Juan 21:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca só'maq napaxaguinatec só'maq paguec lqo'itaxat so Jesús, 'naaco' queso Pedro: —¡Chaqaida da qara'gaxala'! Ca co'na' 'qaachigui dajo so Simón Pedro, ca' lotqai liỹa ỹañiñi saua loho, (ma' naqate'o' na'le). Ca renotañigui so huaxaỹaq.

Juan 21:7 Iomraidhean Croise

Salmos 118:23

Dajo ỹo'uet ñi qara'gaxala', ca' qomi' chalego da qare'laxa.

Cantares 8:7

Na huaxaỹaq quená'ogue na huaaxaipi se ishit ỹo'mat da nqo'iichi; chaqai na lachiuguellipi se ishit iuagaxatac. No'm 'ue ca ỹahotaque ỹaañiguit cá'ogue ca lesallaxa da nqo'iichi, ca chaqa'ma' qai'neetac se qaicoñiguit.

Marcos 11:3

Ca no'm 'ue ca inate' qamiri, chi'negue 'viichii dajo, ca' qamiri 'ñiỹapega, só'maq qara'gaxala' ỹouen. Qam ma' ỹomat, ca lotqai rapilaxat.

Lucas 12:35

Ỹaatqajam na'maxachitañi, ỹaviquetaugui nqai'ñii aca rcoỹeraxanaxaguii.

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Lucas 7:47

Ca' vichiguiño' nagui shiñirapegaxaua', cañi'maxare queda lodegaxat le'xorenataxanaxa chicqochigui quiyim 'xoic ca lasauaxaset qaỹapalaxat; ma' ca qom quiyim sqailligueme' ca lasauaxaset qaỹapalaxat, ca' chaqai 'nejem sqailligueme' re'oq ca le'xorenataxanaxa.

Juan 13:23

Ca 'uo' so 'óna queso lapaxaguinatqaipi, só'maq paguec lqo'itaxat so Jesús, huaqate'e' co'na' que'eeta'pe.

Juan 19:26

Ca co'na' so Jesús iuane'ta aso late'e nachaatetañi, huaqate'e' só'maq paguec lqo'itaxat lapaxaguinatec, ca 'naaco' na'le caso late'e: —Qami' 'aalo, hueete'ena ná'maq qachaalqui'.

Juan 20:2

Ca' aso'maxare eec ne'guentau'a yi neeta'ñi so Simón Pedro chaqai so liỹa napaxaguinatec, só'maq ỹaatqajam lqo'itaxat so Jesús. Ca 'naapegalo': —Ca qara'gaxala' shi'co' qanaqajshiguim cañi lahi', ca se sa'deenaq negue' cá'maq qailla'gue.

Juan 20:20

Ca co'na' ime 'naac dajo so'maxare, ca ỹachaxanema naua napoquena chaqai na lahi. Ca' saua'maxare ỹaatqajam 'ue da netoonaxague' na' ra'iiso'ot so qara'gaxala'.

Juan 20:28

Ca' so Tomás 'naaco': —¡Qami' ỹa'gaxala', chaqai qami' qota'olec!

Juan 21:20

Ca co'na' nqohilec so Pedro, ca idaana'guit coỹaretaho só'maq napaxaguinaxaua paguec lqo'itaxat so Jesús, ma' chaqaiso' só'maq huaqate'o' na'le co'na' que'eeta'pe, ca' chaqaiso' só'maq renataxano' na'le: “Qami' qara'gaxala', ¿negue' cá'maq ỹaano qami' ma'le?”

Juan 21:24

Ca' chaqaiso só'maq napaxaguinatec só'maq ỹa'xatetac dá'ogue dajo, chaqai chaqaiso só'maq ỹiriñi. Ca' qomi' sa'deenaq quiyim ỹaatqajam llic dá'maq 'naac.

Juan 21:8

Ca' saua liỹa' napaxaguinatqa ỹoviraqtereta aso lahite' queso lemanaxa, ỹauequesa'ta so naleguec no'qaachigui quena nallin, ma' 'uo' ca cien metros leseeque'ejta so lemanaxa.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

Hechos 2:36

Ca ná'ogue na Israel laseripi ỹaatqajam ỹa'deenta quiyim so Jesús só'maq qamiri pachiñiho, ca' chaqaiso só'maq ñi qota'olec ỹanagui quiyim qara'gaxala' chaqai nashi nca'laxaqui.

1 Corintios 15:47

So 'auaxaic qom qaỹachigoxotaugui na 'laua, ca so'maxare 'lauasec. Qam só'maq co'uaataxanta qom, só'maq qara'gaxala', so'maxare chicqo'ot na piguim.

2 Corintios 5:14

Da le'xorenataxanaxa so Cristo ỹaatqajam qarela', ma' ỹaatqajam sa'deenqata quiyim 'oonoqui' so ileualec ná'ogue na qomyipi, vichiguiño' ná'ogue na'maxare 'ec ileu.

Santiago 2:1

Qamiri ỹaqaỹa', ma' mashic viilec so chalego lecaic qara'gaxala' Jesucristo, ca' se ỹa'maxañi quiyim nca'aitagui na qomyipi.