Juan 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' so Jesús 'naaco': —Ỹaatqajam qami' napaxaguinataxanaq quena llaalqaipi so Israel, qam ¿sqa 'yiiñi'o' dajo?

Juan 3:10 Iomraidhean Croise

Salmos 51:10

Qami' qota'olec, ¡ñi'ragui aỹim aca ne'taxanata co'teeta!, ¡vite ca dalaxaic ỹa'deenataxanaxac ỹa'maqachiguiñi!

Salmos 51:6

Ỹaatqajam 'xoriñi' ca qom no'uen ca hueetagui añi le'taxanata, chaqai na iuel lli'ragui da na'deenaxanaxa.

Salmos 73:1

¡Chalego leuagaxaric ñi qota'olec quena llaalqaipi so Israel, quená'maq co'teeta añi le'taxanata!

Jeremías 31:33

Dajo dá'maq ña'deenaxac ma'le quena llaalqaipi so Israel, ma' ỹovita cajo na'xa'a: Da ilaataxanaxaquipi sellaagui añi le'taxanata chaqai shiriñi quiyi la'deenataxanaxac loma'. Ca' ỹim qota'olec ma'le quena'maxare, chaqai na'maxare, ca' ỹalamaxareteripi. Ỹim na'gaxala', se'taxajñi da ỹa'qaatec.

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Mateo 15:14

'Xañiỹac, ma' na'maxare se neuanñi chaqai ỹashaxantac ná'maq liỹa se nauanñi. Chaqai no'm cá'maq se nauanñi ỹauequetegueri' cá'maq liỹa se nauanñi, ca' caua'que tari'ñigui aca ni'ỹa ma'le.

Mateo 22:29

Ca' so Jesús 'naaco' quesaua'maxare: —Qamiri o'miitac, ma' sqa 'yiiñii' naua naneresañi la'qaatqa ñi qota'olec chaqai da lquesaxanaxa.

Lucas 2:46

Ca co'na' mashic ỹovirerec saua tres na'xata', ca' qaỹanata so'maxare, hueetaugui aso no'ueenaxanaxaqui late'ogue', nqa'xantañi, reloqotaugui só'maq rapaxaguinataxanta'pegue na nelaataxanaxaquipi, na'xaỹaxantapega chaqai 'uo' na nenataxanaxaquipi.

Lucas 5:17

Ca 'uo' so na'xa'a so Jesús rapaxaguinataxantac, ca 'uo' na ỹalequetaho, nqa'xantañi, ná'maq ỹalequetaugui na fariseoipi, chaqai ná'maq rapaxaguinataxanta'pegue na naqataxaquipi, novi', chicqa'ogalo naua na'aate' quiyi Galilea chaqai yi Judea chaqai Jerusalén. Ca' da lquesaxanaxa ñi qota'olec re'oq queso'maxare quena' ỹomatec na ralolaxaiquipi.

Juan 3:9

Ca' so Nicodemo lotqai liỹa renataxan, 'naaco': —¿Negue' cá'maq 'neeto' ca leloxoỹaxac dajo?

Hechos 5:34

Qalaxam queso nashillipi 'uo' so ỹalequetaho fariseo, leenaxat Gamaliel. So'maxare napaxaguinataxanaq quena nelaataxanaxaquipi, ma' so'maxare na qomyipi ỹapacauec nqai'en. So'maxare nachajñi, ca 'naapegalo quiyim qaỹaueguere'oguiyi lecocho'qui' saua lelaatqa so Jesús.

Romanos 2:28

Ma' quiyim qami' judío le'ec, qam mesqainaata na pa'aauec. Chaqai quiyim qaỹa'ue ca netanaxaset, mesqainaata na pa'aauec quena loshicmaxa.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Colosenses 2:11

Chaqai quiyim na'yiitau'a so Cristo, ca' qaỹa'ue na netanegue' qamiri; qam mesqai ná'maq re'qoochigui quena noshicmaxa, ta'ta'a quiyim na' qanca'laxaterec qamiri quena nasauaxaset queda lamaanaxanqachic na roshicmaxahi. Ca dajo dá'maq netanaxac na qom chicqo'ot so Cristo.