Juan 3:23 - La'qaatqa ñi qota'olec Qota'olec & Qota'olec Novita Na Qomyipi

²³ So Juan qai'neeta rachilaxanataxantac hueeta'ñi yi Enón, yi'maxare sqoỹoqaque quiyi Salim, ma' 'xoic na huaxaỹaq quiyi'maxare. Ca' anac na qomyipi, ca' qanachilaxan.

Juan 3:23 Iomraidhean Croise

Génesis 33:18

Ca co'na' so Jacob chicqota'gue da Padan-aram ỹaatqajam no'uenta sqaica nqaida na' ỹovita yi 'laua Canaán. Ca' na'ñi yi naloote'oga yi na'a' leenaxat Siquem.

Ezequiel 43:2

chaqai seuana da lauaq ñi qota'olec quiyi Israel chicqa'gue da lqodoigue. Ca' 'ue so sa'xaỹaque 'xoic lelamaxa, 'ec da lelamaxa ana lachiugue quena' nqo'ñishiguim na huaxaỹaq. Ca' na 'laua re'qojlec.

Lucas 3:7

Ca' na qomyipi co'na' ỹovire'oga so Juan quiyim ỹahotaque qanachilaxan, ca so'maxare 'naapego' quen: —¡Qamiri nanaic llaalqaipi! ¿Nega'ỹo' ca ra'qaataxanema qamiri quiyim qaiyi qohite' qamiri queda lecaic da nouaxanaxaset najo nepalata?

Juan 3:22

Ca co'na' ime dajo, ca' so Jesús eec, liỹareta'pe saua lapaxaguinatqa, querepegue' yi 'laua Judea. Ca' 'vii saua na'xata' hueeta'anyi chaqai rachilaxanataxantac.

Juan 3:24

Ca' dajo 'neeto' na'le, na' saqa' qaicoñi' so Juan.

Apocalipsis 1:15

Chaqai naua lapiaate' qashilgue' 'ec na bronce nquiỹocsec chaqai nqatelecsec queca nqatelaxanaxaqui. Chaqai da lavillaxac 'ec da lelamaxa na lo'paxa ana huaaxai.

Apocalipsis 14:2

Ca na' ime, ca 'ue ca sa'xaỹaque 'maqot na piguim. 'Ec na lelamaxa na 'xoic lachiuguellipi, chaqai qai'neeta 'ec na lelamaxa aso soxonaxa quena' nouaxanaxanñi; 'ec da lelamaxa aca 'xoic neviiguellipi qaiviiquetapigui.

Apocalipsis 19:6

Sa'xaỹaque qai'neeta so 'ec lavillaxac so 'xoic qomyipi, 'ec na lelamaxa na 'xoic lachiuguellipi, 'ec soxonaxa da lelamaxa, 'naacsa': ¡Semaqachinaq ñi qota'olec ñí'maq qara'gaxala' qaica ca qalanac, ma' mashic ỹovita yi laloqo' quiyim ỹoiquentac ná'ogue najo!

1 Samuel 9:4

Ca' so Saúl ỹapaca'ta quiyi 'xoic ana quemaralec qa' ladocai quiyi Efraín, ca que'tegue qai'neeta yi 'laua Salisa, qam se ỹanatalo caua 'ashina. Ca' quejlec qai'neeta yi 'laua Saalim chaqai yi 'laua Benjamín, qam qaiyiita se ỹanatalo.