Juan 20:23 - La'qaatqa ñi qota'olec Qota'olec & Qota'olec Novita Na Qomyipi

²³ Cá'maq palaxachii ca lasauaxaset, ca' qaỹapalaxat. Qam cá'maq sqa palaxachii ca lasauaxaset, ca' ca'maxare se qaỹapalaxat ca lasauaxaset.

Juan 20:23 Iomraidhean Croise

Mateo 16:19

Ca' ỹim saanem qami' ma'le aca nauatqate da no'ueenataxanaxac queda piguim. Ca cá'maq 'maxariñite' ma'le quena 'laua, ca ca'maxare qai'neeta qaỹa'maxarenta queda piguim. Chaqai cá'maq sqa 'maxariñi', qai'neeta se qaỹa'maxaren ma'le queda piguim.

Mateo 18:18

Ỹaatqajam lliqueta da shinac caqamiri quiyim 'ue ca coñirii quenajo 'laua, ca' qaicoñi' qai'neeta queda piguim. Chaqai cá'maq sohiuec qamiri quenajo 'laua, qai'neeta qaỹosouec queda piguim.

Juan 20:22

Ca' pe'teuguilo' na'le saua'maxare, ca 'naaco': —Coñiguit na Espíritu Santo.

Hechos 10:43

Chaqai qai'neeta shi'gue sá'ogue so letaxaỹaxaquiripi ñi qota'a ỹa'xateta'guit so Jesús, quiyim 'naac ná'ogue ná'maq huelec so'maxare, ca' qaỹapalaxate' caua lasauaxasete', ỹachigoxochichigui da leenaxat.

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

1 Corintios 5:4

Lapoiỹata' quet queda leenaxat so qara'gaxala' Jesucristo, chaq aỹim 'ec salequetauguilo qamiri, chaqai da lquesaxanaxa so qara'gaxala' Jesús qai'neeta hueetauguilo qamiri.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

1 Timoteo 1:20

Ca' chaqaida 'neete' saua Himeneo chaqai so Alejandro. Ca vichiguiño' saua'maxare saañiguita so na'ỹaapec, qaiyi sqai queesalec quiyim i'neesac ñi qota'a quenaua la'qaatqa.