Juan 4:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ñi qota'olec Espíritu. Ca' vichiguiño' quiyim quecá'maq imaqachin ñi'maxare, ca i'taxachichiguiñi, chicqochigui nqai'en so ne'Espíritu ñi qota'olec.

Juan 4:24 Iomraidhean Croise

Salmos 50:23

cá'maq ỹaantacot aỹim ca na'aachicyaxac, ca' yimaqachin. ¡Ỹim ñca'laxatec cá'maq se neme queetalec da ñayicyaxac!

Salmos 51:17

Aca nachitaxanataxanqate quiñi qota'olec chaqaica ca na'deenataxanaxac 'xoic da nqui'ic; ¡qami' qota'olec se liỹoqoira'piguit aca ne'taxanata neneequesenta!

Juan 4:23

Qam mashic ỹovita yi laloqo', ca' chaqaina nagui ỹovita yi'maxare, quiyim quená'maq ỹaatqajam llic imaqachintac ñi qota'olec, ca imaqachin, qam chicqochigui nqai'en so ne'Espíritu ñi qota'olec. Ma' ñí'maq qota'olec chaqaida dá'maq ỹahotaque 'ne'tegue ná'maq imaqachin ñi'maxare.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Corintios 3:17

Ma' so qara'gaxala' chaqaiso só'maq Espíritu Santo, ca cá'maq hueeta'ñi so ne'Espíritu so qara'gaxala', ca' ỹaatqajam qaica canchaqaica, ỹaatqajam huaquichiguiñi.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

1 Timoteo 1:17

Ca vichiguiño' se neme quiyim semaqachinaq ñi qota'olec ñí'maq qarashi qaica lqodoc, ñí'maq tot ileu, chaqai se qaiuana, chaqai qaica 'nejem, chaqai 'deenaxanqachaqaic. Ajá'a, ca' chaqaida 'neeta dajo.

1 Samuel 16:7

Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.