Juan 21:22 - La'qaatqa ñi qota'olec Qota'olec & Qota'olec Novita Na Qomyipi

²² Ca' so Jesús 'naaco': —No'm ỹim sahotaque quiyim da'maxare queeta nca'leetauec, chi ỹovireta'a ma' liỹa yapil, qam ¡qami' 'xañisac; ma' qami' sqa 'irapegueu'a! Qam qami' quitegue aỹim.

Juan 21:22 Iomraidhean Croise

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 24:27

Ma' 'ec ma'le ca nqai'legaxa re'qoota queda lqodoigue chaqai queda lauashiguim, ca chaqaida 'neeta ma'le ca loviraxac najo ỹale llaalec.

Mateo 24:3

Co'na'le, ca taarishi'megue ada quemaralec ladocai nananqa' ana qo'paq olivos. Ca co'na' so Jesús nqa'xantañi quiyi'maxare, ca' saua lapaxaguinatqa retaxahi', nemootetetot, 'neraco': —Sahoqotaque sa'deenaq lagui ỹovita ca laloqo' dajo. ¿Nega'ỹo' cá'maq netanec quecá'maq roviraxagui'i' chaqai quecá'maq nqodoc?

Mateo 24:44

Ca vichiguiño' qamiri qai'neeta na'maxachitañi. Ma' noma' sqaica ca viitaque, ca novi' najo ỹale llaalec.

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Mateo 8:22

Ca so Jesús 'naaco' queso'maxare: —Naquitegue aỹim, 'xañirac ná'maq 'ec leuaxaiquipi ñaq ishinñi na lasauaxanqaipi.

Marcos 9:1

Ca' so Jesús qai'neeta 'naaco': —Ỹaatqajam llic da shinac caqamiri, quiyim 'vio' caua quená'maq ỹalequesaho nagui saqa' ileue', ca' iuanchirigui ma'le da lo'ueenataxanaxac ñi qota'olec chaqai da lquesaxanaxa ma' ỹoiquentac ná'ogue najo.

Juan 21:19

Ca co'na' 'naac dajo, so Jesús ỹahotaco' quiyim ỹa'deenaxanaxanegue dá'maq 'neeta ma'le da lelauaxa so Pedro, chaqai dá'maq 'neeta quiyim imaqachin ñi qota'olec. Co'na' ime, ca 'naapego' so'maxare: —¡Co'uaachitegue aỹim!

Juan 21:21

Ca co'na' so Pedro iuañi'chiguit, ca inato' so Jesús: —Qami' ỹa'gaxala', qam nase'e, ¿negue' cá'maq 'neeta ma'le?

1 Corintios 11:26

Ca' vichiguiño' quiyim ỹovita a'guii na pan chaqai ni'chiigui ana 'taxaqui, lotqai 'xachitac da lelauaxa so qara'gaxala' Jesús, chi ỹovireta'a cá'maq na'xa'a quiyim rapil.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

1 Tesalonicenses 2:19

Ma' ¿negue' queto' ca ỹo'uet ca qanaquitaxac, chaqai ca qanetoonaxac? ¿Negue' queto' ca ỹo'uet ca la'maxa qouel queda ñitoonqata'pegue? Chaqaqamiri ma'le, ma' novi' so qara'gaxala' Jesucristo.

Santiago 5:7

Vichiguiño' qamiri ỹaqaỹa', ỹaatqajam coñiỹa da neualaxauenaxaguii quiyim nauaañitaque ca loviraxac so qara'gaxala' Jesús. Ma' ca no'ueenaxasec quiyim ỹahotaque ỹacoñiguit ca loyac ca laỹaxac ca lanecsec, ca ỹaatqajam 'ue da leualaxavic, nauaanta'alo caua loviraxaqui' naua ỹaaqate'.

Santiago 5:8

Ca' coñiỹa da reualaxaviguii qamiri qai'neeta, se reualliñi, ma' da loviraxac quiyim rapil so qara'gaxala' tot qoỹoqaque.

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.

Apocalipsis 2:25

Qam lo'xoichiguiño' cá'maq mashic coñiguit, toco' ma' ỹovita ca na'xa'a quiyim ñovi'.

Apocalipsis 22:20

Ca só'maq ichoxote' nauajo 'naac: —Ajá'a, sqaỹaloq ñanac. Ajá'a, ca' chaqaida 'neeta dajo, nanaqui' qami' qara'gaxala' Jesús.

Apocalipsis 22:7

—¡Sqaỹaloq ñanac! ¡Ca' chalego loyac quecá'maq na'xaỹaxane'ta da la'qaatec ñi qota'a qoỹeretañi canajo lere!

Apocalipsis 3:11

Sqaỹaloq ñovi'. Lo'qo'ichiriñi ná'maq mashic hueeto'ot aqami', qaiyi qaica ca rouootaxana'gue ma'le ca raviguiqui'.