Juan 4:32 - La'qaatqa ñi qota'olec Qota'olec & Qota'olec Novita Na Qomyipi

³² Qam so'maxare 'naaco': —Ỹim 'ue da noq, qam da'maxare qamiri sqai huañiỹapega.

Juan 4:32 Iomraidhean Croise

Salmos 63:5

Ỹaatqajam ya'maqachiguiñi ma'le, shinta cá'maq chita'gue ỹomat ca no'uen nqui'ỹaxac, ca' ñitoontac, semaqachintac qami' ma'le.

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Jeremías 15:16

Quena' taqaita aỹim, ca' ña'xaỹaxane'ta dá'maq ra'qaachiqui'; chaqaida dá'maq la'maxa iuel chaqai netoonaxac añi i'taxanata, ma' ỹim ralamaxarichi', qami' ỹa'gaxala' chaqai qota'olec qaica ca lqalanec.

Juan 4:31

Ca' saua lapaxaguinatqa nquipitesa'pegue' quiyim 'neesapega: —Qami' napaxaguinataxanaq, qui'i' lecocho'qui'.

Juan 4:33

Ca' so lapaxaguinatqaipi chi nenatetecta', ca 'neraco': —¿'Uo' ca nodou'a ca loq da'maxare?

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Hechos 20:35

'Eda da chaqai'en ỹapaxaguinataxanaxac caqamiri quiyim 'ueenataxañii chaqai tauañii na 'ue ca louenaxanaxa. Sqai 'laxachii da la'qaatec so qara'gaxala' Jesús, na' 'naac: “Paguec la'maxa quecá'maq rachitaxanataxan, quecá'maq 'ue ca icoñiguit.”

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”