Juan 3:2 - La'qaatqa ñi qota'olec Qota'olec & Qota'olec Novita Na Qomyipi

² Sojo Nicodemo 'uo' so pe ra'pichi'oga so Jesús, ca' 'naaco': —Qami' napaxaguinataxanaq, qomi' sa'deenqata quiyim qanela' qami' quiñi qota'olec quiyim qarapaxaguiñi', ma' qaica ca ishit ỹo'uet ná'maq 'viichisac netanqaipi quiyim re'oq da rquesaxanaxa'e', qaicaata cá'maq hueeto'ot ñi qota'olec.

Juan 3:2 Iomraidhean Croise

1 Reyes 17:24

Ca' aso 'aalo 'naaco': —Nagui, ca' ỹaatqajam sa'den quiyim qami' nale ñi qota'olec, chaqai dá'maq 'ñirac ỹaatqajam lliqueta chicqo'ot ñi qara'gaxala'.

Jeremías 38:16

Qam so nashi Sedequías nemoote'tot so Jeremías quiyim ỹaanec da la'qaatec nallitalta', 'naaco': —Saanec da ỹa'qaatec quiñi qara'gaxala' ñí'maq ỹa'ue da qarca'laxa, quiyim sqai salaxanegue qami' quiyim qaralauachi' chaqai sqai saanec aqami' quená'maq ỹahotaque ralauachi'.

Mateo 22:16

Ca' quiyi, ca 'vio' saua qanelate' quesaua lapaxaguinatqa saua'maxare chaqai saua ỹalequesaugui na nalliripi so nashi Herodes quiyim 'naapega so Jesús: —Qami' napaxaguinataxanaq, qomi' sa'deenaq quiyim llic ca ra'qaachiqui' quena' taxahi', chaqai paxaguinataxañitegue dá'maq no'uen llicyaxac cá'maq ỹa'maxarenta ñi qota'olec, chaqai se na'xaỹaxañita ná'maq 'naac na qomyipi, ma' se ra'i'sapigui dá'maq no'ueenataxac ca re'qoochigui qom.

Mateo 23:7

chaqai qaỹa'maxate'tegue quiyim qaiquin quena qom quena nayic, chaqai quiyim qaỹamata'gue napaxaguinataxanaq.

Mateo 23:8

Qam qamiri sqai viitaque quiyim qaỹamata'que qamiri napaxaguinataxana' quena qomyipi. Ma' qamiá'ogue qamiri nqaỹaripi, chaqai qaỹimeta napaxaguinatqorii.

Marcos 12:14

Ca' saua'maxare nagrepegue' so'maxare, ca' inate', 'neraco': —Qami' napaxaguinataxanaq, sa'deenaq quiyim 'xachisac dá'maq ỹaatqajam lliqueta, chaqai se na'xaỹaxañita ná'maq chaqai 'naac na qom, ma' se ra'iisapigui da chi no'ueenataxac na qom. Ta'ta'a quiyim paxaguinataxañitegue dá'maq llicyaxac dá'maq no'uen 'ueenataxac ỹa'maxarenta ñi qota'olec. ¿Ỹa'maqachiguiñi quiyim seshiuetenaq ñi lashi na nashillipi quiyi Roma, loqo'm 'e'? ¿Seshiuetenaq, loqo'm se seshiuetenaq?

Juan 1:38

Ca co'na' nqovilca so Jesús, ca' iuañi'chiguita quiyim coỹaresaho. Ca 'naaco': —¿Negue' ca daañitaque? Ca' saua'maxare 'neraco': —Qami' napaxaguinataxanaq, ¿negue' ca ñira'gue?

Juan 10:38

Qam no'm so'ueeteta'pe, 'eno'm sqai viilec aỹim, qam viilgoto nauá'maq so'ueeteta'pe, qaiyi ỹaatqajam 'yiiñita quiyim ñi ita'a hueetagui aỹim, chaqai ỹim seuetagui ñi'maxare.

Juan 12:37

Ca 'eno'm so Jesús 'xoic na ỹo'uet quena netanec se qaiuanapega iuanchigui nqai'ne' saua'maxare, qam qaiyiita se qoyiuelec.

Juan 14:10

Ca ¿sqai vi'relec quiyim ỹim seuetagui ñi qota'a, chaqai ñí'maq qota'a hueetagui aỹim? Dauá'maq sa'xateta'pe caqamiri se ñanoiquentac quiyim sa'xate'. Ñi qota'a ñí'maq hueetagui aỹim, chaqaiñi ñí'maq ỹo'uet dá'maq chi lo'ueenataxanaxac.

Juan 15:24

Qaica quet ca lasauaxaset na'maxare, queta' qaica cá'maq so'uet huaugui na'maxare quená'maq se ishit ỹo'uet ca liỹa qom; qam mashic shi'gue iuana dajo, qam qaiyiita noquihaỹa', chaqai noquii'a qai'neeta ñi ita'a.

Juan 2:11

Dajo dá'maq 'avichiguiñi netanec ỹo'uet so Jesús hua'ñi yi Caná huaugui yi 'laua Galilea, na' ỹachaxan da se qaiuanapega lo'ueenataxanaxac. Ca so lapaxaguinatqaipi ỹaatqajam huejlec so'maxare.

Juan 20:16

Ca' so Jesús 'naaco' caso'maxare: —¡María! Ca so'maxare ỹamato'ot, qam ỹahota'ahi naua hebreo la'qaatqa, 'naaco': —¡Raboni! —da leloxoỹaxac dajo na'qaatec 'naac: Qami' napaxaguinataxanaq.

Juan 3:26

Querepegue' so Juan, ca' 'nerec: —Qami' napaxaguinataxanaq, 'ajñi' dá'maq ỹovireta'a qami' na'le queda pa'ỹa'gue da lqodoigue caso lachiugue Jordán, dá'maq 'xachisac na'le coqomi', da'maxare nagui rachilaxanataxantac chaqai ná'ogue na qomyipi queeta'pegue'.

Juan 4:31

Ca' saua lapaxaguinatqa nquipitesa'pegue' quiyim 'neesapega: —Qami' napaxaguinataxanaq, qui'i' lecocho'qui'.

Juan 5:36

Qam caỹim 'ue dá'maq paguec i'taxajñi quedá'maq 'naac so Juan. Ma' quena' 'ue yí'maq so'uet, qam chaqainaua nauá'maq ỹamaxailgoto ñí'maq ita'a quiyim so'ueete'. Ca' chaqainaua nauá'maq re'xoi' nqai'ne' quiyim llic chaqaiñi ñí'maq ita'a yila'.

Juan 6:2

Ca 'xoic na qomyipi queeta'pegue' so'maxare, ma' 'xoic na qaiuantapigui ỹo'ueetetac so'maxare quena netanqaipi se qaiuanapega quena' ỹomatec na ralolaxaiquipi.

Juan 7:31

Qam 'xoico' ná'maq huelec so'maxare, ca 'naaco': —Ma' novi' cá'maq nashi nca'laxaqui, ca ¿peeta'a paguec ma'le cá'maq netanqaipi se qaiuanapega quedá'maq dajo ỹale?

Juan 9:16

Ca 'uo' na 'naac queso judioipi: —Cá'maq ỹale ỹo'ueeto' dajo na'le, sqa chicqo'ot ñi qota'olec, ma' napacalec da leloxoỹaxac yi na'xa'a co'mataxaqui. Qam 'uo' na liỹa 'naaco' quen: —Qam ¿chi'negue ma' ishit quiyim ỹo'uet da netanec se qaỹauanapega, no'm sauaqhuaic? Ca' quiyi, ca' se natenta' da la'deenataxanaxac so qomyipi.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Filipenses 1:14

Ca na' qaỹa'den dá'maq 'neeta quiyim qaycoñiretari', ca sham ná'ogue na qarqaỹaripi na'ñaxat, ca' qaica ca no'chaaque quiyim ỹa'xat da la'qaatec ñi qota'a chaqai nqo'neuec da lpi'ỹaxac queso qara'gaxala'.

Jueces 6:27

Co'na'le, ca' so Gedeón iconeu'alo saua diez lelaatqa, ca' ỹo'uet sá'ogue só'maq qailarelec quiñi qara'gaxala'. Qam qaidaata quiyim nepesenta, ma' no'cha'a so lauo' so leta'a chaqai so qomyipi na'ñi yi na'a'.