Juan 3:32 - La'qaatqa ñi qota'olec Qota'olec & Qota'olec Novita Na Qomyipi

³² chaqai ỹa'xat ná'maq iuanchigui chaqai ná'maq 'xaỹa. Qam qaica cá'maq huelec dá'maq ỹa'xat.

Juan 3:32 Iomraidhean Croise

Isaías 53:1

Ca' so qomyipi 'naac: ¿Negue' quet cá'maq huelec dá'maq qomi' sa'xaiqachigui? ¿Nega'ỹo' cá'maq ñi qara'gaxala' ỹachaxanem da lquesaxanaxa?

Mateo 7:8

Ma' cá'maq rashiilaxan, ca' icoñiguit ca rashiilaxanaque; chaqai cá'maq idaanaque, ca ỹanata; chaqai cá'maq ỹotogoxouo ñi lasom, ca' qaỹauate'oga.

Juan 1:11

Ca' so'maxare nacpegue' ná'maq lalamaxaret na'laua, qam ná'maq lalamaxat lauo' laseripi se icoñiguit so'maxare.

Juan 15:15

Ca tot samata'que qamiri nelaatqa, ma' cá'maq nelaatec se ỹa'den cá'maq ỹo'uet ca na'co'. Ca shinac quiyim qamiri ñauochaxaua', ma' sa'deenaxanaxañiigue ná'ogue ná'maq 'naapiguiỹa' ñi ita'a.

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

Juan 3:11

Ỹaatqajam llic dá'maq sa'xatem qami', ma' qomi' sa'xataq dá'maq sa'deenaq chaqai cá'maq sauanqachigui, qam qamiri sqai viilec dá'maq sa'xataq.

Juan 3:26

Querepegue' so Juan, ca' 'nerec: —Qami' napaxaguinataxanaq, 'ajñi' dá'maq ỹovireta'a qami' na'le queda pa'ỹa'gue da lqodoigue caso lachiugue Jordán, dá'maq 'xachisac na'le coqomi', da'maxare nagui rachilaxanataxantac chaqai ná'ogue na qomyipi queeta'pegue'.

Juan 3:33

Qam no'm 'ue ca huelec da'maxare, ca' quedajo, ca' i'taxajñi quiyim ỹaatqajam llic da la'qaatec ñi qota'olec.

Juan 5:20

Ma' ñí'maq leta'a nqo'ta ná'maq llaalec, ca' ỹachaxanem ná'ogue ná'maq ỹo'uet ñi'maxare; chaqai paguec lecaic ma'le ná'maq ỹachaxana, quená'maq ỹo'uet ca re'laxahi qamiri ma'le.

Juan 8:26

Chaqai aỹim ñaqai 'xoic na ỹa'qaatqaipi ma'le caqamiri chaqai quiyim semit ca rasauaxashichii. Qam ñí'maq yila' ỹaatqajam lliqueta dá'maq ỹa'xat, chaqai dá'maq sa'xatetac quena qomyipi hueetalec na 'laua, chaqaina ná'maq sa'qaachigui la'qaatec ñi'maxare.