Juan 5:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Aỹim qaica ca shinegue, no'm chaqaỹim 'ue ca so'uet. Ma' ỹim so'uet ca lasauaxaset ca qom, qam quiyim qaỹamaxailec, ca' se ỹo'maac cá'maq so'uet. Ma' ỹim se so'uet cá'maq chaqai sahotaque shine'tegue, ta'ta'a cá'maq ỹahotaque ñi ita'a, ma' ñi'maxare yila'.

Juan 5:30 Iomraidhean Croise

Génesis 18:25

Ca' ¿shichi' lauachi' qai'neeta cá'maq sqaica ca lasauaxaset, queeta'ñi' cá'maq sauaqhuaic? ¡Sqai 'ñitetegue dajo quiyim caua'que sqaica ca qohineguelo! Qami' ma' qaica ca 'nejem aqami' quiyim michi' ca nasauaxaset quená'ogue na hueetalec ana 'laua. Ca' ¿sqai shichi'o' daañiraque ca la'maqa' dajo?

Salmos 96:13

queda reloqota'gue ñí'maq naata qara'gaxala'! ¡Ajá'a, nanac ñi'maxare, ca' ỹoiquentac na qomyipi quena 'laua ma'le, ca' da lo'ueenataxanaxac ỹa'maqachiguiñi chaqai lliqueta!

Mateo 26:39

Co'na'le, ca' so Jesús cocho'qui' liỹa eec, ca nqa'paxañiguit na 'laua. Ca nqouagaxainot ñi qota'olec, 'naaco': —Qami' ita'a, no'm shichi' quiyim se ỹovichiguit nqai'ñi' aỹim da i'xoric 'ec aca naqana chim. Qam sqaida quet dá'maq chi sahotaque, ta'ta'a cá'maq vi'saque.

Juan 14:10

Ca ¿sqai vi'relec quiyim ỹim seuetagui ñi qota'a, chaqai ñí'maq qota'a hueetagui aỹim? Dauá'maq sa'xateta'pe caqamiri se ñanoiquentac quiyim sa'xate'. Ñi qota'a ñí'maq hueetagui aỹim, chaqaiñi ñí'maq ỹo'uet dá'maq chi lo'ueenataxanaxac.

Juan 17:4

Ma' ỹaatqajam semaqachintac qami' nagui quiyim seuetalec na 'laua, chaqai mashic somat dá'maq yilachirelec.

Juan 18:11

Qam so Jesús 'naaco' queso Pedro: —Liỹa pilaxachirigui shichirigui aca lahi' na lecachi'. Ma' no'm ñi qota'a ỹovirau'a nqai'en da ñi'guenaxac, 'ec nqai'en aca naqana chim, ca' ¿se ipaguigui quet nqaishin da'maxare?

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 5:19

Ca' so Jesús 'naapego' so qomyipi: —Ỹaatqajam lliqueta shinapegalo qamiri quiyim najo llaalec ñi qota'olec qaica ca ishit ỹo'uet no'm chi nanoiquenta'pegue', ta'ta'a ná'maq iuana ỹo'uet ñí'maq leta'a. Ca ná'ogue ná'maq ỹo'uet ñí'maq leta'a, qai'neeta ná'maq llaalec ỹo'uet.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Juan 8:28

Vichiguiño' so Jesús 'naaco' queso qomyipi: —Ma' ỹovita quiyim nanorishiguim najo ỹale llaalec, ca qaiguemo' 'yiiñii quiyim chaqaỹim ná'maq ỹim, chaqai quiyim sqa soiquentac cá'maq so'uet, ta'ta'a quiyim sa'xat dá'maq ỹapaxaguinegue aỹim ñí'maq ita'a.

Juan 8:42

Ca' so Jesús 'naaco' queso qomyipi: —Quetqai llic qataa'i ñi qota'olec, ca 'xoriñii quet aỹim. Ma' ỹim sachicqo'ot ñi'maxare, ca nagui salequetauguilo qamiri. Chaqai se ñanoiquentac ñanac, ma' chaqaiñi ñí'maq qota'olec yila'.

Juan 8:50

Chaqai aỹim se sahotaque quiyim qayimaqachin, 'eno'm 'ue ñí'maq ỹahotaque quiyim qayimaqachin. Ca' chaqaiñi ñí'maq ỹo'viijñi cá'maq qohinta'gue.

Romanos 15:3

Ma' vire'ta so Cristo se nemaqachinalta'; ta'ta'a quiyim ipaquichiguilo naua naneresañi la'qaatqa ñi qota'a, 'neracsa': “Dá'maq lishiuenaxanaxac ná'maq rishiviñi'sac, taalec aỹim.”

Romanos 2:2

Ma' qomi' sa'deenqata quiyim ñi qota'olec sqai ỹit quiyim nimit ca nasauaxaset, ca ỹovire'ta quiyim ỹo'uet ca nouaxanaxaset cá'maq ỹo'ueetetac cá'maq se no'uen.

Romanos 2:5

Qam qami' 'ñaaxai le'taxanata, ca se netogochigui na qavilli'. Vichiguiño' ca chi niỹoqoiseguelta' quena rasauaxashichi', ma' ỹovita ca na'xa'a ma' ñi qota'olec ichoxot ná'ogue na nasauaxaset, ca' quiñi 'óna qaỹa'ue ca nouaxanaxaset,