Juan 5:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca vichiguiño' so judioipi ỹocantac so Jesús ỹahotaque quiyim ỹalauat, ma' ỹo'ueeto' dajo queso na'xa'a co'mataxaqui.

Juan 5:16 Iomraidhean Croise

Mateo 12:13

Ca' so Jesús 'naaco' queso ỹale: —Lamaxachirec na rqai'laxachi'. Ca co'na' ỹalamaxatec, ca chaqa'ma' no'uenta 'nejem aso liỹa.

Marcos 3:6

Co'na'le, ca inoxonec so fariseoipi, ca ta'oga na nalliripi so Herodes quiyim qaretaxaỹapigui cá'maq qohinta'gue quiyim qaỹalauat so Jesús.

Lucas 6:11

Qam só'maq qomyipi ỹaatqajam ro'o. Ime, ca' nenatetecta': —¿Nega'ỹo' ca 'neeta quiyim qaỹa'ue ca qohine'tegue so Jesús?

Juan 1:19

Na judioipi na'ñi yi Jerusalén ila' so netaxaỹaxanqajanqaipi quena' qaretaxaỹa'pegue' ñi qota'a chaqai so llaalqaipi so Leví chi lotauaripi so'maxare quiyim renataxana so Juan quiyim nega'ỹo' so'maxare.

Juan 10:39

Ca lotqai liỹa qaỹahotaque qaicoñi' so Jesús, qam qohitauec.

Juan 15:20

Se couahi'e dá'maq shinac na'le caqamiri: “Quiyim ca nelaatec se ỹapacauec queca na'co'.” Ca no'm ỹim qayocantac, ca' qamiri qai'neeta qarocañiỹac ma'le; chaqai no'm qana'xaỹaxana da ỹapaxaguinataxanaxac, qai'neeta qana'xaỹaxana ma'le ca rapaxaguinataxanaxaguii.

Juan 5:10

ca' so judioipi 'naapego' só'maq ỹale imeuec: —Najo na'xa'a co'mataxaqui, se ỹa'maxañi quiyim 'xachisegueri' na qacanqui'.

Juan 5:13

Qam so ỹale se ỹa'den só'maq ỹomateco' na'le, ma' so Jesús na'laugui so 'xoic qomyipi hueeta'ñi yi'maxare.

Juan 5:15

Ca' so ỹale eec ra'qaataxanem na judioipi quiyim chaqaiso so Jesús só'maq ỹomateco' na'le so'maxare.

Juan 5:17

Qam so Jesús 'naaco' queso qomyipi: —Ñi ita'a ñaqai ro'ueenataxantac, ca' ỹim qai'neeta so'ueenataxan.

Juan 5:18

Ca' quedajo, ca na judioipi paguec lama'xa ỹahotaque quiyim ỹalauat, ma' mesqaidaata quiyim se na'xaỹaxana da leloxoỹaxac yi na'xa'a co'mataxaqui, qam qai'neeta 'naac 'nejem ñi qota'olec ma' 'naac ỹaatqajam leta'a ñi'maxare.

Juan 7:21

Ca' so Jesús 'naaco': —Ỹaatqajam 'oonoqui' so so'uet quiyim huaugui so na'xa'a co'mataxaqui, ca' qamiá'ogue 'ue da re'laxahi.

Juan 7:25

Ca 'uo' ná'maq na'ñi yi Jerusalén renataxan: —¿Mesqaido' dajo dá'maq qaidaantaque quiyim qaỹahotaque qaỹalauat?