxanaxaqa, chaqai mashic coñiguit da la'qaatec ñi qota'a cañi re'taxanatahi, chaqai mashic qadoxoñiguii so na'ỹaapec.