Juan 3:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ma' qaica ca taigue da piguim, ta'ta'a ná'maq nenojñi chicqashiguim queda piguim, ná'maq qohinac ỹale llaalec, chaqai'en neeta'gue da piguim.

Juan 3:13 Iomraidhean Croise

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Mateo 8:20

Ca' so Jesús 'naaco' na'le queso'maxare: —Ana nouaxaỹaxallipi 'ue na lauac, chaqai na qo'oollipi 'ue na lpa'gue'. Qam najo ỹale llaalec qaica ca lo'xaỹoqsoqo'.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 17:5

Ca' nagui, qami' ita'a, sahotaque sentau'a na rahi'i', chaqai 'ỹaañitem aỹim dá'maq imaqachic na' ñaqai sento'ot qami' na' saqa'leca na 'laua.

Juan 3:12

No'm sqo viilec aỹim quena' sa'xate' naua hueralec na 'laua, ¡huose'quet viilec aỹim queta' sa'xatema qamiri cá'maq hueeta'gue da piguim!

Juan 3:31

Cá'maq chicqa'gue da piguim, ca'maxare napacalec ná'ogue nanchaqaina; qam cá'maq hueetalec ana 'laua, ca'maxare 'lauasec, chaqai quena' retaqa, ca' ỹa'xatetac ná'maq huelec ana 'laua. Qam cá'maq chicqa'gue da piguim napacalec ná'ogue nanchaqaina,

Juan 6:33

Ma' cá'maq pan ỹaan ñi qota'olec, chaqaica cá'maq nenojñi chicqashiguim queda piguim, ca ỹaanem da lca'laxa na qomyipi.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Juan 6:42

Ca 'naaco' so qomyipi: —¿Dajo mesqaido' da Jesús da llaalec so José? Qomi' seuanaxa so leta'a chaqai aso late'e, qam ¿chi'neco' da'maxare ma' 'naac chicqo'ot na piguim?

Juan 6:46

Mesqaida quiyim 'uo' ca iuanapega ñí'maq ita'a; chaqainaata ná'maq chicqo'ot ñi qota'olec, ca iuana ñi'maxare.

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Juan 6:62

¿Negue' quet ca 'ñiita queta' huañishi'megue najo ỹale llaalec pilshiguim quedá'maq shi'gue neeta'gue?

Juan 8:42

Ca' so Jesús 'naaco' queso qomyipi: —Quetqai llic qataa'i ñi qota'olec, ca 'xoriñii quet aỹim. Ma' ỹim sachicqo'ot ñi'maxare, ca nagui salequetauguilo qamiri. Chaqai se ñanoiquentac ñanac, ma' chaqaiñi ñí'maq qota'olec yila'.

Hechos 2:34

Ma' mesqaiso so David taigue da piguim; ma' chaqaiso só'maq David 'naaco': Ñi qara'gaxala' qota'olec 'naapego' ñi ỹa'gaxala': “Nqa'xañiriñi pa'a'isa'gue da ỹoic,

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Romanos 10:6

Qam dá'maq 'neeta quiyim ca qom qaicoñi'chiguit quiñi qota'a quiyim chicqochigui da lpi'ỹaxac, 'neetasa': “Mesqai hueetapigui qavilli' quiyim 'ñirac: ¿Nega'ỹo' ca ishit taashiguim queda piguim? —ca' dajo 'neeta quiyim rapilaxajñi so Cristo—;

1 Corintios 15:47

So 'auaxaic qom qaỹachigoxotaugui na 'laua, ca so'maxare 'lauasec. Qam só'maq co'uaataxanta qom, só'maq qara'gaxala', so'maxare chicqo'ot na piguim.

Efesios 1:23

Ma' ná'maq mashic icoñiguit da na'qaatec chaqaina ná'maq loshicmaxa so Cristo, ca naloochiguiñi nqai'en so Cristo. Chaqai so'maxare naloqojonchiguiñi quená'ogue nanchaqaina.

Deuteronomio 30:12

Sqai hueeta'gue da piguim quiyim qohinac: ¿Negue' queto' cá'maq ishit taigue da piguim, ca' noda'alo qomi' chaqai qarapaxaguinegue quiyim so'ueetaq?