Juan 5:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Qam caỹim 'ue dá'maq paguec i'taxajñi quedá'maq 'naac so Juan. Ma' quena' 'ue yí'maq so'uet, qam chaqainaua nauá'maq ỹamaxailgoto ñí'maq ita'a quiyim so'ueete'. Ca' chaqainaua nauá'maq re'xoi' nqai'ne' quiyim llic chaqaiñi ñí'maq ita'a yila'.

Juan 5:36 Iomraidhean Croise

Mateo 11:4

Ca' so Jesús 'naaco' quesaua'maxare: —Mohi, quiipegue' ca Juan, ca' 'qaataxañiỹa quená'maq 'ajñitac chaqai ná'maq 'xaitapega.

Lucas 2:49

Ca' so Jesús 'naaco': —¿Chi'neco' ma' michitaque aỹim? ¿Sqa 'yiiñiỹo' quiyim aỹim squelolta'pegue' na lo'ueenataxanaxaquipi ñi ita'a?

Juan 10:25

Ca' so Jesús 'naaco' queso judioipi: —Mashic shi'gue sa'qaataxanalo qamiri, qam qamiri sqai viilec aỹim. Ná'maq ỹo'ueenatqaipi chaqaina ná'maq ỹamaxailec ñi ita'a, ca' chaqainaua nauá'maq 'ec ra'qaataxantapegalo qamiri.

Juan 11:37

Qam 'vio' saua 'neraco' queso qomyipi: —Dajo neuanñi nqai'en ca qai'laq, ¿se ishit quet quiyim ỹa'ue ca 'ne'tegue, qaiyi se ipac quiyim ileu yi Lázaro?

Juan 15:24

Qaica quet ca lasauaxaset na'maxare, queta' qaica cá'maq so'uet huaugui na'maxare quená'maq se ishit ỹo'uet ca liỹa qom; qam mashic shi'gue iuana dajo, qam qaiyiita noquihaỹa', chaqai noquii'a qai'neeta ñi ita'a.

Juan 17:4

Ma' ỹaatqajam semaqachintac qami' nagui quiyim seuetalec na 'laua, chaqai mashic somat dá'maq yilachirelec.

Juan 2:23

So Jesús na' hueeta'ñi yi Jerusalén, ỹalequetau'a so lemaqachic na judioipi quena' ỹo'leenta'oga so na'xa'a na' ca'e nqohin yi Egipto, ca 'xoico' na huelec so'maxare na' qaiuanchigui ỹo'uet na netanqaipi se qaiuanapega.

Juan 3:17

Ñi qota'olec se nelata na llaalec na 'laua quiyim ỹa'ue ca nouaxanaxaset na qomyipi. Ta'ta'a quiyim ỹahotaque nca'laxatec na'maxare.

Juan 3:2

Sojo Nicodemo 'uo' so pe ra'pichi'oga so Jesús, ca' 'naaco': —Qami' napaxaguinataxanaq, qomi' sa'deenqata quiyim qanela' qami' quiñi qota'olec quiyim qarapaxaguiñi', ma' qaica ca ishit ỹo'uet ná'maq 'viichisac netanqaipi quiyim re'oq da rquesaxanaxa'e', qaicaata cá'maq hueeto'ot ñi qota'olec.

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 5:32

Qam ma' 'ue ñí'maq liỹa quiyim i'taxajñi dá'maq sa'xatetac, chaqai ỹim sa'den quiyim ñi'maxare quedá'maq 'naac caỹim ỹaatqajam lliqueta.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

1 Juan 5:9

Ỹaatqajam seuaxalec da la'qaataxanaxac na qomyipi. Qam da la'qaataxanaxac ñi qota'a paguec lecaic, ma' da'maxare ỹa'xat da na'qaataxac so llaalec.