Juan 4:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' na fariseoipi co'na' ỹa'den quiyim paguec na queeta'pegue' so Jesús chaqai paguec na lachilaxanatec queso Juan.

Juan 4:1 Iomraidhean Croise

Lucas 1:76

Qam qami' ỹaalcolec, qaỹamata'gue ma'le quiyim qami' letaxaỹaxanqajnec ñí'maq qota'olec ma' sqaica nqai 'nejem da lquesaxanaxa, ma' qaỹaqatqajanta'gue qami' ma'le ca llic ñi qara'gaxala' qaiyi ỹa'maqatañi ca llicyaxac,

Lucas 19:31

Qam no'm 'ue ca inate' qamiri, 'naac: “¿Chi'negue ma' sohiuec?”, ca' 'ñiỹac: “Ñi qara'gaxala' ỹouen ñi'maxare.”

Lucas 19:34

Ca' saua'maxare 'neraco': —Qaỹouen ñi'maxare quiñi qara'gaxala'.

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 7:19

Ime, ca' ilatalo so Jesús quiyim inate' quiyim chaqaiso' so ỹaatqajam nashi nca'laxaqui so'maxare, só'maq qanauaantaque, loqo'm ñaq qanauaanaque ca liỹa.

Juan 3:22

Ca co'na' ime dajo, ca' so Jesús eec, liỹareta'pe saua lapaxaguinatqa, querepegue' yi 'laua Judea. Ca' 'vii saua na'xata' hueeta'anyi chaqai rachilaxanataxantac.

Juan 3:26

Querepegue' so Juan, ca' 'nerec: —Qami' napaxaguinataxanaq, 'ajñi' dá'maq ỹovireta'a qami' na'le queda pa'ỹa'gue da lqodoigue caso lachiugue Jordán, dá'maq 'xachisac na'le coqomi', da'maxare nagui rachilaxanataxantac chaqai ná'ogue na qomyipi queeta'pegue'.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

1 Corintios 1:17

Ma' so Cristo se yila' quiyim sachilaxanataxan, ta'ta'a quiyim sa'xatetac da nca'laxa. Qam se souen da chi la'deenaxanaxa ca chaqai qom, qaiyi se so'taxat quiyim 'ec sqaica ca 'negue da lelauaxa so Cristo na' qaipateno.

1 Corintios 15:47

So 'auaxaic qom qaỹachigoxotaugui na 'laua, ca so'maxare 'lauasec. Qam só'maq co'uaataxanta qom, só'maq qara'gaxala', so'maxare chicqo'ot na piguim.

1 Corintios 2:8

Na nashillipi hueetalecna qaica ca ỹa'den dajo na'deenec. Ma' quet ỹa'den, ca se qaipateno so choxoraic qara'gaxala'.

2 Corintios 4:5

Ca' quena' sa'xatqatac dajo na'qaatec, se ña'xatqateguelta' qomi'. Ta'ta'a quiyim sa'xatqatac so Jesucristo quiyim chaqaiso só'maq qara'gaxala'. Qam coqomi', ca shinqac qomi' relaataxahi, quedá'maq le'xorenataxanaxa so Jesús.

Santiago 2:1

Qamiri ỹaqaỹa', ma' mashic viilec so chalego lecaic qara'gaxala' Jesucristo, ca' se ỹa'maxañi quiyim nca'aitagui na qomyipi.

Apocalipsis 19:16

Chaqai so'maxare qoỹeretalec so lapo' chaqai na loteleta' dajo neenaxat: “Lashi na nashillipi chaqai la'gaxala' na na'gaxalateripi.”