Juan 20:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca chaqaiso' so na'xa'a ma' la'auaxanec quenaua na'xata' no'ueenataxanaxaqui'. Co'na' mashic pe, ca lapoỹata' saua lapaxaguinatqa so Jesús. Qam ỹapootaguilo naua lasomi', ma' no'chiitapega na judioipi. Ca' so'maxare inoxono, ca' taañigui na lavinñi so lapaxaguinatqaipi. Ca' iquine', 'naaco': —'Ue ma'le ca reuagaxahi.

Juan 20:19 Iomraidhean Croise

Salmos 122:8

Nagui, ca' shinac quena ñauochaxauaripi chaqai quena ỹaqaỹaripi: Quiyim 'ue ca no'daxa caqami' Jerusalén.

Mateo 10:13

Ca cá'maq la'a' ca'maxare, no'm ta'chiguit quiyim ỹacoñiguit, ca no'ueenaqchii'ot dajo niquinaxanaxac chicqaugui da na'maxa. Qam no'm sqa taiguit quiyim icoñiguit, ca' rapilaxachitec da riquinaxanaxaguii.

Mateo 18:20

Ma' cá'maq hueesa'ñi caua dos loqo'm tres lapoosagui da ỹeenaxat, ca' ỹim seuetañiguilo lavilliñi' caua'maxare.

Marcos 16:14

Ca co'na' ncopa, ca' so Jesús nachaxana so once lapaxaguinatqaipi na' ñaq nqa'amtañi, reloqotalec so nqui'ỹaxala'. Ca so'maxare nelaqauguilo saua'maxare, ma' sqaica ca lpi'ỹaxague' chaqai da la'ñaxague' naua le'taxanatal, ma' sqai huerelec ná'maq mashic iuana so'maxare quiyim shi'gue liỹa qanca'laxatec.

Juan 14:27

Qaidaata da neuagaxa 'ue quiyim shique'elo qamiri. Saañiỹaxarom da iuagaxa, qam sqai shine'tegue dá'maq 'ne'tegue na qom hueetalec na 'laua quena' ỹaan da leuagaxa. Sqaica huapigui qavillii, chaqai se ro'chii.

Juan 16:22

Ca' qamiri qai'neeta nagui 'ue da rachitachiguii; qam ỹim liỹa seuanalo qamiri ma'le, ca ma'le, ca' no'xagui ma'le añi re'taxanatahi queca netoonaxaguii, ca' qaica ishit naqat da netoonaxaguii ma'le.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Juan 20:21

Ime, ca' so Jesús lotqai liỹa 'naac: —'Ue ma'le ca reuagaxahi. Ca' chaqaida dá'maq 'ne'tegue quiyim yila' ñi qota'a, ca' chaqaida shine'tegue quiyim selate' qamiri.

Juan 20:26

Ca co'na' ime'ueque saua ocho na'xata', ca lotqai liỹa lapoota'ta' so napaxaguinatqaipi queca 'imec. Ca' quiyi, ca ỹalequetaho' na'le so Tomás. Ca 'eno'm napootaguilo saua lasomi', qam so Jesús inoxono, ca taañigui na lavinñi' saua'maxare. Ca riquinaxan, 'naaco': —'Ue ma'le ca reuagaxahi.

Juan 21:1

Ca co'na' ime dajo, ca so Jesús lotqai liỹa nachaxanalo saua lapaxaguinatqa hua'ñi yi lahi aso latogot late'ogue' hua'ñi yi Tiberias. Ca dá'maq 'neeto' na' nachaxanalo, 'neetasa':

Juan 21:14

Ca' quedajo, ca ỹovi' tres quiyim so Jesús nachaxanalo saua lapaxaguinatqa co'na' ime quiyim liỹa nca'leuec.

Juan 7:13

Qam qaica ca ra'xaiqataxan quena qomyipi quena' qaỹa'xat so'maxare, ma' 'ue da nqolonaxa quena' judioipi.

Hechos 1:3

Co'na' ime da lelauaxa so Jesús, ca' lotqai nachaxanalo saua lelaatqa. Cuarenta na'xata' queeta da nachaxanaxac, ca' queda, ca ỹaatqajam i'taxajñi quiyim ỹaatqajam llic nca'leuec. Chaqai ỹa'xatetac da lo'ueenataxanaxac ñi qota'a ma' ỹoiquentac ná'ogue najo.

Romanos 15:33

Ca' ñi qota'a chicqo'ot da na'maxa sahotaque hueetauguilo qamiri. Ajá'a, ca' chaqaida 'neeta dajo.

1 Corintios 15:5

Ime, ca lotqai so'maxare nachaxana so Pedro, ime, lotqai nachaxanalo saua liỹa' lelaatqa.

Efesios 2:14

Chaqaiso so Cristo só'maq ỹo'uet da qara'maxa. Ma' so'maxare ỹo'uet quena judioipi chaqai quena sqai judioipi 'ec neuo' laseripi, ma' mashic ỹamaxañi so lquepaxaset só'maq 'em se neuojonta' na qomyipi, ca ỹoreta'chi nqai'en.

Efesios 6:23

Ca' ñí'maq qota'olec chaqai so qara'gaxala' Jesucristo ỹaanem na qarqaỹaripi da na'maxa chaqai da ne'xorenataxanaxa, liỹaata nqai'en da npi'ỹaxac.

Filipenses 1:2

Qamiri coñiguit ma'le da qouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

2 Tesalonicenses 3:16

Ca' so qara'gaxala' Jesús, só'maq hueeto'ot da na'maxa, so'maxare ỹaanema qamiri ca ra'maxahi naua'que naua na'xata' chaqai quená'ogue nanchaqaina caqamiri. Ca so qara'gaxala' ỹalequetauguilo qamiri.

Hebreos 7:2

Ca' so Abraham ỹaanem 'óna queca diez louootaxanaxat ỹachigoxotaugui so lauataq. Ca' dajo neenaxat Melquisedec, dajo 'auaxaic 'naac “nashi naloochiguiñi da no'ueenataxac”; chaqai, ma' so'maxare nasho' na'le quiyi Salem, ca' dajo Salem 'naac “neuagaxa”, ca' dajo neenaxat qai'neeta 'naac “nashi queda neuagaxa”.

3 Juan 1:14

Ma' ñauaanta'a quiyim qaỹaloq ñiuanaqta', ca' ma'le, ca' ỹaatqajam setaxaiqa'ajta'.

Apocalipsis 1:4

Aỹim Juan, selatalo ana ỹerecse naua siete 'lauari neetalgoto ná'maq mashic icoñiguit da na'qaatec quená'maq neetalec yi 'laua Asia. Qamiri ỹaqaỹaripi, sahotaque quiyim coñiguit da qouagaxa chaqai da na'maxa chicqo'ot ñi qota'a, ñí'maq chaqai'en 'ue, ñí'maq chaqai'eno' 'ue quen, chaqai ñí'maq sqaica lqodoc quiyim 'ue. Chaqai chicqo'ot na siete nelaatqaipi se re'xogui reloqotau'a yi nqa'xanqa' ñi'maxare.