Juan 4:53 - La'qaatqa ñi qota'olec Qota'olec & Qota'olec Novita Na Qomyipi

⁵³ Ca' so leta'a retan quiyim chaqaiyi ñichi'ñi aca ra'aasa co'na' qohinapega queso Jesús: “Mashic nca'leuec ca qachaalqui'”. Ca' so'maxare chaqai so lauo' huelec so Jesús.

Juan 4:53 Iomraidhean Croise

Salmos 107:20

nela' so la'qaatec, ca' ỹomatec; ¡ca' nca'laxatec queso nelauaxa!

Salmos 33:9

Ma' ñi'maxare na' retaqa, ca ná'ogue 'ue; chaqai na' ỹaanec da la'qaatec, ca ỹomat na lo'ueenatqaipi.

Mateo 8:13

Ca' so Jesús 'naaco' na'le queso nouaataxanaq lashi: —Quiro queca ra'aachi', ca' ipaquichigui ma'le dá'maq 'neeta da rpi'ỹaxaqui'. Ca so ne'necoqui' chaqa'ma' imeueco' na'le.

Lucas 19:9

Ca' so Jesús 'naaco': —Nagui quena na'xa'a, ca novira'o' da nca'laxa najo na'a', ma' dajo ỹale qai'neeta llaalec so Abraham.

Juan 4:51

Ca co'na' ipalataho queca la'a', ca' so lelaatqaipi queeta'guit, ca' qara'qaataxana qohinapega: —Yi qachaalqui', yi'maxare mashic nca'leuec.

Juan 4:52

Ca renataxano' so'maxare nega'ỹo' ca ñichi'ñi aca ra'aasa na' ỹa'maxañi so llaalec. Ca saua'maxare 'neraco': —Scavit na' rashiiñi aca ra'aasa, ca' taauec ca lpa'ỹaaxa.

Hechos 11:14

Ca' ca'maxare ma'le 'ñirapegaxaua' quecá'maq 'ñitetegue quiyim rca'llirec qami' chaqai ná'ogue na qachaalaxai'pi.”

Hechos 16:15

Ime, ca' qanachilaxan chaqai sá'ogue so llaalqaipi. Ime, ca' ne'xoresene'toto qomi', ca 'naac: —No'm chaqaida nqai'ñii quiyim ya'yiiñii quiyim ỹaatqajam seuelec ñi qara'gaxala' Jesús, ca ñaqai cocho'qui' ñiỹa'ñi yi ỹa'a' la'xasqori. Ca' ỹaatqajam ipacoxoua', ca seuqa'anyi.

Hechos 16:34

Ca co'na' ime, ca ỹauega'a ca la'a', ca qui'ỹaxan. Ca' so'maxare chaqai so lauo' ỹaatqajam 'xoic da netoonaxac, ma' huelec ñi qota'olec.

Hechos 18:8

Chaqai so Crispo, so lashi añi napoxoqui, huelec ñi qara'gaxala' chaqai sá'ogue so llaalqaipi. Chaqai qai'neeta 'xoic so na'ñi yi Corinto, co'na' 'xaỹa da na'qaatec, qai'neeta huelec. Ca sá'ogue qanachilaxan.

Hechos 2:39

Ma' dajo qaỹachaxantac quiñi qota'olec ỹaatqajam taỹauguilo qamiri chaqai naua qachaalaxahi chaqai qai'neeta ná'ogue ná'maq qoỹoqo'ta, chaqai quená'ogue ná'maq ñi qara'gaxala' qota'olec roỹaxane'oga.