Juan 3:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Qamiri nauá'maq ỹaatqajam 'xaichigui aỹim na' shinac mesqaỹim cajo nashi nca'laxaqui, ta'ta'a quiyim qayila' sa'aueta'gue cá'maq taata'gue ca'maxare.

Juan 3:28 Iomraidhean Croise

Malaquías 3:1

Ñi qara'gaxala' sqaica lqalanec 'naac: Ỹim sela' ma'le ca ilaatec quiyim ỹa'maxajñi ca ñayicyaxac. Ñí'maq na'gaxala', ñí'maq daañitaque, ñi'maxare nquipitaugui inoxonougui ma'le ñi lo'ueenaxanaxaqui. Chaqai mashic novi' ná'maq ỹa'xateta'guit ca 'deenaxac ná'maq repaguitaque qamiri!

Mateo 3:3

Ca' sojo Juan chaqaiso' so 'neetapego' na'le so letaxaỹaxanqajnec ñi qota'a leenaxat Isaías co'na' deraxan, 'ne'teguesa': 'Ue so qara'qaataque qom lavillaxac, 'maqateguelec yi 'laua qaica qom, ca' so laualaxac 'neetasa': “'Maxachiñi ca nayicyaxac ñi qara'gaxala'; ỹaatqajam ỹalamqata nqai'ñii ca llic.”

Lucas 1:76

Qam qami' ỹaalcolec, qaỹamata'gue ma'le quiyim qami' letaxaỹaxanqajnec ñí'maq qota'olec ma' sqaica nqai 'nejem da lquesaxanaxa, ma' qaỹaqatqajanta'gue qami' ma'le ca llic ñi qara'gaxala' qaiyi ỹa'maqatañi ca llicyaxac,

Juan 1:20

Ca' so'maxare ỹaatqajam ỹa'xateta, ca 'naaco': —Ỹim mesqaỹim cá'maq qaỹa'xateta'guit nashi nca'laxaqui.

Juan 1:23

Ca' so Juan 'naaco': —Aỹim ná'maq ỹim lavillaxac ca ỹaualaq, 'maqateguelec yi 'laua qaica qom, qam da laualaxac 'neetasa': “Huachigue lamaxachita ca nayic, llic ma'le ca qara'gaxala'” —ca' chaqaida dá'maq 'naaco' na'le so la'qaataxanqajnec ñi qota'a leenaxat Isaías.

Juan 1:25

Ca saua'maxare inate' so Juan, ca 'nerac: —Cha'regue, no'm sqaqami' cajo nashi nca'laxaqui, chaqai ma' sqaqami' Elías, loqo'm ca na'qaataxanqajnec naỹa'quena, ¿chi'negue ma' chilaxanataxañi'?

Juan 1:27

Da'maxare co'uaatetalec aỹim, qam da'maxare shi'co' 'ue na' saqa'leca aỹim. Chaqai se yalou'a quiyim sosoorec naua lequeete' naua lapelate'.