Juan 5:27 - La'qaatqa ñi qota'olec Qota'olec & Qota'olec Novita Na Qomyipi

²⁷ chaqai ỹaanem da lquesaxanaxa quiyim ỹa'ue ca nouaxanaxaset ca qom, ma' chaqaina najo ná'maq ỹale llaalec.

Juan 5:27 Iomraidhean Croise

Salmos 110:6

ỹa'xat cá'maq taachi'ñi ca lasauaxaset ná'ogue na ỹoreta'oguit qomyipi; lapoonñi ma'le na leuaxaiquipi; ¡co'ueetapigui na lqahigoripi quená'ogue na 'laua!

Mateo 9:6

Ca' vichiguiño' nachaxanalo qamiri najo ỹale llaalec quiyim 'ue da lquesaxanaxa quenajo 'laua quiyim ỹapalaxat ca nasauaxaset. Ca 'naaco' quesó'maq ỹale se ra'ñiigue: —Ne'laxachirishiguim, nañireta' yi qacanqui'. Ca' quirepegue' ca ra'aachi'.

Juan 5:22

Chaqai ñí'maq ita'a se ỹa'ue ca nouaxanaxaset ca qom, ta'ta'a quiyim ỹaanem na llaalec dá'ogue da lquesaxanaxa quiyim ỹa'ue ca nouaxanaxaset ca qom,

Juan 9:39

Co'na' ime, ca 'naaco' so Jesús: —Ỹim ñanaỹa na 'laua, qaiyi qaỹa'ue ca lasauaxaset ca qom, qaiyi nauanñi cá'maq se nauanñi, chaqai ná'maq nauanchiguiñi, ca' se nauanñi nqohin.

Hechos 10:42

Chaqai qarelarelec quiyim sa'qaataxanaxaugui na qomyipi quiyim sa'xataq quiyim chaqaiso só'maq ñi qota'olec ỹanagui quiyim imit ma'le na lasauaxaset ná'maq nca'leetauec chaqai na ileu.

Hechos 17:31

Ma' ñi'maxare mashic ỹa'uo' ca laloqojnec na'xa'a quiyim imit ná'ogue na qom neetalec na 'laua quiyim ỹoỹoote'oga ca lo'yaxanec, qam ỹachigoxochichigui so ỹale chi lca'acsec, leenaxat Jesús. Ca' quedajo ichoxochichigui quená'ogue, na' ileu, qam liỹa nca'laxatec.

1 Corintios 15:25

Ma' so Cristo qaiyiita queetalec quiyim nashi, toco' ma' ỹovita ca na'xa'a quiyim ñi qota'a co'uelec nqai'en ná'ogue na npa'guenaxauaripi.

Hebreos 1:2

Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.

1 Pedro 3:22

na' taashiguim queda piguim, ca' nqa'xantañi queda loic ñi qota'a. Ca' ila' ná'ogue na lelaatqaipi ñi'maxare, chaqai na relaataxanaquipi, chaqai ná'maq nquesaxanaxaipi ỹoiquentac.