Juan 21:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ime dajo, ca so Jesús lotqai liỹa nachaxanalo saua lapaxaguinatqa hua'ñi yi lahi aso latogot late'ogue' hua'ñi yi Tiberias. Ca dá'maq 'neeto' na' nachaxanalo, 'neetasa':

Juan 21:1 Iomraidhean Croise

Mateo 26:32

Qam ma' ime ma' liỹa yca'leuec, ca' sa'aueta'a ma'le yi Galilea.

Mateo 28:16

Ca' chaqaida nqohin, ca' saua once lapaxaguinatqa taategue da Galilea, querepegue' ada quemaralec ladocai, dá'maq ỹicapego' na'le so Jesús.

Mateo 28:7

Ca chaqa'ma' quii, 'ñiỹapega ca lapaxaguinatqaipi, quiyim so'maxare ileu na'le, qam liỹa nca'leuec, ca' eec 'aueta'gue da Galilea. Ca' quiyi hua'ñi ma'le, ca huañiỹa. Ca' dajo dá'maq shim sa'xatema qamiri.

Marcos 16:12

Ca co'na' ime dajo, ca so Jesús nachaxanalo saua dos na' taasa'uegue da no'ueenaxa, qam ỹoqa'a da no'ueenataxac.

Marcos 16:14

Ca co'na' ncopa, ca' so Jesús nachaxana so once lapaxaguinatqaipi na' ñaq nqa'amtañi, reloqotalec so nqui'ỹaxala'. Ca so'maxare nelaqauguilo saua'maxare, ma' sqaica ca lpi'ỹaxague' chaqai da la'ñaxague' naua le'taxanatal, ma' sqai huerelec ná'maq mashic iuana so'maxare quiyim shi'gue liỹa qanca'laxatec.

Marcos 16:7

Mohi, quiipegue' ca Pedro chaqai ca liỹa napaxaguinatqaipi, ca 'ñiỹapega: “So'maxare 'aueta'gue da Galilea caqamiri. Ca' quiyi, ca huañiỹa ma'le, ca' ipaquichigui dá'maq la'qaatec na'le caqamiri.”

Juan 21:14

Ca' quedajo, ca ỹovi' tres quiyim so Jesús nachaxanalo saua lapaxaguinatqa co'na' ime quiyim liỹa nca'leuec.

Juan 6:1

Ca' co'na' ime dajo, ca' so Jesús taita'gue da laseego aso latogot late'ogue' quiyi Galilea, ca' chaqaso aso ỹovira'ta'gue yi na'a' Tiberias.

Juan 6:23

Qam co'na'le, ca lotqai 'vio' saua liỹa' qom lahiri chicqora'gue da na'a' Tiberias, novite' quiyi sqoỹoqaque quiyí'maq hua'ño' na' qaỹa'ic so pan co'na' ime ỹaanshiguim da na'aachic so qara'gaxala'.

Hechos 1:3

Co'na' ime da lelauaxa so Jesús, ca' lotqai nachaxanalo saua lelaatqa. Cuarenta na'xata' queeta da nachaxanaxac, ca' queda, ca ỹaatqajam i'taxajñi quiyim ỹaatqajam llic nca'leuec. Chaqai ỹa'xatetac da lo'ueenataxanaxac ñi qota'a ma' ỹoiquentac ná'ogue najo.