Juan 4:48 - La'qaatqa ñi qota'olec Qota'olec & Qota'olec Novita Na Qomyipi

⁴⁸ Ca' so Jesús 'naaco': —Qamiri sqai viilec no'm sqaica huañiỹa quena netanqaipi chaqai quena se qaiuanapega.

Juan 4:48 Iomraidhean Croise

Daniel 6:27

Ma' ñi'maxare nca'laqataxanaq chaqai nosoxonaq; chaqai ỹa'ue ná'maq ỹachaxan chalego lecaic quena piguim chaqai quena 'laua. Ñi'maxare nca'laxatec ñi Daniel quenaua lenachi' na sauaxaic leta'allipi.

Mateo 16:1

So fariseoipi chaqai so saduceoipi eec ra'ajnaxana so Jesús chaqai quiyim sha'apiguito' 'ue ca chicqochigui nqai'en ca lasauaxaset. Ca' qaỹashiila so'maxare quiyim ỹo'uet ca netanec se qaiuanapega chicqo'ot nqai'en na piguim.

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Mateo 27:42

—Ishit nca'laxatec ca liỹa, qam ñi'maxare se ishit quiyim chi nca'laxatalta'. No'm llic quiyim chaqaiñi ñí'maq lashi na llaalqaipi so Israel, ca' renotec queda npatenaxala', qaiyi seuaqlec ñi'maxare.

Marcos 13:22

Ma' 'xoic ná'maq anac ma'le 'maatqaiquipi, 'naac ma'le chaqaina ná'maq nashi nca'laxaqui loqo'm 'ec letaxaỹaxanqajnec ñi qota'a. Ma' na'maxare ishit ỹo'uet na netanqaipi chaqai ná'maq se qaiuanapega, sha'apiguito' quiyim ỹayin ná'maq shi'gue lca'acseripi ñi qota'olec.

Lucas 10:18

Ca' so Jesús 'naaco': —Ajá'a, ỹim seuanchi'ñigui na'le so na'ỹaapec na' najñi, chicqo'tot na piguim, 'ec na nqai'legaxa.

Lucas 16:31

Qam so Abraham 'naaco': “Quiyim se na'xaỹaxana so Moisés chaqai so la'qaataxanqajanqaipi ñi qota'a, ¡qaiyiita sqai huelec, 'eno'm 'ue ca liỹa nca'leuec, chicqochi'ñi ca leuaxaiquipi!”

Juan 12:37

Ca 'eno'm so Jesús 'xoic na ỹo'uet quena netanec se qaiuanapega iuanchigui nqai'ne' saua'maxare, qam qaiyiita se qoyiuelec.

Juan 15:24

Qaica quet ca lasauaxaset na'maxare, queta' qaica cá'maq so'uet huaugui na'maxare quená'maq se ishit ỹo'uet ca liỹa qom; qam mashic shi'gue iuana dajo, qam qaiyiita noquihaỹa', chaqai noquii'a qai'neeta ñi ita'a.

Juan 2:18

Ca' so judioipi inato' so'maxare, ca 'naaco': —¿Negue' ca netanec chaxañitalo qomi', qaiyi seuaqlec qami' quiyim ỹaatqajam llic 'ue ca 'ñitegue quiyim 'viichi' dajo?

Juan 20:29

Ca' so Jesús 'naaco': —Tomás, nagui, ca' virelec, ma' mashic huañiriua'. Qam chalego la'maxa quecá'maq se iuañiua', qam huejlec aỹim.

Juan 4:49

Qam so ỹale 'naaco': —Qami' ỹa'gaxala', qamqai' riỹalli'sac, tomaq saqa' ileu yi ỹaalec.

Hechos 14:3

Ca' quedajo, ca' saua'maxare shi'gom neesa'anyi, se no'chiiralec da la'qaataxanaxague', ma' pi'ira'a ñi qara'gaxala'. Ma' ñi qara'gaxala' ỹachaxan quiyim llic da la'qaataxanaxague' saua'maxare ỹa'xatesac da le'xorenataxanaxa ñi qota'olec, qoỹaanema da lquesaxanaxa quiyim ỹo'ueete' na netanec chaqai na se qaiuanapega.

Hechos 15:12

Ca' sá'ogue so qomyipi i'maqajlem. Ca qana'xaỹaxantapegalo saua Bernabé chaqai so Pablo, ỹa'xatesac na netanqaipi chaqai na se qaiuanapega, ná'maq ỹo'ueeto' ñi qota'a quedá'maq llicyaxague' saua'maxare, co'na' ỹalequesaugui na mesqai judioipi.

Hechos 2:19

Na pa'aashiguim quena piguim sachaxane' naua ỹo'ueete' ca ne'laxa, chaqai quena pa'aañi quena 'laua 'ue na netanqaipi, neuo', norec, chaqai nesalaxaripi lodegaxat.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Hechos 2:43

Ca sá'ogue so qomyipi 'xoic na le'laxa, ma' 'xoic na netanqaipi chaqai ná'maq qaỹauanchigui se qaỹauanapega queda lo'ueenataxanaxague' saua lelaatqa so Jesús.

Hechos 4:30

chaqai ỹomaterec na ralolaxaic quedá'maq rquesaxanaxa'e', chaqai ỹo'ueete' na netanqaipi chaqai na se qaiuanapega, quiichigui da leenaxat so co'teeta qachaalqui' Jesús.

Hechos 5:12

Quesaua Jesús lelaatqa 'xoic na qaỹo'uet quena netanec chaqai na se qaiuanapega quena qomyipi, ca sá'ogue lapoỹata', hueeta'ñi yi nasoxoc yí'maq leenaxat Nasoxoc so Salomón.

Hechos 6:8

So ỹale leenaxat Esteban no'qaachigui queda nquesaxanaxa chaqai queda lqouagaxa ñi qota'a. Vichiguiño' ỹo'uet na se qaiuanapega quena qomyipi chaqai na netanqaipi.

Hechos 7:36

Ca' chaqaiso so Moisés so naqatec so 'auaxaic qareta'allipi na' neeta'ñi yi Egipto, chaqai chaqaiso so ỹo'uet ná'maq se qaiuanapega chaqai na netanqaipi co'na' neeta'ñi yi Egipto, chaqai co'na' ỹovita aso huaaxai, leenaxat Huaaxai Toc, chaqai co'na' ỹovita yi 'laua qaica qom chaqai quesaua'que saua cuarenta ñaxari.

Romanos 15:19

chaqai da lquesaxanaxa na netanqaipi chaqai na se qaiuanapega, chaqai da lquesaxanaxa so Espíritu Santo. Ca' quedajo, ca imigui quiyim sa'xat da na'qaatec chicqaugui da nca'laxa chicqo'ot so Cristo, chicqochi'ñi yi Jerusalén chaqai naua'que naua lahil yi 'laua, chi ỹovireta'a yi Ilírico.

1 Corintios 1:22

Na judioipi ipaquetaque iuanchigui ca netanec se qaiuanapega, chaqai na mesqai judío ipaquetaque ca 'xoic na'deenaxanaxa.

2 Corintios 12:12

Ma' ỹaatqajam 'ue da iualaxavic na' so'ueenataxantac, sentauguilo qamiri. Na'le, ca re'oq na netanqaipi, chaqai na se qaiuanapega, chaqai na ỹo'uet da ne'laxa, ca' chaqaina ná'maq ichoxot quiyim ỹaatqajam llic ỹim lelaatec so Jesús.

2 Tesalonicenses 2:9

Da loviraxac cajo ỹale sauaqhuaic naquetaugui da lo'ueenataxanaxac so na'ỹaapec. Ca ma' novi', ca ỹaatqajam 'xoic lquesaxanaxa, ca ỹo'uet na netanqaipi chaqai na sqa iuanapega, qam chi lachoxonataxanaxac.

Hebreos 2:4

Chaqai ñi qota'a qai'neeta 'chichiguiñi nqai'en dajo na'qaatec. Ca ỹa'vii naua netanqa, chaqai ná'maq ỹo'uet da ne'laxa, chaqai 'xoic na ỹo'uet quená'maq se qaiuanapega, chicqochigui nqai'en so Espíritu Santo quiyim ỹaanema qomi' ná'maq ỹoreta'oguit ỹoiquentac quecá'maq 'ne'tegue.