Juan 20:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' so Jesús 'naaco' caso'maxare: —¡María! Ca so'maxare ỹamato'ot, qam ỹahota'ahi naua hebreo la'qaatqa, 'naaco': —¡Raboni! —da leloxoỹaxac dajo na'qaatec 'naac: Qami' napaxaguinataxanaq.

Juan 20:16 Iomraidhean Croise

Génesis 22:1

Ca co'na' 'vii saua ñaxari, ca' ñi qota'olec i'gueno' da lpi'ỹaxac so Abraham. Ca roỹaxano' da leenaxat, ca' so'maxare 'naaco': —Aỹim.

Génesis 22:11

ca' so lelaatec ñi qara'gaxala' roỹaxan, 'maqot na piguim, 'naaco': —¡Abraham! ¡Abraham! Ca 'naaco' so Abraham: —Aỹim, seuete'e najo.

Génesis 45:12

Ñi inoq Benjamín chaqai qamiri 'xaichigui dajo ỹa'qaatec quiyim ỹim shinac dajo.

Éxodo 3:4

Ca co'na' ñi qara'gaxala' qota'olec idaana'guit so Moisés quiyim nqo'neuo, ỹahotaque ỹa'ajanta, ca' ñi qara'gaxala' roỹaxan 'maqatougui aso qo'paqo'lli', 'naaco': —¡Moisés! ¡Moisés! Ca' so Moisés 'naaco': —Aỹim.

Cantares 3:4

Ỹaatqajam chi sqosha'ahi saua'maxare, ca ñachiñi'chiguit só'maq lqo'itaxat da ñachaalataxac. Ca' secona da lqai'laxat, ca sqai saxanec, ca sauega'a yi la'a' añi ỹate'e.

Cantares 5:2

Ỹim selaqata, qam añi i'taxanata nelootauec. Ca' sa'xaỹaque so iqo'itaxat noỹaxantapego quena lasom, 'naac: ¡Qami' iqo'itqate, huachirigui, ñapiitaxauo'lli', qami' iqo'itqate coviguinco'lli'! ¡Ma' mashic pi'guiloxolchigui na iqahic cana 'ỹa'! ¡Ana 'ỹa' quena pe qui'ñigui na iqahic laue!

Isaías 43:1

Qam nagui, qami' lalamaxaret so Jacob só'maq na'aamatec da Israel, ñi qara'gaxala' ñí'maq qami' lo'ueenatec 'naac: Totaxan ro'chi'i', ma' mashic shi'gue sosouec qami'; soỹaxana qami' queda qadeenaxachi', qami' ỹalamaxaret.

Mateo 14:27

Qam so Jesús 'uo' da ỹa'xat, ca 'naaco' quesaua'maxare: —¡Na'ñaxachii, chaqaỹim, totaxan ro'chii!

Marcos 10:51

Ca' so Jesús inato' na'le so'maxare, 'naaco': —¿Negue' cá'maq vi'saque quiyim sa'ue caqami'? Ca' so qai'laq 'naaco': —Qami' napaxaguinataxanaq, ỹim sahotaque ñiuanñi.

Lucas 10:41

Qam so Jesús 'naaco': —Marta, Marta, ỹaatqajam remi'relec, chaqai ỹachicoqochit qami' ná'maq 'xoic redaxashichi'.

Juan 1:38

Ca co'na' nqovilca so Jesús, ca' iuañi'chiguita quiyim coỹaresaho. Ca 'naaco': —¿Negue' ca daañitaque? Ca' saua'maxare 'neraco': —Qami' napaxaguinataxanaq, ¿negue' ca ñira'gue?

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 10:3

Cá'maq lasom lo'o ỹauachigui ca lasom, qaiyi inoxono, chaqai ana qagretaipi no'uenegue da lavillaxac. Ma' roỹaxanta'gue na leenaxat ana qagretaipi, ca ỹauegue'oguiyi cañi lahi'.

Juan 11:28

Ca co'na' ime 'naac dajo, ca' aso Marta quepegue' roỹaxana aso lqaỹa María. Ca nemoote'tot, 'naaco': —Dá'maq napaxaguinataxanaq hueete'e najo, ca da'maxare noỹaxana'a qami'.

Juan 13:13

Qamiri machiỹa'gue aỹim napaxaguinataxanaq chaqai na'gaxala'. Ca da'maxare qaica ỹoqolliguit, ma' llic.

Juan 20:28

Ca' so Tomás 'naaco': —¡Qami' ỹa'gaxala', chaqai qami' qota'olec!

Juan 3:2

Sojo Nicodemo 'uo' so pe ra'pichi'oga so Jesús, ca' 'naaco': —Qami' napaxaguinataxanaq, qomi' sa'deenqata quiyim qanela' qami' quiñi qota'olec quiyim qarapaxaguiñi', ma' qaica ca ishit ỹo'uet ná'maq 'viichisac netanqaipi quiyim re'oq da rquesaxanaxa'e', qaicaata cá'maq hueeto'ot ñi qota'olec.

Juan 5:2

Ca' quesojo na'a' lodegaxat 'uo' so lasom leenaxat nqohin nasom ana qagreta. Ca 'uo' so huaxaỹaq lahi' leenaxat nqohin quenaua hebreo la'qaatqa Betesda. Aso'maxare ỹovi' cinco naua naquiite' quenaua lahil.

Juan 6:25

Ca co'na' so qomyipi ỹovijta'gue da liỹa laseego añi latogot late'ogue', ca qaiuanejlec so Jesús. Ca' qainato', qohinaco': —Qami' napaxaguinataxanaq, ¿laquio' na' novichireta quenajo?

Hechos 10:3

'Uo' so na'xa'a mashic rashiiñi aso ra'aasa, ca 'uo' so leuanaxanaxac, iuano' so chicqashiguim qota'a lelaatec inoxonou'a quiyi neeta'ñi. Ca 'naaco': —¡Cornelio!

Hechos 9:4

Ca najño' so Saulo. Ca co'na' hueetañi quiyi 'laua, ca' 'xaỹaque so na'qaatec 'naaco': —Saulo, Saulo, ¿chi'negue ma' yocañi'sac?

1 Samuel 3:10

Co'na'le, ca' ñi qara'gaxala' novita so'maxare, ca' hua'e, ca lotqai roỹaxana queda leenaxat, ipacqajanchigui dá'maq 'avichiguiñi loỹaxanaxac, 'naaco': —¡Samuel! ¡Samuel! Ca so'maxare 'naaco': —Taxahi', ma' najo relaachiqui' na'xaỹaxantapega qami'.

1 Samuel 3:6

Qam ñi qara'gaxala' lotqai liỹa roỹaxana, 'naaco': —¡Samuel! Ca' so Samuel ne'laxashiguim, ca quepegue' so Elí, ca 'naaco': —Ỹim ñovira'a qami'; ¿negue' ca vi'saque ma' ỹaxañiriua'? Ca' so Elí 'naaco': —Ỹim se soỹaxana qami', qami' ỹaalcolec; pilliriri' nenañiriñi.