Juan 4:29 - La'qaatqa ñi qota'olec Qota'olec & Qota'olec Novita Na Qomyipi

²⁹ —Ỹalahi, ñaqa 'ajñii da ỹale mashic ỹa'xachim ná'ogue ná'maq shi'gue so'uet. ¿Mesqaido' dá'maq qaỹa'xateta'guit nashi nca'laxaqui?

Juan 4:29 Iomraidhean Croise

Mateo 12:23

Ca' ỹaatqajam 'ue da le'laxa so qomyipi, ca 'naac: —¿Peeta'a chaqaido' dajo da llaalec so nashi David?

Juan 4:25

Ca' aso 'aalo 'naaco': —Sa'den quiyim naata cá'maq qohinac Mesías —qam dajo 'naac Cristo, ca qaỹa'xateta'guit nashi nca'laxaqui. Ca ma' novi' ca'maxare, ca ỹa'xatema qomi' ná'ogue na leloxoỹaxaquipi.

Juan 4:28

Ca' aso 'aalo no'ueenaxatañi aso nehoma, ca quepegue' yi na'a'. Co'na' ỹoviro, ca 'naaco' quena qomyipi:

Juan 4:30

Ca' so qomyipi eec, quepegue' yí'maq hueeta'ñi so Jesús.

Juan 4:39

Ca 'xoico' so qomyipi na'ñi yi na'a' Samaria huelec so Jesús quedá'maq la'qaatec aso 'aalo co'na' i'taxajñi da la'qaatec co'na' 'naac: “Na' retaqa, qam 'ec ra'iitau'a ná'ogue ná'maq shi'gue so'ueetetac.”

Juan 7:26

Qam da'maxare ỹaatqajam nachaxanta quiyim retaqatac, qam qaica ca qohinegue. ¿Loqo'm mashic qai'neeta ná'maq nashillipi huelec da'maxare quiyim ỹaatqajam chaqaida dá'maq nashi nca'laxaqui?

Juan 7:31

Qam 'xoico' ná'maq huelec so'maxare, ca 'naaco': —Ma' novi' cá'maq nashi nca'laxaqui, ca ¿peeta'a paguec ma'le cá'maq netanqaipi se qaiuanapega quedá'maq dajo ỹale?

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.

1 Samuel 9:19

Ca' so Samuel 'naaco': —Chaqaỹim ná'maq daañisaque. Ỹala'e', 'avisashiguim ma' saxashi'megue añi ncopatoxonaxalate, chaqai qami' iqui'ỹaxaua ma'le quiyi'maxare. Toco' ma' nete'e, ca' sa'xatem qami' cá'ogue cá'maq yinachisa'pegue. Ca ma' ime, ca' qaigueme pilli'.