Juan 21:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca co'na' ỹovirereta quiyi 'laua, ca natenterelec so norec nodaachiguiñi lpoqo qailliitalec so nallin, chaqai qai'neeta 'ue so pan hueeta'anyi.

Juan 21:9 Iomraidhean Croise

Mateo 4:11

Co'na'le, ca' so na'ỹaapec ca'e so Jesús, ca 'vio' saua nelaatqa piguim lase' ỹotauansac so'maxare.

Marcos 8:3

Chaqai no'm shinapega na'maxare quiyim pilalo naua la'aate' quiyim sqaica ca ỹa'ic, ca' 'ue ca ileueta ma'le quena nayic, ma' 'ue na qoỹoqo'tegue na chicqa'gue.

Juan 18:18

Qam 'xoico' ca no'oomaxa na'le, ca' so nelaatqaipi chaqai so nouaataxanyipi ỹo'ueeto' so lole', ca sá'ogue netontac, qam nachaatetañi. Ca' so Pedro ỹalequetaugui qai'neeta so qomyipi, netontac queso norec.

Juan 21:10

Ca' so Jesús 'naaco' quesaua'maxare: —Ñaqa vii caua nalliñi' nodohiri' quená'maq chita'gue naviguiita.

Juan 21:13

Co'na'le, ca' nqo'neho' so Jesús, ca ỹacona so pan, ca imeenec quesaua'maxare. Ca' chaqaida 'ne'tegue qai'neeta queso nallin.

Juan 21:8

Ca' saua liỹa' napaxaguinatqa ỹoviraqtereta aso lahite' queso lemanaxa, ỹauequesa'ta so naleguec no'qaachigui quena nallin, ma' 'uo' ca cien metros leseeque'ejta so lemanaxa.

Juan 6:11

Ca' so Jesús ỹaconalo saua paañi'. Ca na' ime ỹaanshiguim da na'aachic quiñi qota'olec, ca ỹaanouguilo saua lapaxaguinatqa, ca saua'maxare imeendec quesá'ogue so nqa'xantañi. Ca chaqaida 'ne'tegue quesaua nalliñi' qai'neeta imeendec quesá'ogue so qomyipi, chi ỹovireta'a sá'ogue quema'.

Juan 6:9

—Quenajo 'ue da noctoqui' 'vii daua li'ỹaaco cinco paañi' chicqaugui ana cebada chaqai dos nalliñi', qam ¿negue' queto' ca nishaapigui mashic ỹapaguelec na qom?