Juan 4:23 - La'qaatqa ñi qota'olec Qota'olec & Qota'olec Novita Na Qomyipi

²³ Qam mashic ỹovita yi laloqo', ca' chaqaina nagui ỹovita yi'maxare, quiyim quená'maq ỹaatqajam llic imaqachintac ñi qota'olec, ca imaqachin, qam chicqochigui nqai'en so ne'Espíritu ñi qota'olec. Ma' ñí'maq qota'olec chaqaida dá'maq ỹahotaque 'ne'tegue ná'maq imaqachin ñi'maxare.

Juan 4:23 Iomraidhean Croise

Salmos 32:2

Chalego la'maxa ca qom quecá'maq ñi qota'olec se ỹa'ue ca lasauaxaset chaqai quiyim sqai hueetagui ca na'maachic.

Salmos 51:6

Ỹaatqajam 'xoriñi' ca qom no'uen ca hueetagui añi le'taxanata, chaqai na iuel lli'ragui da na'deenaxanaxa.

Cantares 2:14

Qami' coviguinco'lli' ỹalamaxarete, nañoxochirouguilo naua lauaco ana qa', quenaua qoỹoqoshi'meguelo nqañoqotqachichi', sahotaque seuañigui na qashiiqui', sahotaque sa'xaỹa ca qavillaxaqui'. Ma' ¡chalego loyac quena seuana qami'! Chaqai ¡chalego lo'daxa quena' sa'xaỹa qami'!

Isaías 29:13

Ca' ñi qara'gaxala' 'naac caỹim: Najo qomyipi 'naac nqo'chiiua' quenaua la'qaatqa chaqai yimaqachin quenaua lapi', qam añi le'taxanata qoỹoqo'ta caỹim, chaqai quena' ỹo'uet yi lapoxoc quiyim qayimaqachin, ỹo'uet ná'maq chi lo'ueenatec na qomyipi dá'maq chi ỹa'den hueetagui na lqahic.

Isaías 43:21

ná'maq ỹo'ueenatec ỹalamaxareteripi, qaiyi yimaqachin.

Isaías 58:2

Naua'que na'xata' idaantaque aỹim, ca ỹa'maqachigui lauel ma' ỹa'den da ñayicyaxac, 'ec ca qom ỹo'ueetetac ca ỹa'maqachiguiñi chaqai 'ec quiyim se napacalgoto naua ilaataxanaxaco; ỹahotaque quiyim saanem ca 'maxaraic ỹaqataxac chaqai 'ue da netoonaxac ma' sqoỹoqaque caỹim.

Jeremías 3:10

Na' ime dá'ogue dajo añi nedequenaxai Judá qai'neeta se rapilliua' cañá'ogue añi le'taxanata, ta'ta'a quiyim yayin. Ỹim na'gaxala', se'taxajñi da ỹa'qaatec. (3.11-25 Ñi qara'gaxala' 'naapega quiyim netogot. Dá'maq 'naac so llaalqaipi so Israel quiñi qara'gaxala'.)

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Juan 12:23

Ca' so Jesús 'naaco' quesaua'maxare: —Ỹovita yi laloqo' quiyim najo ỹale llaalec qaimaqachin ma'le.

Juan 16:2

Qamiri qaro'yiỹauec ma'le cañi lapoxoqui na judioipi, chi ỹovireta'a quiyim canchaqaica 'ue ca ỹalauat caqamiri, ca 'neetapigui lauel quiyim 'maxaraic da ỹo'uet quiñi qota'olec.

Juan 16:32

Qam ỹovita ma'le ca laloqo', ca' nagui chaqa'ma' ỹovita quiyim neuagaxata'pe taate'ogalo nqohine' qamiri, ca yalachii yodaqajñitec ma'le. Qam se yodaatec, ma' iỹaatac ñi qota'a.

Juan 4:21

Ca' so Jesús 'naaco': —'Aalo'ee', qami' virelec aỹim, quiyim ỹovita ma'le yi laloqo' quiyim totqo quiishi'megue ñijo qa' quiyim nqouagaxaiñiỹot ñi qota'olec, loqo'm quiyim quiipegue' yi Jerusalén.

Juan 5:25

Ỹaatqajam lliqueta dá'maq shinac caqamiri, quiyim 'ue ca laloqo', ca' chaqaina ná'maq nagui ỹovita quiyim ma' ná'maq leuaxaiquipi 'xaỹaque da lavillaxac na llaalec ñi qota'a; ca ná'maq na'xaỹaxanta, ca nca'leuec.

Juan 5:28

'Neeto' re'laxaiỹa dajo, ma' ỹovita ma'le ca laloqo' quiyim ná'ogue na leuaxaiquipi 'xaỹaque ma'le da lavillaxac,

Romanos 1:9

Ca' ñi qota'a, ñí'maq somato'ot añi i'taxanata quiyim sa'xatetac da na'qaataxac so llaalec, ñi'maxare ỹa'deenta quiyim se scoua'ahi qamiri quena' ñqouagaxain.

Romanos 8:15

Ma' quesó'maq Espíritu neetauguilo qamiri ỹo'uet quiyim totqai qamiri nelaatqa quiyim liỹa quet ro'chiitac. Ta'ta'a quiyim sojo Espíritu ỹo'uet quiyim qamiri llaalqa ñi qota'olec. Ca' ñijo Espíritu ỹo'uet quiyim shinqac: “¡Qami' qareta'a qota'olec!”

Romanos 8:26

Ca' qaican ỹapaguec so Espíritu Santo qai'neeta qarotauan quiyim qaica ca qarquesaxanaxa. Ma' se sa'deenaq ca shinqa'tegue ca qanqouagaxainaxac. Qam chaqaiso so Espíritu Santo rashiilaxanlgoto qomi' quiñi qota'a, qam naua lashiilaxanaxaco so'maxare ỹaatqajam se qaishit qaỹa'xate' naua leloxoỹaxaco.

Gálatas 4:6

Ca' na' ichoxot ñi'maxare quiyim mashic qamiri llaalqa, ca' nelatalo qamiri so ne'Espíritu so llaalec quiyim tauguilo naua re'taxanatahi. Ca só'maq Espíritu roỹaxan, 'naacsa': “¡Qami' qota'olec!”

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Josué 24:14

—Ca' vichiguiño' quedá'ogue dajo, ỹaatqajam ro'chiỹa ma'le ñi qara'gaxala', chaqai ỹaatqajam quiijlec. Ca' ỹaatqajam 'xañiñi na nqouagaxaintacot nqolaquipi so 'auaxaic qataa'illipi queda lahi yi Eufrates chaqai quiyi Egipto, ca' ỹaatqajam quiilec ñi qara'gaxala' qota'olec.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.