Juan 3:31 - La'qaatqa ñi qota'olec Qota'olec & Qota'olec Novita Na Qomyipi

³¹ Cá'maq chicqa'gue da piguim, ca'maxare napacalec ná'ogue nanchaqaina; qam cá'maq hueetalec ana 'laua, ca'maxare 'lauasec, chaqai quena' retaqa, ca' ỹa'xatetac ná'maq huelec ana 'laua. Qam cá'maq chicqa'gue da piguim napacalec ná'ogue nanchaqaina,

Juan 3:31 Iomraidhean Croise

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Juan 1:15

So Juan ỹa'xatetac na'le so'maxare na' 'naac: —Chaqaida dajo dá'maq ỹim sa'xateta'guit na' shinac cá'maq co'uaataxanta ma'le caỹim, ca'maxare 'auaxaic caỹim, ma' shi'co' 'ue na' saqa'leca aỹim.

Juan 1:27

Da'maxare co'uaatetalec aỹim, qam da'maxare shi'co' 'ue na' saqa'leca aỹim. Chaqai se yalou'a quiyim sosoorec naua lequeete' naua lapelate'.

Juan 1:30

Ỹim sa'xatetac na'maxare na' shinac: “Co'uaatetalec aỹim na ỹale, na'maxare 'auaxaic caỹim, ma' shi'co' 'ue na' saqa'leca aỹim.”

Juan 3:30

Ca'maxare cá'maq nqo'neetauec ma'le da lichoxoric, ca' ỹim nqo'neeta'ta' ma'le da ichoxoric.

Juan 6:33

Ma' cá'maq pan ỹaan ñi qota'olec, chaqaica cá'maq nenojñi chicqashiguim queda piguim, ca ỹaanem da lca'laxa na qomyipi.

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Juan 8:23

Ca' so Jesús 'naaco' queso qomyipi: —Qamiri lase' najo pa'aañi, qam aỹim le'ec da pa'aashiguim. Qamiri 'viichitac na loic na 'laua, qam ỹim se so'uet na loic na 'laua.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

Romanos 9:5

Na'maxare chaqai llaalqaipi so 'auaxaic qareta'allipi, chaqai da re'qoochigui no'ueenataxac na'maxare chicqotougui so Cristo. Ca' qoỹanagui so'maxare quiyim qota'olec quená'ogue, ca qaiyi se neme quiyim qaimaqachintac. Ajá'a, ca chaqaida 'neeta dajo.

Hebreos 9:1

Ca só'maq 'auaxaic 'maqataxac 'vii naua no'ueenataxaco quena' qaimaqachin ñi qota'a, qam huaugui aca no'ueenaxanaxaqui neetalec na 'laua.

1 Pedro 3:22

na' taashiguim queda piguim, ca' nqa'xantañi queda loic ñi qota'a. Ca' ila' ná'ogue na lelaatqaipi ñi'maxare, chaqai na relaataxanaquipi, chaqai ná'maq nquesaxanaxaipi ỹoiquentac.

1 Juan 4:5

Najo 'maatqaiquipi lalamaxaret na 'laua, ca vichiguiño' ỹa'xateta'pe nauá'maq huerelec ana 'laua. Ca' qana'xaỹaxana quena qomyipi ỹoiquenta'pe naua se no'viiñi huerelec na 'laua.

Apocalipsis 19:16

Chaqai so'maxare qoỹeretalec so lapo' chaqai na loteleta' dajo neenaxat: “Lashi na nashillipi chaqai la'gaxala' na na'gaxalateripi.”