Juan 3:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

Juan 3:29 Iomraidhean Croise

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Isaías 54:5

ma' ñí'maq qami' lo'ueenata icona qami' ma'le quiyim qami' loua. Ca' dá'maq leenaxat ñi'maxare na'gaxala' qaica lqalanec; ñí'maq naqata'a qami', ñi'maxare co'teeta qota'olec quiyi Israel, ñi'maxare qota'olec quená'ogue na 'laua.

Jeremías 2:2

Mo'e', ma' vichita yi na'a' lodegaxat Jerusalén, ca taxahi'; nichintegue ca ra'qaachiqui', qaiyi ỹaatqajam qara'xaỹa, 'ñiraco': Da la'qaatec ñi qara'gaxala' 'neetasa': So'leente'te na' ñaqai qami' nogot ỹaatqajam na'maxachite' quen, na' secoñiraxaua' quiyim qami' ỹoua, ỹaatqajam rqo'chiriua' na'le, ca' qui'sa'pegue' na'le aỹim quiyi 'laua qaica qom, yí'maq 'laua qaica ca qoỹanlec.

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Oseas 2:19

Qami' Israel, ỹim so'uet sqaica lqodoc quiyim qami' ỹoua, qami' ỹalamaxarete ỹoua, ma' chaqaida 'neeta da nouaỹaxac, ma' sqaica nqai 'nejem da iqo'iichi caqami'.

Mateo 22:2

—Da lo'ueenataxanaxac ñi qota'a neeta'gue da piguim 'nejem ca nashi ỹo'uet ca lemaqachic quiyim shilo ca llaalec.

Mateo 25:1

Ca' dajo lo'ueenataxanaxac ñi qota'a neeta'gue da piguim 'nejme' ma'le caua diez nequetegaxahi ỹaconalo caua lcoỹeraxanaxaqui' ỹavigaxate' na aceite. Ca' querepegue' so shilaq, qaiyi qatesa'guit só'maq shilo.

Mateo 9:15

Ca' so Jesús 'naaco' quesaua'maxare: —¿Peeta'a ishiteto' quiyim rachicota, 'ec 'ue ca lasauaxanec, cá'maq nalecsec queca shilaq quiyim ñaq ỹalequetaho cá'maq shiltapego? Qam 'ue ca na'xa'a ma'le ma' ỹovita qanaqata'a só'maq nashilaxaua. Ca' quiyi, ca ishit nqopaaqachit na'maxare.

Lucas 15:6

Ca' ma' ỹoviro queca la'a', ca lapoonta' ca namigollipi chaqai ca la'aayaxauaripi. Ca' 'naapega: “'Maxaraic qamiri ñitoonaxaua', ma' mashic sanata añi ilo qagreta na'laañi.”

Juan 15:11

Ỹim shine'tegue dajo da shinac, qaiyi qamiri ñitoonaxaua', chaqai qaiyi 'xoic ca netoonaxaguii.

Juan 16:24

Vire'ta nagui saqa'leca ca shiilaxañiỹaque quiyim quiichigui nqai'ñii da ỹeenaxat; shiilaxañii, ca' coñiguit, qaiyi 'xoic ma'le ca netoonaxaguii.

Juan 17:13

Ma' nagui shicpegue' qami', qam nagui ma' ñaqai seuetalec na 'laua, ca' shinac dajo, qaiyi naua'maxare 'xoic ca netoonaxague' 'nejem da ñitoonaxac.

Juan 3:30

Ca'maxare cá'maq nqo'neetauec ma'le da lichoxoric, ca' ỹim nqo'neeta'ta' ma'le da ichoxoric.

2 Corintios 11:2

Ma' ỹim 'eco' 'ue da ico'ualaxanaxac caqamiri, qam dajo ico'ualaxanaxac ỹaatqajam chicqo'ot ñi qota'a. Ma' ỹim sahotaque so'naxanguita qamiri so Cristo, chaqai sahotaque sauegueu'alo qamiri so'maxare, 'nejem aca nequetegaxai se ỹauanapega 'on, ỹalamqa'chiguit ca loua.

Filipenses 2:2

ca 'maxaraic quiyim 'viichii ca ñitoonaxac quiyim niñiiquishiñitecta', necoñitagui da 'oonoqui' ne'xorenataxanaxa, 'oonoqui' ca ra'deenataxanaxaguii, chaqai 'oonoqui' cá'maq 'ñiitari'.

1 Juan 1:4

Ca' chaqaida dá'maq 'em seraxañi dajo, qaiyi ỹaatqajam naloochiguiñi ca netoonaxaguii.

2 Juan 1:12

'Xoic quet ná'maq ỹa'qaatec caqamiri. Qam se sa'maxaren quiyim sahote'e aca lere ỹerecse, ca' selatalo qamiri. Ma' sahotaque sovira'alo qamiri, qaiyi ỹaatqajam setaxaiqa'ajta', qaiyi ỹaatqajam ỹovirichiguiñi ca qanetoonaxac.

Apocalipsis 21:9

Ca na'le, ca 'ue so nacpegue' aỹim quesaua siete nelaatqa piguim lase', quesauá'maq no'qoosa'alo saua siete 'taxaqui' no'qaachiguilo quesaua pa'aaterec nqa'viico. Ca 'naac caỹim: —Ỹala'e', sachaxañiraxarom añí'maq napiitaxaua ñí'maq loua ma'le ñi 'ec qagreta llaalec.