Juan 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca renataxano' so Nicodemo: —Qam ¿negue' queto' ca la'maqa' queca qom quiyim mashic ỹi, ca lotqai liỹa ne'qaañi? ¿Qa' ishit quet quiyim liỹa pilougui na lauel aca late'e, ca lotqai liỹa ne'qaañi?

Juan 3:4 Iomraidhean Croise

Juan 3:3

Ca' so Jesús 'naaco' queso'maxare: —Ỹaatqajam lliqueta dá'maq sa'xatem qami', quecá'maq sqo pilac liỹa ne'qaañi, ca' se iuana da lo'ueenataxanaxac ñi qota'a ma' ỹoiquentac ná'ogue najo.

Juan 3:5

Ca' so Jesús 'naaco': —Ỹaatqajam llic dá'maq sa'xatem qami', quiyim cá'maq se nañan quiyim qanachilaxan chaqai quiyim qaỹadalaxat queso Espíritu Santo, ca se inoxona'a da lo'ueenataxanaxac ñi qota'a ma' ỹoiquentac ná'ogue najo.

Juan 6:53

Ca' so Jesús 'naaco' queso qomyipi: —Ỹaatqajam lliqueta da shinac caqamiri, ma' no'm qamiri sqa 'guii na loshicmaxa najo ỹale llaalec, chaqai se ni'chiiguilo caua leuo', ca' sqaica ca rca'laxahi.

Juan 6:60

Ca co'na' qara'xaỹa dajo napaxaguinataxanaxac, ca 'xoico' só'maq coỹareta'pegue' so Jesús 'naaco': —Dá'maq dajo ỹa'xat chalego lqalaic quiyim qaicoñiguit; ¿negue' queto' ca ishit na'xaỹaxana?

1 Corintios 1:18

Ma' da na'qaatec queda lelauaxa so Cristo na' qaipateno 'eco' chaqai mogollishic quená'maq tai'a quiyim na'laañi. Qam qomi' ma' saaqa'a da nca'laxa, ca' dajo na'qaatec lquesaxanaxa ñi qota'a.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.