Juan 5:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Qam aỹim mesqaida quiyim 'ue quet ca qom 'ue ca ỹa'xatetac ỹa'maqachiguiñi caỹim, qaidaata shinac dajo quiyim qamiri rca'lliiuec.

Juan 5:34 Iomraidhean Croise

Lucas 13:34

¡'Xoraiqolqa qamiri ñiita'ñi na Jerusalén, ma' qamiri lauachiỹac na la'qaataxanqajanqaipi ñi qota'a, chaqai naxahitalec quena qa' ná'maq nelaatalo qamiri ñi qota'olec! ¡Ỹoto'o' quiyim sahotaque llapoonta' na qachaalaxai'pi, shine'tegue quiyim 'ec aca huaqa'e quena' lapoonta' na llaalqaipioqui', illo'oto naua laua', qam sqa 'maxariñii!

Lucas 19:10

Ma' najo ỹale llaalec, na'maxare anac quiyim idaantaque chaqai quiyim nca'laxatec ná'maq ỹo'meetac qomyipi.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Juan 20:31

Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Juan 5:32

Qam ma' 'ue ñí'maq liỹa quiyim i'taxajñi dá'maq sa'xatetac, chaqai ỹim sa'den quiyim ñi'maxare quedá'maq 'naac caỹim ỹaatqajam lliqueta.

Juan 5:41

Aỹim se sacoñiguit ca nemaqajnataxanaxa chicqotougui na qomyipi caỹim.

Juan 8:54

Ca' so Jesús 'naaco': —Quiyim chaqaỹim chi ñimaqachinteguelta', ca' qaica ca 'negue da imaqachic. Qam ñí'maq yimaqachintac chaqaiñi ñí'maq ita'a, chaqaiñi ñí'maq qota'olec ñí'maq qamiri 'ñiitapega viilec.

Romanos 10:1

Qamiri ỹaqaỹarolqa, ỹaatqajam 'xoic da lishoxo añi i'taxanata chaqai sashiilatac ñi qota'olec quena Israel llaalqaipi, ma' sahotaque quiyim qanca'laxatec.

Romanos 10:21

Chaqai na' so Isaías taalec nqai'en na Israel laseripi da la'qaatec ñi qota'a, 'neetasa': “Ỹaatqajam yá'ogue yi na'xa'a soỹaxantapega quiyim rapilliua' na se na'xaỹaxan qomyipi ná'maq ỹim npa'guene'e'.”

Romanos 12:21

'Neeto' lotqai nañaañichichiguit quiyim sham qami' loxonec na se no'uen, ta'ta'a quiyim qadoxonqui' na se no'uen, qam do'isa'a ná'maq no'uen.

Romanos 3:3

Qam ¿negue' cá'maq 'neeta quiyim no'm 'ue ca se ipacqajñigui da na'qaatec? Ca' ¿ñi qota'olec ỹaxanño' da la'qaatec quiyim se ipacqajñigui?

1 Corintios 9:22

Chaqai quena' salequetaugui na saqa' ra'ñi da lpi'ỹaxac, lotqai sadenaxat quiyim 'eco' ra'lliitam da ipi'ỹaxac, ma' sahotaque quiyim ñauec qai'neeta na'maxare. Dá'maq 'neeta quiyim canchaqaica, qam sadenaxat, sha'apiguito' quecá'maq canchaqaica 'neeta, qam 'ue ca ỹigo quiyim 'ue ca nca'leuec.

1 Timoteo 4:16

Qam ỹaatqajam richilliralta' qami', ra'i'terelec dá'ogue dá'maq rapaxaguinataxanaxaqui', ỹaatqajam quiiterelec dá'maq sa'xatetac. Ca no'm 'viichi' dajo, ca ỹovireta'a quiyim qanca'laxatec qami' chaqai ná'ogue ná'maq na'xaỹaxantapega qami'.

1 Juan 5:9

Ỹaatqajam seuaxalec da la'qaataxanaxac na qomyipi. Qam da la'qaataxanaxac ñi qota'a paguec lecaic, ma' da'maxare ỹa'xat da na'qaataxac so llaalec.