Juan 5:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ỹaatqajam lliqueta dá'maq shinac caqamiri, quiyim 'ue ca laloqo', ca' chaqaina ná'maq nagui ỹovita quiyim ma' ná'maq leuaxaiquipi 'xaỹaque da lavillaxac na llaalec ñi qota'a; ca ná'maq na'xaỹaxanta, ca nca'leuec.

Juan 5:25 Iomraidhean Croise

Lucas 15:24

Ma' dajo ỹaalcolec mashic tot qaica, qam liỹa nca'leuec. Da'maxare mashic na'laañi, qam mashic sanataxa.” Ca' qaỹo'uet sojo nemaqachic.

Lucas 15:32

Qalaxam nagui 'maxaraic quiyim so'ueetaq ca qarqui'ỹaxac quiyim ñitoonqatac. Ma' ñi rqaỹa'e', ñi'maxare mashic tot qaica, qam lot liỹa nca'leuec; ñi'maxare mashic na'laañi, qam mashic sanataxa.”

Lucas 9:60

Ca' so Jesús 'naaco': —Ñaqa 'xañirac ná'maq 'ec leuaxaiquipi ñaq ishinñi na lasouaxanqaipi. Qam qami' qui', 'xachi' quiyim ñi qota'olec ỹoiquentac ná'ogue najo.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 17:1

Ca co'na' ime 'naac dajo, ca' so Jesús ra'ishiguim quena piguim, ca 'naaco': —Qami' ita'a, mashic sovita yi ỹaloqo' quiyim maqachiñi' najo qachaalqui', qaiyi qai'neeta ná'maq qachaalqui' imaqachin aqami'.

Juan 4:21

Ca' so Jesús 'naaco': —'Aalo'ee', qami' virelec aỹim, quiyim ỹovita ma'le yi laloqo' quiyim totqo quiishi'megue ñijo qa' quiyim nqouagaxaiñiỹot ñi qota'olec, loqo'm quiyim quiipegue' yi Jerusalén.

Juan 4:23

Qam mashic ỹovita yi laloqo', ca' chaqaina nagui ỹovita yi'maxare, quiyim quená'maq ỹaatqajam llic imaqachintac ñi qota'olec, ca imaqachin, qam chicqochigui nqai'en so ne'Espíritu ñi qota'olec. Ma' ñí'maq qota'olec chaqaida dá'maq ỹahotaque 'ne'tegue ná'maq imaqachin ñi'maxare.

Juan 5:21

Ma' quiyim ñí'maq leta'a ishit quiyim liỹa nca'leuec nqai'en cá'maq mashic ileu ỹaanem da lca'laxa, ca qai'neeta ná'maq llaalec ỹaanem da lca'laxa cá'maq nqo'ta.

Juan 5:28

'Neeto' re'laxaiỹa dajo, ma' ỹovita ma'le ca laloqo' quiyim ná'ogue na leuaxaiquipi 'xaỹaque ma'le da lavillaxac,

Juan 6:60

Ca co'na' qara'xaỹa dajo napaxaguinataxanaxac, ca 'xoico' só'maq coỹareta'pegue' so Jesús 'naaco': —Dá'maq dajo ỹa'xat chalego lqalaic quiyim qaicoñiguit; ¿negue' queto' ca ishit na'xaỹaxana?

Juan 8:43

¿Chi'negue ma' sqa 'yiiñii dá'maq sa'xat caqamiri? Peeta'a ma' sqai ỹaatqajam na'xaỹaxañiỹa dá'maq sa'xatetac.

Juan 8:47

Cá'maq lalamaxaret ñi qota'olec, na'xaỹaxanalo naua la'qaatqa ñi qota'olec. Qam qamiri se lalamaxarete' ñi qota'olec, vichiguiño' se na'xaỹaxañii.

Juan 9:27

Ca so'maxare 'naaco': —Shi'gue sa'xatetac, qam qamiri se na'xaỹaxañii. ¿Chi'negue ma' viitaque liỹa sa'xat? ¿Loqo'm qamiri qai'neeta viitaque quiigue so'maxare?

Romanos 6:4

Ma' na' qanachilaxane' qomi', ca 'ec qaishiñiñi qomi' qariỹaachi'ñi' so Cristo, ca qareleu, qaiyi ma' liỹa qanca'laxaterec qomi', ca sanaxañi da dalaxaic chaalataxac. Ca 'nejme' qomi' ma'le so Cristo na' liỹa qanca'laxatec queso lelauaxa, ỹahote'e da lauaq da lquesaxanaxa ñi qota'a.

Efesios 2:1

Ñi qota'a ỹaanema qamiri quiyim rca'laxauahi so Cristo, 'eno'm ñaqai viitaugui na'le da nelauaxa sauaxat na se no'uen chaqai na nasauaxaset

Efesios 2:5

ca' ỹaanema qomi' quiyim qarca'laxaua so Cristo, ma' 'eno'm ñaqai seuqataugui yi nelauaxa sauaxat na qarasauaxaseteripi. Qam chaqaida dá'maq chi lqouagaxa ñi qota'a, ca' nca'laxaterec qamiri.

Efesios 5:14

Vichiguiño' da na'qaatec 'naacsa': Ma' qami' ñaqai laqaite', ca' nelo'irec; ne'laxachirishiguim quena leuaxaiquipi, ca' coỹarelec qami' ma'le so Cristo.

Colosenses 2:13

Ma' qamiri quesaua 'auaxaqa ñaxari 'ec qamiri leuaxaqa sauaxat na rasauaxashichii chaqai sqaica ca netanaxashichii. Qam nagui ñi qota'a, ca' ỹo'uet quiyim rca'laxauahi so Cristo na' ỹapalaxat ná'ogue na rasauaxashichii.

Apocalipsis 3:1

Qai'neeta lachita aca lere ñi nelaatec reloqota'a yí'maq mashic icoñiguit da na'qaatec na'ñi yi Sardis. 'Ñiraco': “'Eda 'neeta da la'qaatec ñí'maq no'qoota'alo daua siete no'ueenataxanaxaco se re'xoguilo chicqoro'ot ñi qota'a chaqai yaua siete huaqajñi: Ỹim sa'den ná'ogue ná'maq 'viichi'sac, chaqai quiyim mashic qami' leuaxaic, 'eno'm 'ue da lichoxoric aqami' quiyim qohinac rca'lli'sauec.