Juan 4:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Ca paguec 'xoico' na huelec na'le so'maxare, co'na' qara'xaỹalo nauá'maq ỹa'xateta'pe.

Juan 4:41 Iomraidhean Croise

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

Lucas 4:32

Ca' ỹaatqajam 'uo' da ne'laxa queda 'neeta da lapaxaguinataxanaxac so'maxare, chaqai quena' retaqa, lotqai ỹaatqajam 'ue da lquesaxanqa' naua la'qaatqa.

Juan 4:40

Ca co'na' so qomyipi na'ñi yi Samaria novire'oga so'maxare, ca qane'xoresene'tot quiyim na'anyi. Ca' so Jesús na'ño'yi quesaua dos na'xata'.

Juan 4:42

Ca na'le, ca qohinapego' aso 'aalo: —Nagui, ca' seuaqlec mesqaidaata dá'maq 'ñirapegalo qomi', ma' qai'neeta qomi' sa'xaỹaxa dá'maq la'qaatec so'maxare. Ca sa'deenaq quiyim chaqaiso só'maq qaỹa'xateta'guit nashi nca'laxaqui, só'maq nca'laxatec na qomyipi quena 'laua.

Juan 6:63

So ne'Espíritu ñi qota'a chaqaiso só'maq ỹo'uet da nca'laxa; da chi lquesaxanaxa ca qom qaica ca 'negue. Ca dauá'maq sa'xate' ỹaatqajam lliquete' chaqai chicqoro'ot so Espíritu chaqai ỹa'ue da nca'laxa.

Juan 7:46

Ca' saua nouaataxanaq lase' 'neraco': —¡Quena' retaqa so ỹale, qaica qom 'nejme' naua la'qaatqa!

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 15:3

Ca ilate' saua'maxare só'maq mashic ỹacoñiguit da na'qaatec na'ñi yi Antioquía. Qam co'na' que', ca queeterelec yi 'laua leenaxat Fenicia chaqai Samaria, ỹa'xatesac dá'maq 'neeta quená'maq sqai judío mashic ỹaxanñi da 'auaxaic no'ueenataxac, ca' quelec ñi qota'olec. Ca' so nqaỹaripi ỹaatqajam 'xoico' da netoonaxac co'na' 'ue da la'xaỹaxac.

Hechos 8:12

Qam co'na' so Felipe ỹa'xatetac da lo'ueenataxanaxac ñi qota'a ma' ỹoiquentac ná'ogue najo chaqai da leenaxat so Jesucristo, ca' huelec da na'qaatec so qomyipi. Ca qanachilaxan na ỹalliripi chaqai na 'aallipi.

Hechos 8:25

Co'na' ime ca la'qaataxanaxague' saua lelaatqa so Jesús, chaqai quiyim ỹa'xatesac da la'qaatec ñi qota'a, ca' lotqai ỹa'xatesac da no'uen na'xaỹaxac quiyim so Jesús ca'laqataxan, queesagui naua na'aaterolqai' hueraugui yi 'laua Samaria. Ca co'na' ime, ca' pile' queda Jerusalén.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.