Juan 21:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca co'na' ime so lqui'ỹaxague', ca' so Jesús inato' so Simón Pedro: —Qami' Shimoñi', qami' llaalec so Jonás, ¿paguec rqo'chita aỹim quenauajo? Ca' so Pedro 'naaco': —Ajá'a, qami' ỹa'gaxala', qami' 'yiiñi' quiyim yqo'chiraxaua'. Ca 'naaco' so Jesús: —Cha'regue quelollita na ilo qagreta llaalqaipi.

Juan 21:15 Iomraidhean Croise

Génesis 33:13

Qam so Jacob 'naaco' queso'maxare: —Qami' ỹaqaỹoolec, qami' 'yiiñite' na ñaaqaipioqui' qaica ca lquesaxanaxa chaqai ¿negue' quet ca shinta'gue ana qagretaipi chaqai ana huaca 'ue na llaalqaipioqui'? Ca no'm isot queca 'oonoqui' na'xa'a sqoue nilliviñi ná'ogue ana qagreta.

2 Samuel 7:20

¿Negue' queto' ca liỹa shinac, qami' ỹa'gaxala', ma' qami' ya'yiiñite' ma' ỹim relaachiqui'?

2 Reyes 20:3

—Ỹim sashiila'e' qami' ỹa'gaxala', quiyim o'lliinchira'a quiyim ỹim qamaxaraic quena' so'uet cá'maq 'maxariñite'. Ca' ỹaatqajam noỹen.

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Ezequiel 34:23

Ỹim so'uet quiyim rapil ma'le so ilaatec David só'maq rashii na'le, ca' sano quiyim qaisoota neloxoỹaq cana qagreta, ca so'maxare reloxoỹa'a ma'le na qagretaipi.

Mateo 10:37

Cá'maq ỹapacqajnauec ca lqo'iichi queca leta'a, loqo'm caca late'e caỹim, ca'maxare sqa taiguit quiyim ỹalamaxaret. Chaqai cá'maq ỹapacqajnauec ca lqo'iichi queca llaalec, loqo'm caca llaale caỹim, ca ca'maxare sqa taiguit quiyim ỹalamaxaret.

Mateo 16:17

Ca' so Jesús 'naaco': —Qami' Shimoñi', qami' llaalec so Jonás, ỹaatqajam chalego da ra'maxa'e', ma' sqai qom ca ra'deenaxanaxañitegue dajo, qaiñiita ñi ita'a neeta'gue da piguim.

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 26:33

Co'na'le, ca' so Pedro 'naaco': —'Eno'm ná'ogue palac da lpi'ỹaxac caqami', qam ỹim 'e'.

Mateo 26:35

Ca' so Pedro 'naaco': —'Eno'm qayalauat shiqueta'ñi' qami', qam se ñoqolliguit. Ca sá'ogue so lapaxaguinatqaipi dá'ogue da la'qaatec.

Marcos 14:29

Co'na'le, ca' so Pedro 'naaco': —'Eno'm ná'ogue no'ueenaqtetañi qami', qam ỹim 'e'.

Lucas 12:32

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

Lucas 22:32

qam aỹim ñqouagaxainteguelec qami', qaiyi sqo viñire'e ca rpi'ỹaxaqui'. Qam qami' ma' ỹovita quiyim rapillita ỹim, tauañi'o' na rqaỹachi'ipi, qaiyi qaidaata 'neetari' da lpi'ỹaxac.

Juan 1:42

Na' ime, ca' so Andrés ỹauec so Simón, ỹauega yi neeta'ñi so Jesús. Ca' so Jesús co'na' idaana'guit so'maxare, ca 'naaco': —Qami' Shimoñi', ma' qami' llaalec so Jonás, qam nagui qadeenaxachi'o' Cefas —qam dajo neenaxat leloxoỹaxac quiyim Pedro, loqo'm qa'.

Juan 13:37

Co'na'le, ca 'naaco' so Pedro: —Qami' ỹa'gaxala', ¿chi'negue queta' se seshit shiguegue qami' nagui? Ma' ỹim shinac se seten 'eno'm saanec da ñachaalataxac caqami'.

Juan 16:27

ma' chaqaiñi ñí'maq qota'a re'xoriñii. I'xorene' qamiri, ma' qamiri yi'xoriñii, chaqai viilec quiyim sachicqo'ot ñi qota'olec.

Juan 21:12

Ca' so Jesús 'naaco' quesaua'maxare: —Ỹalahi, qui'ii. Ca qaica ca inat so'maxare queso napaxaguinatqaipi negue' so'maxare, ma' ỹa'den quiyim chaqaiso so qara'gaxala'.

Juan 21:7

Ca só'maq napaxaguinatec só'maq paguec lqo'itaxat so Jesús, 'naaco' queso Pedro: —¡Chaqaida da qara'gaxala'! Ca co'na' 'qaachigui dajo so Simón Pedro, ca' lotqai liỹa ỹañiñi saua loho, (ma' naqate'o' na'le). Ca renotañigui so huaxaỹaq.

Juan 8:42

Ca' so Jesús 'naaco' queso qomyipi: —Quetqai llic qataa'i ñi qota'olec, ca 'xoriñii quet aỹim. Ma' ỹim sachicqo'ot ñi'maxare, ca nagui salequetauguilo qamiri. Chaqai se ñanoiquentac ñanac, ma' chaqaiñi ñí'maq qota'olec yila'.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Hechos 20:29

Ma' sa'den quiyim ma' ime sqoshiilec najo, ca novite' caua liỹa', ỹahosaque iuagaxaterac na mashic icoñiguit da na'qaatec, 'nejem ca ỹa'cac ana qagreta quiyim ỹovirougui ca qagretaipi se ỹa'maxatac, ca retoxoñigui.

Romanos 14:1

No'm 'ue ca saqa' ra'ñi ca lpi'ỹaxac, ca coñiguit, qam sqai taxahita'guit quecá'maq sqailligueme' ỹaataq ca leloxoỹaxac.

Romanos 15:1

Ca qomi' ma' mashic ra'ñi da qarpi'ỹaxac, ca' seconaxaguit quecá'maq 'neetari' ca qarqaỹa saqa' ra'ñi ca lpi'ỹaxac, mesqai chi ñimaqachinqateguelta'.

1 Corintios 8:11

Ca' chaqaica quiyim mashic 'ue ca ra'yiinqui' chicqochigui quiyim na'laañi nqai'ñi' ca rqaỹa'e' saqa' ra'ñi ca lpi'ỹaxac quená'maq mashic ileualec qai'neeta so Cristo.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Efesios 4:14

Ca' totqai 'ec qomi' ñaalqolqai' quiyim chaqa'ma' ỹashaxanec ca la'deenataxanaxac, ca 'ec qaỹamaqata queca nonot quecanchaqai dalaxaic napaxaguinataxanaxac, vire'to' ma' qanaqajñi quená'maq 'ue da lco'ỹaxaric qomyipi ma' ỹahotaque so'maqac.

Efesios 6:24

Ca' ñi qota'a ỹaanem ma'le ca no'uen llicyaxac cá'maq nqo'ta so qara'gaxala' Jesucristo quiyim se ỹoỹoota'a cá'maq lqo'iichi queso'maxare. Ajá'a, ca' chaqaida 'neeta dajo.

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,

1 Pedro 2:2

'Ñiitam ca noctoqui' chita'gue ne'qaañi, ỹaatqajam na'ñaxachii daañitaque caua no'i' se re'xoguilo qaica ca lalecte' quiyim iỹaxate' qamiri, ca' ma'le, ca 'ue ca rca'laxahi,

1 Pedro 2:25

Ma' qamiri quesom 'ñiitari' aca qagreta ỹo'meetajlec, qam nagui, ca' pilliỹot so Cristo só'maq ỹa'den netela'alo qamiri, 'neetari' ca neloxoỹaq cana qagreta, chaqai reloqota'a da nachaalataxaguii.

1 Juan 4:19

Qomi' se'xorenaq ñi qota'a, ma' ñi'maxare 'au qare'xoren.

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.