Juan 5:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' so Jesús 'naapego' so qomyipi: —Ỹaatqajam lliqueta shinapegalo qamiri quiyim najo llaalec ñi qota'olec qaica ca ishit ỹo'uet no'm chi nanoiquenta'pegue', ta'ta'a ná'maq iuana ỹo'uet ñí'maq leta'a. Ca ná'ogue ná'maq ỹo'uet ñí'maq leta'a, qai'neeta ná'maq llaalec ỹo'uet.

Juan 5:19 Iomraidhean Croise

Génesis 1:1

Co'na' ñaqai chita'gue ỹo'uet ná'ogue ñi qota'olec, ca 'au ỹo'uet na piguim chaqai na 'laua.

Génesis 1:26

Co'na' ime, ca 'naaco' ñi qota'olec: Nagui, ca' so'ueetqo' ca qom. 'Nejme' qomi', ca' ỹapacauec ca' ishit reloxoỹa'a na nalliñipi, chaqai na ỹoipi, chaqai na neloipi iseripi, chaqai na neuequipi, chaqai quená'maq nqai'queetegueri' quena 'laua.

Salmos 27:14

¡Pi'i'ta ñi qara'gaxala'! ¡Na'ñaxachi', totaxan reualliriñi! ¡Ajá'a, ỹaatqajam pi'i'ra'a ñi qara'gaxala'!

Salmos 50:6

Ca' na piguim ỹa'xat quiyim ñi qota'olec qaica ca ỹit quiyim imit ca nasauaxaset.

Éxodo 4:11

Ca' ñi qara'gaxala' 'naaco' queso'maxare: —¿Nega'ỹo' cá'maq ỹo'ueeto' na'le na lap na qom? ¿Peeta'a sqaỹimo' ná'maq ỹo'uet quiyim 'ue ca qaicaua naua la'qaatqa, ra'ñaagui na lqahic, qai'laq, loqo'm quiyim neuanchiguiñi?

Isaías 44:24

Ñí'maq qara'gaxala' ñí'maq naqata'alo qomi', ñí'maq ỹa'maxajñi qami' na' saqa' ne'qa'iriñi, 'naac: Ỹim ná'maq ỹim na'gaxala' ỹo'ueenatec ná'ogue nanchaqaina, ỹim sepeguenec na piguim chaqai sa'ñaxajñi na 'laua, qaica ca yotauan.

Isaías 45:24

chaqai 'nerac: Qaiñiita ñi qara'gaxala' hueeto'ot da nauegaxanaxac chaqai da nquesaxanaxa. Ná'ogue ná'maq loquiiaxat, nayiloxontaho ma' ỹoviro.

Mateo 26:39

Co'na'le, ca' so Jesús cocho'qui' liỹa eec, ca nqa'paxañiguit na 'laua. Ca nqouagaxainot ñi qota'olec, 'naaco': —Qami' ita'a, no'm shichi' quiyim se ỹovichiguit nqai'ñi' aỹim da i'xoric 'ec aca naqana chim. Qam sqaida quet dá'maq chi sahotaque, ta'ta'a cá'maq vi'saque.

Lucas 21:15

ma' ỹim saanema ma'le qamiri caua ra'qaataxahi chaqai ca ra'deenaxanaxahi, qaiyi qaica ca ishit retaxaỹa'guita qamiri.

Juan 10:18

Qaica cá'maq rouootaxana'gue da ñachaalataxac, qam chaqaỹim ná'maq saanec. 'Ue da iquesaxanaxa quiyim saanec chaqai quiyim liỹa secoñiguit. Ca' dajo dá'maq chaqai llilnataxanaxac ñí'maq ita'a.

Juan 12:49

Ma' ỹim se ñanoiquentac quiyim setaqa; ma' ñí'maq ita'a ñí'maq yila', chaqaiñi ñí'maq chicqo'ot cá'maq sa'xat chaqai cá'maq sapaxaguinataxanegue.

Juan 12:50

Chaqai sa'den quiyim dá'maq lelaataxanaxac ñi ita'a, da'maxare chicqaugui ca nca'laxa sqaica lqodoc. Vichiguiño' quiyim sa'xat, sa'xat, ma' ñí'maq ita'a ỹamaxailec.

Juan 14:10

Ca ¿sqai vi'relec quiyim ỹim seuetagui ñi qota'a, chaqai ñí'maq qota'a hueetagui aỹim? Dauá'maq sa'xateta'pe caqamiri se ñanoiquentac quiyim sa'xate'. Ñi qota'a ñí'maq hueetagui aỹim, chaqaiñi ñí'maq ỹo'uet dá'maq chi lo'ueenataxanaxac.

Juan 2:19

Ca' so Jesús 'naaco': —Poxoỹaxachigui anajo no'ueenaxanaxaqui. Ca' ỹim liỹa ño'xonshiguim, qam quecaua tres na'xata', ca' somat.

Juan 3:3

Ca' so Jesús 'naaco' queso'maxare: —Ỹaatqajam lliqueta dá'maq sa'xatem qami', quecá'maq sqo pilac liỹa ne'qaañi, ca' se iuana da lo'ueenataxanaxac ñi qota'a ma' ỹoiquentac ná'ogue najo.

Juan 5:21

Ma' quiyim ñí'maq leta'a ishit quiyim liỹa nca'leuec nqai'en cá'maq mashic ileu ỹaanem da lca'laxa, ca qai'neeta ná'maq llaalec ỹaanem da lca'laxa cá'maq nqo'ta.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Juan 8:28

Vichiguiño' so Jesús 'naaco' queso qomyipi: —Ma' ỹovita quiyim nanorishiguim najo ỹale llaalec, ca qaiguemo' 'yiiñii quiyim chaqaỹim ná'maq ỹim, chaqai quiyim sqa soiquentac cá'maq so'uet, ta'ta'a quiyim sa'xat dá'maq ỹapaxaguinegue aỹim ñí'maq ita'a.

Juan 9:4

Nagui ma' ñaqa 'ue na na'xa'a, ca so'uet dá'maq lo'ueenatec ñí'maq yila'; ma' naata ca pe, ca ma'le, ca' qaica ca ishit ro'ueenataxan.

Hechos 2:24

Qam ñi qota'olec lotqai liỹa nca'laxatec, naqata'a no'uenaqte'tegue queda lquesaxanaxa so nelauaxa, ma' so nelauaxa se ishit ỹoiquentac so'maxare.

Romanos 6:4

Ma' na' qanachilaxane' qomi', ca 'ec qaishiñiñi qomi' qariỹaachi'ñi' so Cristo, ca qareleu, qaiyi ma' liỹa qanca'laxaterec qomi', ca sanaxañi da dalaxaic chaalataxac. Ca 'nejme' qomi' ma'le so Cristo na' liỹa qanca'laxatec queso lelauaxa, ỹahote'e da lauaq da lquesaxanaxa ñi qota'a.

Romanos 8:11

Ca no'm neetauguilo qamiri ca ne'Espíritu ñí'maq liỹa nca'laxatec na'le so Cristo Jesús queso lelauaxa, ca' ñi qota'a ñí'maq liỹa nca'laxatec na'le so'maxare, chaqaiñi ñí'maq ỹa'ue ma'le ca dalaxaic nachaalataxac ná'maq roshicmaxahi mashic taata'a yi nelauaxa, chicqochigui nqai'en só'maq ne'Espíritu neetauguilo qamiri.

1 Corintios 15:12

Qam no'm qomi' sa'xatqatac quiyim so Cristo liỹa qanca'laxatec quiñi qota'a queso lelauaxa, qam ¿chi'neco' caqamiri quiyim 'ue na 'naac quiyim tot nca'leuec cá'maq mashic ileu?

2 Corintios 4:14

Ma' qomi' sa'deenaq ñi qota'a ñí'maq liỹa nca'laxatec na'le so qara'gaxala' Jesús queso lelauaxa, qai'neeta nca'laxaterec qomi' ma'le, 'nejem dá'maq 'ne'tegue na'le so Jesús. Ca' qariỹareta'pe qamiri ma' qarauega'a yí'maq neeta'ñi' ñi'maxare.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

Efesios 2:5

ca' ỹaanema qomi' quiyim qarca'laxaua so Cristo, ma' 'eno'm ñaqai seuqataugui yi nelauaxa sauaxat na qarasauaxaseteripi. Qam chaqaida dá'maq chi lqouagaxa ñi qota'a, ca' nca'laxaterec qamiri.

Efesios 3:16

Chaqai sashiilatac ñi qota'a quedá'maq chalego lecaic lesallaxa quiyim ỹaanema qamiri ca na'ñaxac chaqai ca nquesaxanaxa hueetauguilo nqai'ne' qamiri, chicqochigui nqai'en so ne'Espíritu,

Filipenses 3:21

So'maxare ỹadalaxat ma'le na qaroshicmaxa ma' tai'a quiyim ileu, qaiyi shinqata só'maq chi loshicmaxa so'maxare 'ue da lauaq. Qam ỹo'uet ma'le, ỹahote'e dá'maq chi lquesaxanaxa quiyim ỹoiquentac ná'ogue nanchaqaina.

Filipenses 4:13

Seshit ña'ñaxachiguit ná'ogue, ma' Cristo só'maq ỹa'ue da iquesaxanaxa.

Colosenses 1:11

Chaqai sashiilqatac ñi'maxare quiyim ra'ñichiriñi nqai'ne' qamiri quedá'maq chalego lecaic lquesaxanaxa, qaiyi shichii na'ñaxachiguit ná'ogue quiyim 'xoic da reualaxaviguii chaqai da netoonaxaguii,

Colosenses 1:16

Ma' ỹachigoxochichigui so'maxare na'le, ca' ñi qota'a ỹo'uet ná'ogue nanchaqaina quená'maq 'ue quena piguim chaqai quena 'laua; ca' 'ue ná'maq se re'xogui, chaqai ná'maq re'qoochigui, chaqai na relaataxanac, nashillipi, na'gaxalateripi, chaqai na nquesaxanaxa se re'xogui; ná'ogue chicqochigui nqohin so'maxare. Chaqai ná'ogue chi lalamaxareteripi so'maxare.

1 Tesalonicenses 4:14

Ma' quiyim qomi' seuaqlec quiyim so Jesús ileu qam liỹa nca'leuec, ca' qai'neeta seuaqlec quiyim ñi qota'a liỹa nca'laxatec ma'le ná'maq queeta'ñi' quiyim huelec so Jesús, qaiyi liỹaatac so'maxare.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.