Juan 3:33 - La'qaatqa ñi qota'olec Qota'olec & Qota'olec Novita Na Qomyipi

³³ Qam no'm 'ue ca huelec da'maxare, ca' quedajo, ca' i'taxajñi quiyim ỹaatqajam llic da la'qaatec ñi qota'olec.

Juan 3:33 Iomraidhean Croise

Juan 6:27

Mesqo 'ueenataxañii hiñiteguelec ca na'ic tai'a quiyim imeho, ta'ta'a ca na'ic se imeho chaqai chicqaugui ca nca'laxa sqaica lqodoc. Ca chaqaica cá'maq na'ic ỹaanema qamiri najo ỹale llaalec, ma' ñi qota'olec chaqaina ná'maq ỹiquichigui quiyim ỹa'maxarenta.

Juan 8:26

Chaqai aỹim ñaqai 'xoic na ỹa'qaatqaipi ma'le caqamiri chaqai quiyim semit ca rasauaxashichii. Qam ñí'maq yila' ỹaatqajam lliqueta dá'maq ỹa'xat, chaqai dá'maq sa'xatetac quena qomyipi hueetalec na 'laua, chaqaina ná'maq sa'qaachigui la'qaatec ñi'maxare.

Romanos 15:28

Ca ma' somat dajo, ma' ime saano ana notaanaxanqate, ma'le ca' saigue da España, ca shiquejlgoto qamiri ma'le.

Romanos 4:11

Ca co'na' ime, ca' so Abraham qaỹa'ue so netanec na loshicmaxa, ca 'ec chi netanec quiyim ñi qota'a mashic icoñi'chiguit, ca ỹamata'gue quiyim no'uen ỹale, ma' 'ue da lpi'ỹaxac. Ca co'na' 'neeta dajo, ca' so Abraham chi ỹovireta'a quiyim qai'neeta leta'a ná'ogue ná'maq 'ue da lpi'ỹaxac, 'eno'm sqaica ca netanec na loshicmaxa. Ca' ñi qota'olec icoñi'chiguit qai'neeta na'maxare, ca qai'neeta ỹamata'gue lo'yaxanec ỹale.

1 Corintios 9:2

Qam no'm 'ue na saqa' huelec quiyim aỹim lelaatec so Jesús, qam qamiri se ishit quiyim sqai viilec, ma' aỹim ná'maq 'em viilec so qara'gaxala'. Ca' chaqaida dá'maq re'oq nqai'en quiyim ỹaatqajam aỹim lelaatec so Jesús.

2 Corintios 1:18

Qam ñi qota'a ỹa'deenta quiyim qomi' sqai shinqac caqamiri hua', ca' ncopaata lotqai shinqac 'e'.

2 Corintios 1:22

Chaqai chaqaiñi ñí'maq ỹo'uet ca letanec coqomi', ca' ỹanaguilo naua qare'taxanata ñi Espíritu Santo, ñí'maq i'taxajñi cá'maq seconaxaguit ma'le.

Efesios 1:13

Chaqai qai'neete' qamiri, na' 'xaiỹa dá'maq ỹaatqajam lliqueta na'qaatec, na' qaỹa'xat da rca'laxahi, ca' viilec so Cristo, ca' na'yiiu'a so'maxare, ca' 'ue ca netanec nqohine' qamiri, ca' qamiri lalamaxarete' ñi qota'a, chicqochigui nqohin so Espíritu Santo só'maq shi'gue ỹachaxantac ñi'maxare.

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

Hebreos 6:17

Vichiguiño' ñi qota'a nanecalta' co'na' i'taxajñi da ỹachaxantac, ma' ỹahotaque re'qoota nqai'en quená'maq icoñiguit ma'le cá'maq lalamaxaret qaỹachaxantac, ca ñi'maxare ỹahotaque quiyim ipaquichigui nqai'en cá'maq ỹachaxantac, se ỹadalaxat ca la'qaatec.

1 Juan 1:10

Qam no'm shinqac quiyim sqaica ca qarasauaxaset, ca 'ec 'maatqaic nqaishinaq ñi qota'a, chaqai sqai ỹaatqajam llic seuaqlec da la'qaatec.