Juan 3:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ỹaatqajam llic dá'maq sa'xatem qami', ma' qomi' sa'xataq dá'maq sa'deenaq chaqai cá'maq sauanqachigui, qam qamiri sqai viilec dá'maq sa'xataq.

Juan 3:11 Iomraidhean Croise

Isaías 53:1

Ca' so qomyipi 'naac: ¿Negue' quet cá'maq huelec dá'maq qomi' sa'xaiqachigui? ¿Nega'ỹo' cá'maq ñi qara'gaxala' ỹachaxanem da lquesaxanaxa?

Isaías 55:4

So'maxare sa'ue na'le yi loma', sauaaque ỹa'qaataxanqajnec quena ỹoreta'oguit qomyipi, quiyim nashi chaqai napaxaguinataxanaq quena qomyipi.

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Mateo 23:37

¡Qami' Jerusalén, qami' Jerusalén, ma' qami' lauachirac na netaxaỹaxanqajanqaipi chaqai naqai' quena qa' ná'maq nelata qami' ñi qota'olec! ¡Ỹoto'o' sahotaque llapoonta' na qachaalaxai'ipi, 'nejem aca huaqa'e quena' lapoonta' na llaalqaipi, ca illo'oto naua laua', qam sqai 'maxariñi'!

Lucas 10:22

Ca' 'naapego' so qomyipi, 'naaco': —Ñi ita'a nañaañim ná'ogue na na'deenataxanaxac. Ma' qaica ca ỹa'den negue' najo llaalec, chaqaiñiita ñí'maq leta'a. Chaqai qaica ca ỹa'den negue' ñí'maq leta'a, qainaata ná'maq llaalec, chaqai quecauajo cauá'maq ñi'maxare ỹahotaque ỹa'deenaxanaxanque.

Juan 1:11

Ca' so'maxare nacpegue' ná'maq lalamaxaret na'laua, qam ná'maq lalamaxat lauo' laseripi se icoñiguit so'maxare.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 12:49

Ma' ỹim se ñanoiquentac quiyim setaqa; ma' ñí'maq ita'a ñí'maq yila', chaqaiñi ñí'maq chicqo'ot cá'maq sa'xat chaqai cá'maq sapaxaguinataxanegue.

Juan 14:24

Cá'maq se yi'xoren, ca se na'xaỹaxana dá'maq sa'xatetac. Dá'maq na'qaatec na'xaỹaxañitapega se ỹalamaxaret; chicqo'ot ñi qota'a ñí'maq yila'.

Juan 3:12

No'm sqo viilec aỹim quena' sa'xate' naua hueralec na 'laua, ¡huose'quet viilec aỹim queta' sa'xatema qamiri cá'maq hueeta'gue da piguim!

Juan 3:13

Ma' qaica ca taigue da piguim, ta'ta'a ná'maq nenojñi chicqashiguim queda piguim, ná'maq qohinac ỹale llaalec, chaqai'en neeta'gue da piguim.

Juan 3:3

Ca' so Jesús 'naaco' queso'maxare: —Ỹaatqajam lliqueta dá'maq sa'xatem qami', quecá'maq sqo pilac liỹa ne'qaañi, ca' se iuana da lo'ueenataxanaxac ñi qota'a ma' ỹoiquentac ná'ogue najo.

Juan 3:5

Ca' so Jesús 'naaco': —Ỹaatqajam llic dá'maq sa'xatem qami', quiyim cá'maq se nañan quiyim qanachilaxan chaqai quiyim qaỹadalaxat queso Espíritu Santo, ca se inoxona'a da lo'ueenataxanaxac ñi qota'a ma' ỹoiquentac ná'ogue najo.

Juan 5:43

Ma' ỹim ñanac, qam yila' ñí'maq ita'a, qam qamiri sqai coñiguit aỹim; qam queta' 'ue ca chi nanoiquentac nanac, ca' coñiguit queta'le.

Juan 7:16

Ca' so Jesús 'naaco' queso qomyipi: —Dá'maq dajo mese ỹalamaxat ỹapaxaguinataxanaxac, ta'ta'a ñí'maq yila'.

Juan 8:14

Ca' so Jesús 'naaco': —Dajo ỹa'qaataxanaxac ỹaatqajam 'ue da 'negue, 'eno'm chi ña'xateteguelta'. Ma' sa'den dá'maq sachicqa'gue, chaqai cá'maq saỹa'gue. Qam qamiri sqa 'yiiñii cá'maq sachigoxogue, chaqai cá'maq saỹa'gue.

Juan 8:26

Chaqai aỹim ñaqai 'xoic na ỹa'qaatqaipi ma'le caqamiri chaqai quiyim semit ca rasauaxashichii. Qam ñí'maq yila' ỹaatqajam lliqueta dá'maq ỹa'xat, chaqai dá'maq sa'xatetac quena qomyipi hueetalec na 'laua, chaqaina ná'maq sa'qaachigui la'qaatec ñi'maxare.

Juan 8:38

Ỹim sa'xat dá'maq ỹachaxañim ñi ita'a, qam qamiri 'viichitac dá'maq qohinapegalo qamiri queso qataa'i.

Hechos 22:18

Ca seuana so qara'gaxala' Jesús, 'naapiguiỹa': “Riỹalli'sac, quire'e na Jerusalén, ma' na neeta'ñi najo qomyipi qaica ca na'xaỹaxana qami' queda 'xachisac caỹim.”

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 3:14

Qai'neeta lachita ana lere ñi nelaatec reloqota'a yí'maq mashic icoñiguit da na'qaatec neeta'ñi yi Laodicea. 'Ñiraco': “'Neetasa' da la'qaatec ná'maq ỹaatqajam lliqueta, ná'maq ỹaatqajam ipacqajanchigui ca la'qaatec, ñí'maq chicqochigui ná'ogue ná'maq lo'ueenatec ñi qota'a: