Juan 4:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca co'na' 'xaỹa dajo aso 'aalo, ca 'naaco': —Qami' ỹa'gaxala', re'oq nqaishin quiyim ỹaatqajam llic qami' la'qaataxanqajnec ñi qota'a.

Juan 4:19 Iomraidhean Croise

2 Reyes 5:26

Qam so Eliseo ipaca'a so'maxare 'naaco': —Ca na' 'ue so ỹale ca'guit qami' chicqochiguiñigui aso lahoglena, ỹim seueta'anyi na'le queda ra'deenataxanaxaqui'. Qam quiyim nagui sqa taiguit quiyim qaicoñiguit aca plata chaqai ca nooỹac, loqo'm quiyim 'ue ca qarishiujnaxana nanaxanqa' 'uva loma' chaqai aca qagreta, ñii'lola, nelaatec chaqai aca nelaata.

2 Reyes 6:12

Ca 'uo' so 'óna queso nashillipi 'naaco': —Qaica, qami' qarashi. Qam ñi qota'olec letaxaỹaxaqui, leenaxat Eliseo, neeta'ñi yi Israel, ñiga'ỹo' ñí'maq ỹa'xatem ñi lashi ná'ogue ná'maq 'xachi', vire'ta quena' vi'saugui ñi relaxasoxogui'i'.

Mateo 21:11

Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Lucas 24:19

Ca so'maxare 'naaco': —¿Negue' ca 'neeto' ca'maxare? Ca' saua'maxare 'neraco': —Dá'maq 'neeta ca Jesús, Nazaret le'ec, cá'maq la'qaataxanqajnec ñi qota'a. Sojo ỹale qaica ca qalanac quena la'qaatec chaqai quená'maq ỹo'uet, chaqai ỹaatqajam ỹa'maxarenta so'maxare ñi qota'olec chaqai ná'ogue na qomyipi.

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

Lucas 7:39

Ca co'na' ỹauanchigui dajo so fariseo só'maq lalecsec so Jesús quiyim lqui'ỹaxaua, ca' ra'deenataxantac, 'naaco': “Ñijo ỹale quiyim ỹaatqajam llic la'qaataxanqajnec ñi qota'a, ca' ishit ỹa'den añi 'aalo ipooteta'pe naua lichil, ma' añi'maxare nanatqa lo'o'.”

Juan 4:18

Ma' shi'gue 'vii saua cinco rouachi', ca ñí'maq loqoisa'guit nagui se roua'e'. Ca' quedajo, ca ỹaatqajam llic da 'ñirac.

Juan 4:29

—Ỹalahi, ñaqa 'ajñii da ỹale mashic ỹa'xachim ná'ogue ná'maq shi'gue so'uet. ¿Mesqaido' dá'maq qaỹa'xateta'guit nashi nca'laxaqui?

Juan 6:14

Ca co'na' so qomyipi iuanchigui dajo netanec se qaiuanapega ỹo'uet so Jesús, ca 'naaco': —Ỹaatqajam llic quiyim chaqaida da'maxare dá'maq la'qaataxanqajnec ñi qota'a qaỹa'xateta'guit quiyim naỹa'a ana 'laua.

Juan 7:40

Ca 'uo' na queso qomyipi co'na' 'qaachigui dajo, ca 'naaco': —Dajo ỹale ỹaatqajam chaqaida dá'maq letaxaỹaxanqajnec ñi qota'a qaỹa'xateta'guit quiyim naỹa'quena.

Juan 9:17

Ca lotqai liỹa pilalec quiyim qainat só'maq ỹale qai'laqo' na'le: —Qam qami' ¿negue' cá'maq 'ñirac quesó'maq ỹale ỹa'vii naua nqochichi'? Ca so'maxare 'naaco': —Ỹim shinac quiyim letaxaỹaxanqajnec ñi qota'a.

Deuteronomio 18:15

Ñi qara'gaxala' qota'olec ỹo'uet ma'le quiyim chicqotouguilo qamiri ca letaxaỹaxaqui 'nejem aỹim, ca' na'xaỹaxañiỹa ca'maxare ma'le.