Juan 21:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' lotqai pilalec inat liỹa: —Qami' Shimoñi', qami' llaalec so Jonás, ¿rqo'chiriua'? Ca so Pedro 'naaco': —Ajá'a, qami' ỹa'gaxala', qami' 'yiiñi' quiyim yqo'chiraxaua'. Ca 'naapego': —Cha'regue cochi'ta ana ilo qagretaipi.

Juan 21:16 Iomraidhean Croise

Salmos 100:3

'Yiiñi'a quiyim ñi qara'gaxala' chaqaiñi ñi qota'olec; ñi'maxare qaro'uet, ca' qomi' lalamaxarete'; ¡qomi' lalamaxarete' chaqai shinqatari' aca lalo qagreta quiyim qui'ỹaxantac!

Salmos 95:7

Ñi'maxare qota'olec coqomi', chaqai qomi' lalamaxarete'; 'ec qomi' qagreta lqui'ỹaxanata. Na'xaỹaxañiỹa dá'maq 'naac nagui ñi'maxare caqamiri:

Mateo 2:6

Ca' qami' Belén, ma' qami' viisaugui yi 'laua Judá, ỹaatqajam chalego lecaic ma'le da nemaqajnataxanaxa ma'le caqami', ma' qami' chicqochi'ñi ma'le ca na'gaxala', cá'maq reloxoỹa'a ma'le ná'maq ỹalamaxareteripi llaalqaipi so Israel.

Mateo 25:32

Ca ná'ogue na ỹoreta'oguit qomyipi lapoỹata' ma'le quiyi reloqota'ñi ca'maxare. Ca ca'maxare, ca' ỹoỹootecchi, 'nejem ca neloxoỹaq quena' ỹoỹoote'oga ana qagreta cana quetaq.

Mateo 26:72

Ca' so Pedro lotqai liỹa noqolliguit, 'naaco': —Ỹaatqajam llic quiyim se seuanapega da ỹale.

Lucas 19:10

Ma' najo ỹale llaalec, na'maxare anac quiyim idaantaque chaqai quiyim nca'laxatec ná'maq ỹo'meetac qomyipi.

Juan 18:17

Ca' so neloxoỹaxa quiñi lasom inato' so Pedro: —¿Mesqai qami'o' qai'neeta lapaxaguinatec sojo ỹale? Ca' so Pedro 'naaco': —'E', mesqaỹim.

Juan 18:25

Ca so Pedro ñaqaida nachaatetañi netontac queso norec. Ca lotqai liỹa qainat, qohinaco': —¿'Eco' qami' qai'neeta lliquisaugui so lapaxaguinatqaipi da ỹale? Ca so Pedro noqollictegue, 'naaco': —'E', mesqaỹim.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

1 Pedro 2:25

Ma' qamiri quesom 'ñiitari' aca qagreta ỹo'meetajlec, qam nagui, ca' pilliỹot so Cristo só'maq ỹa'den netela'alo qamiri, 'neetari' ca neloxoỹaq cana qagreta, chaqai reloqota'a da nachaalataxaguii.

1 Pedro 5:2

Ỹaatqajam quelolliỹa 'maxachii'tegue ná'maq mashic icoñiguit da na'qaatec ná'maq mashic qaỹauaaque reloxoiqachicshii quiñi qota'a, 'ñiitari' ca neloxoỹaq cana qagreta. Ỹaatqajam rasapchii'ta, 'viichitac dá'maq ỹahotaque ñi qota'a. Mese repaguitaque quiyim qanetenteguelgoto qamiri qarelaritac chaqai se naquichite'e aca plata. Ta'ta'a quiyim rasapchii'ta ca ro'ueenataxanaxaguii.

Apocalipsis 7:17

Ma' ñí'maq qagreta llaalec ñí'maq neetañigui na lavinñi yi nashi nqa'xanqa', ñi'maxare reloqota'a 'neeta'gue aca qagreta, chaqai ỹauega ca hua'ñi na ne'paxantashiguim huaxaỹaq chicqaugui da nca'laxa. Chaqai ñi qota'olec nquiỹouec ná'ogue na lachiripi quenaua nqote' na'maxare.