Juan 20:31 - La'qaatqa ñi qota'olec Qota'olec & Qota'olec Novita Na Qomyipi

³¹ Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Juan 20:31 Iomraidhean Croise

Salmos 2:7

Ỹim sa'xat dá'maq ỹahotaque ñi qota'olec: ñi'maxare 'naac caỹim: Qami' ná'maq qami' ỹaalec; nagui, ca' ỹim qataa'i'.

Mateo 16:16

Co'na'le, ca' so Simón Pedro 'naaco': —Qami' ná'maq qami' nashi nca'laxaqui, qami' ná'maq qami' llaalec ñi qota'olec ñí'maq se ileu.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Mateo 4:3

Ca' so na'ỹaapec quepegue' so Jesús, ma' ỹahotaque i'guen. Ca 'naaco': —No'm ỹaatqajam qami' llaalec ñi qota'a, ca' ñiguilo nqai'ñi' paañi' nauajo qari.

Marcos 16:16

Ca cá'maq huelec, ca' qanachilaxan, ca' chaqaica cá'maq qanca'laxatec ma'le; qam cá'maq sqai huelec, ca' chaqai 'neetari' sqa nac ca lasauaxaset.

Lucas 1:35

Ca' so nelaatec 'naaco': —Ca Espíritu Santo ta'ñigui qami' ma'le, ca' da la'ñaxac ñi qota'olec ma' lodegaxat ỹapolec qami', 'nejem ca naueguelec. Ca vichiguiño' cajo noctoqui' ma' ne'qaañi, ca'maxare ỹaatqajam qoỹaanot quiyim hueeto'ot ñi qota'olec. Ca' qaỹamata'gue llaalec ñi'maxare.

Lucas 1:4

qaiyi ỹaatqajam 'yiiñite' quiyim llic dá'maq qarapaxaguiñitegue.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 10:10

Ca cuataxai chaqaidaata naga'a da locuataxac, lalauataxanaxac, chaqai da leuacqataxanaxac; qam ỹim ñanac, qaiyi 'ue da lca'laxa na'maxare, chaqai 'xoic ma'le da lca'laxa.

Juan 19:35

Só'maq ỹa'xatetac dajo, so'maxare ỹaatqajam iuanchigui dajo, ca dá'maq ỹa'xat ỹaatqajam lliqueta. Ma' so'maxare ỹa'den quiyim ỹaatqajam llic da la'qaatec, qaiyi qamiri qai'neeta viilec.

Juan 20:28

Ca' so Tomás 'naaco': —¡Qami' ỹa'gaxala', chaqai qami' qota'olec!

Juan 3:18

Cá'maq huelec na llaalec ñi qota'olec, ca' qaica ca nouaxanaxaset. Qam cá'maq sqai huelec, chaqa'ma' shi'gue 'ue da nouaxanaxaset nqohin, ma' sqai huelec na 'oonoqui' llaalec ñi qota'olec.

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Juan 5:24

Ca' ỹaatqajam lliqueta dá'maq sa'xat caqamiri: Cá'maq ỹa'maxachichiguiñi ca na'xaỹaxanaxac quedá'maq sa'xat, chaqai huelec ñí'maq yila', ca 'ue ca lca'laxa sqaica lqodoc; chaqai sqaica ca nouaxanaxaset, ma' mashic shi'gue napaguelec da nelauaxa, ca inoxona'a da nca'laxa.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

Hechos 10:43

Chaqai qai'neeta shi'gue sá'ogue so letaxaỹaxaquiripi ñi qota'a ỹa'xateta'guit so Jesús, quiyim 'naac ná'ogue ná'maq huelec so'maxare, ca' qaỹapalaxate' caua lasauaxasete', ỹachigoxochichigui da leenaxat.

Hechos 3:16

Ca' queda leenaxat so Jesús, só'maq sa'xatetac, loqo'm quiyim qaipi'ỹa'a da leenaxat, chaqaida dá'maq ỹa'ue da lquesaxanaxa najo ỹale huañiỹa chaqai 'yiiñii. Dajo npi'ỹaxac queso Jesús, chaqaida dá'maq ỹaatqajam ỹomatec. Ca' qamiá'ogue qamiri nagui 'ajñitac.

Hechos 8:36

Ca co'na' ỹovijta yí'maq hua'ñi 'ue na huaxaỹaq, ca' so nelaatec 'naaco': —Quenajo 'ue na huaxaỹaq, ¿tegue' chi ỹa'maxaño' quiyim qayachilaxan?

Hechos 8:37

Ca so Felipe 'naapego': —Ajá'a, no'm ỹaatqajam vi'relec, ca ỹa'maqachiguiñi. Ca só'maq ỹale 'naaco': —Ajá'a, ỹaatqajam seuelec quiyim so Jesús chaqaiso só'maq llaalec ñi qota'olec.

Hechos 9:20

Ca co'na' ncopa, ca so Saulo lotqai ỹa'xatetac da na'qaatec, hueetau'a ana lapoxoqui na judioipi, ỹa'xatetac so Jesús ỹaatqajam chaqaiso so llaalec ñi qota'olec.

1 Pedro 1:9

quiyim nachiỹa qamiri da lca'laxa da nachaalataxaguii. Ma' chaqaida dá'maq ỹovita da rpi'ỹaxaguii.

1 Juan 4:15

Canchaqaica quiyim ỹaatqajam llic nqai'en quiyim so Jesús chaqaiso so llaalec ñi qota'a, ca' da nachaalataxac hueeto'ot ñi qota'a, chaqai ñi qota'a hueetagui da nachaalataxac ca'maxare.

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.

2 Juan 1:9

Canchaqaica quiyim paguec 'auapeguec quiyim se nollaalta' queda lapaxaguinataxanaxac so Cristo, ca' sqai hueeto'ot ñi qota'a. Qam cá'maq nollaalta' lo'qoochiguiñi da lapaxaguinataxanaxac so Cristo, ca hueeto'ot ñi qota'olec, chaqai qai'neeta hueeto'ot so llaalec.

Apocalipsis 2:18

Qai'neeta lachita ma'le aca lere ñi nelaatec reloqota'a yí'maq mashic icoñiguit da na'qaatec na'ñi yi Tiatira. 'Ñiracsa': “'Eda da 'neeta da la'qaatec na llaalec ñi qota'a ñí'maq 'nejme' ca norec lauaq naua nqote', chaqai naua lapiaate' 'nejme' ca lecat leenaxat bronce nquiỹocsec, 'naacsa':