Juan 20:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Ca co'na' ime'ueque saua ocho na'xata', ca lotqai liỹa lapoota'ta' so napaxaguinatqaipi queca 'imec. Ca' quiyi, ca ỹalequetaho' na'le so Tomás. Ca 'eno'm napootaguilo saua lasomi', qam so Jesús inoxono, ca taañigui na lavinñi' saua'maxare. Ca riquinaxan, 'naaco': —'Ue ma'le ca reuagaxahi.

Juan 20:26 Iomraidhean Croise

Isaías 54:10

'Eno'm ana qa' ladocai nqo'in ỹoỹoota'a ca loma' chaqai naua quemaralgoto taari'nquira, qam dá'maq iqo'iichi caqami' se nadalaxat chaqai se nqo'ñiñi dá'maq qana'deenaxac queda no'daxa. Dajo 'naac ñi qara'gaxala' ñí'maq 'ue da lqouagaxa caqami'. (54.11-17 Yí'maq dalaxaic Jerusalén.)

Mateo 17:1

Co'na' ime'ueque saua seis na'xata', ca' so Jesús ỹauegue' saua Pedro, so Jacobo, chaqai so lqaỹa Juan. Ca' qaisauate' nauequetecto, taarishi'megue aso qa' ladocai.

Marcos 16:14

Ca co'na' ncopa, ca' so Jesús nachaxana so once lapaxaguinatqaipi na' ñaq nqa'amtañi, reloqotalec so nqui'ỹaxala'. Ca so'maxare nelaqauguilo saua'maxare, ma' sqaica ca lpi'ỹaxague' chaqai da la'ñaxague' naua le'taxanatal, ma' sqai huerelec ná'maq mashic iuana so'maxare quiyim shi'gue liỹa qanca'laxatec.

Lucas 24:36

Ca' ñaq qaretaqatapigui dajo, ca' so Jesús nachaachichiguiñi quena lavinñi so qomyipi. Ca' riquinaxan, 'naaco': —Ỹaatqajam 'uo' da ra'maxahi ma'le.

Lucas 9:28

Ca co'na' mashic ỹovi' ocho na'xata' ỹa'xat dajo so Jesús, ca quishi'megue aso qa' ladocai, ca nqouagaxain, liỹareta'pe saua Pedro, Jacobo, chaqai so Juan.

Juan 11:16

Ca' so Tomás, só'maq qaỹamata'gue huaaya', 'naapegalo saua liỹa' napaxaguinatqa: —Qomi' liỹa qolaq, qaiyi qolqata'ñi' da'maxare ma' ileu.

Juan 14:27

Qaidaata da neuagaxa 'ue quiyim shique'elo qamiri. Saañiỹaxarom da iuagaxa, qam sqai shine'tegue dá'maq 'ne'tegue na qom hueetalec na 'laua quena' ỹaan da leuagaxa. Sqaica huapigui qavillii, chaqai se ro'chii.

Juan 20:19

Ca chaqaiso' so na'xa'a ma' la'auaxanec quenaua na'xata' no'ueenataxanaxaqui'. Co'na' mashic pe, ca lapoỹata' saua lapaxaguinatqa so Jesús. Qam ỹapootaguilo naua lasomi', ma' no'chiitapega na judioipi. Ca' so'maxare inoxono, ca' taañigui na lavinñi so lapaxaguinatqaipi. Ca' iquine', 'naaco': —'Ue ma'le ca reuagaxahi.

Juan 20:21

Ime, ca' so Jesús lotqai liỹa 'naac: —'Ue ma'le ca reuagaxahi. Ca' chaqaida dá'maq 'ne'tegue quiyim yila' ñi qota'a, ca' chaqaida shine'tegue quiyim selate' qamiri.

Juan 21:1

Ca co'na' ime dajo, ca so Jesús lotqai liỹa nachaxanalo saua lapaxaguinatqa hua'ñi yi lahi aso latogot late'ogue' hua'ñi yi Tiberias. Ca dá'maq 'neeto' na' nachaxanalo, 'neetasa':

Juan 21:14

Ca' quedajo, ca ỹovi' tres quiyim so Jesús nachaxanalo saua lapaxaguinatqa co'na' ime quiyim liỹa nca'leuec.

Hechos 1:3

Co'na' ime da lelauaxa so Jesús, ca' lotqai nachaxanalo saua lelaatqa. Cuarenta na'xata' queeta da nachaxanaxac, ca' queda, ca ỹaatqajam i'taxajñi quiyim ỹaatqajam llic nca'leuec. Chaqai ỹa'xatetac da lo'ueenataxanaxac ñi qota'a ma' ỹoiquentac ná'ogue najo.