Juan 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Na nonot quena' npe'taxanshiguim, qam chaqai ỹoiquentac cá'maq reloxoigue; ca 'qa'isaque na lelamaxa, qam sqa 'yiiñi' cá'maq chicqochi'ñi chaqai cá'maq taigue. Ca' chaqaida 'neeta ná'ogue ná'maq ne'xaỹaugui so Espíritu Santo.

Juan 3:8 Iomraidhean Croise

Salmos 107:25

Na' retaqa ñi qara'gaxala', ca' nanac so nonot lodegaxat, ca' 'ue na lo'paxa chalego lecaic.

Salmos 107:29

ca' ñigui nqai'en quiyim nayaarichiguiñi so nonot lodegaxat, ca' taañi na lo'paxa qaica.

Eclesiastés 1:6

Na nonot taỹa'gue da 'guiñi, ime, ca naqalgoxoñi lotqai taigue da rapiguim. ¡Naqalgoxoñi, lotqai rapil na nonot, chaqai lotqai liỹa naqalgoxoñi!

Ezequiel 37:9

Ca na'le, ca' ñi qara'gaxala' 'naac caỹim: 'Xachi' da ỹeenaxat quiyim nac ca nacat ỹo'uet ca nca'laxa, ca' 'ñirapega: Da la'qaatec ñi qara'gaxala' 'neetasa': Nacat 'viichi' ca nca'laxa, ñaqai naqui' chicqote'ogalo da rapiguim, 'guiñi, lqodoigue, chaqai da lauashiguim, ca 'viichi' quiyim nca'leuec najo qomyipi loshicmaxa ileu.

Juan 1:13

Qam na'maxare sqai 'nejem da ne'xaỹoqsoxoc na llaalqaipi na re'qoochigui qom. Ma' na'maxare ne'qaañi, qam 'nejem da no'ueenataxac ca chaqai qom, loqo'm ca chi lqo'itaxanqachic ca ỹale. Ta'ta'a quiyim ỹaatqajam llaalqaipi ñi qota'olec ma' huelec ñi'maxare.

Juan 3:7

'Neeto' re'laqaita dá'maq shinac caqami' quiyim “ná'ogue na qomyipi ỹouen quiyim liỹa ne'qaañi.”

Juan 3:9

Ca' so Nicodemo lotqai liỹa renataxan, 'naaco': —¿Negue' cá'maq 'neeto' ca leloxoỹaxac dajo?

Hechos 2:2

Ca' chi re'laqataxanta quiyim 'uo' so qara'xaỹaque, 'maqot na piguim. Da lelamaxa 'nejem na nonot lodegaxat, ilamigui nqai'en so 'imec neetaugui so qomyipi nqa'xantañi.

Hechos 4:31

Ca co'na' ime da nqouagaxainaxague', ca' i'loxol ca neesa'ñi lapoota'ta'. Ca sá'ogue qano'xataxachichigui queso Espíritu Santo. Ca' qaica ca no'chiiraque ỹa'xatesac da la'qaatec ñi qota'olec.

1 Corintios 12:11

Qam chaqaiso so Espíritu chicqo'ot ná'ogue najo, ca' chaqaiso só'maq imeenec ná'maq ỹoreta'oguit lo'ueenataxanaxac queca qom, quecá'maq shim 'neeta'gue.

1 Corintios 2:11

Quena qomyipi ¿negue' queto' ca ỹa'den ca hueetagui aca le'taxanata ca liỹa qom? Qaicaata ca'maxare ma' chi no'ueenataxac, ca ỹa'den. Ca 'nejem ca chi no'ueenataxac ñi qota'a, qaicaata ỹa'den ca 'neeta'pegue ñi'maxare.

1 Juan 2:29

Ma' mashic 'yiiñii quiyim so Jesucristo ỹo'uet ca ỹa'maqachiguiñi, chaqai qai'neeta 'yiiñii quiyim ná'ogue ná'maq ỹo'ueetetac na ỹa'maqachiguiñi ỹaatqajam llaalqaipi ñi qota'a.