Juan 20:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' quesó'maq 'auaxaic na'xa'a quenaua na'xata' no'ueenataxanaxaqui', ca aso Magdala lase leenaxat María, o'teeta'oga aso napal lahi' na' llaq napaltañi, ca iuane'ta quiyim qanaqat so lapooque' aso napal lahi'.

Juan 20:1 Iomraidhean Croise

Mateo 27:56

Ca' quesaua'maxare ỹalequesauquio' saua María lase yi Magdala, chaqai aso María late'e so Jacobo chaqai so José, chaqai aso late'e' saua dos llaalqa so Zebedeo.

Mateo 27:60

Ca illaugui asó'maq chi ỹauaaque lalamaxarete lahi', só'maq relaataxanlco' na'le quiyim qani'ỹaho caso qa'. Ca' co'na' ime ỹapogui queso qa' lodegaxat, ca' eec.

Mateo 27:64

Ca' vichiguiño' 'maxaraic quiyim 'viichi' caua neloxoỹa' cañi lahi', toco' ma' ỹovirerec naua tres na'xata', qaiyi se qarocachau'a yi loshicmaxa quiyim pe quena lapaxaguinatqaipi, ime, ca 'naac quena qomyipi quiyim liỹa nca'leuec queso lelauaxa. Ca' quedajo ma'le, ca dá'maq pa'aatec na'maachic paguec lecaic ma'le quesó'maq 'auaxaic.

Mateo 27:66

Ca' saua'maxare que', ca' ỹaatqajam ỹa'maxachichiriñi aso lahi', ca' qaỹa'ue aso netanaxasete so qa' lapooque' aso lahi'. Ca na' ime, ca' qano'ueenaqterañi saua nouaataxanaq lase' quiyim reloxoira'a.

Mateo 28:1

Ca co'na' ỹoxe'uegue so na'xa'a co'mataxaqui, chaqai mashic sham richiguiñi quesó'maq 'auaxaic na'xa'a quenaua no'ueenataxanaxaqui', ca' aso María lase yi Magdala chaqai aso liỹa María que' ra'ajnaxanda'a aso lahi' so Jesús.

Mateo 28:2

Ca 'uo' so quesaxan le'loxolaxa na 'laua, ma' so lelaatec piguim le'ec ñi qara'gaxala' chicqo'ot na piguim. Ca na' noviri'ña aso lahi', ca naqat so qa' lodegaxat lapooque' aso'maxare, ca' nqa'xanlec.

Marcos 15:46

Ca co'na'le, ca' so José rishiujnaxana so hualoq lahi lalagaxaic nesateta, ca' naqajñi so Jesús, ca' lepategue. Ca co'na' ime, ca inaxañigui aca lahi' naugui so qa'. Co'na' ime, ca' ỹapogui aso lahi', rapoxona so qa' lodegaxat.

Marcos 16:9

Co'na' ime quiyim liỹa qanca'laxatec so Jesús na' richiguiñi queso 'auaxaic na'xa'a no'ueenataxanaxaqui, ca' 'au nachaxana aso María lase yi Magdala, só'maq ỹo'dauco' na'le so siete laseripi lecmaxaiquipi.

Juan 11:38

So Jesús ỹaatqajam liỹa qaidaxanac queda le'laxa, ca nqo'neu'a aso lahi'. Ca' aso lahi' 'ec lauac, chaqai so ñigo 'ue so lapooque' qa'.

Juan 11:41

Co'na'le, ca qanaqat so qa'. Ca' so Jesús ra'ishiguimo' quena piguim, ca 'naaco': —Qami' ita'a, saanot qami' da ña'aachic, ma' na'xaỹaxañita aỹim.

Juan 19:25

Yí'maq neeta'ñi so npatenaxala' so Jesús, ca hueete'e aso late'e, chaqai aso lqaỹa aso late'e, chaqai aso María, loua so Cleofas, chaqai aso María, Magdala lase.

Juan 20:26

Ca co'na' ime'ueque saua ocho na'xata', ca lotqai liỹa lapoota'ta' so napaxaguinatqaipi queca 'imec. Ca' quiyi, ca ỹalequetaho' na'le so Tomás. Ca 'eno'm napootaguilo saua lasomi', qam so Jesús inoxono, ca taañigui na lavinñi' saua'maxare. Ca riquinaxan, 'naaco': —'Ue ma'le ca reuagaxahi.

Hechos 20:7

Ca' queso 'auaxaic na'xa'a caso semana, llapoxota', ma' qaỹahotaque quiyim qaỹa'ic so pan. Ca' so Pablo rapaxaguinataxantac quesó'maq mashic icoñiguit da na'qaatec. Qam ma' ỹahotaque eec na' richiguiñi, ca queetalec da letaxaỹaxac chi ỹovireta'a pe lauel.

1 Corintios 16:2

Ca quena' ỹovire'oga ca 'auaxaic na'xa'a cayi semana, ca' quiñi 'óna caqamiri ỹa'ue aca ỹoỹoote'oga cacá'maq chi nalootau'a. Ca' ỹa'maxat, qaiyi se qaỹo'uet quiyim 'ue aca qalapon notaanaxanqate ma' sovitalo qamiri.

Apocalipsis 1:10

Chaqai hueetougui so na'xa'a quiyim qaimaqachin so qara'gaxala', ca na' ỹovita aỹim so lquesaxanaxa so Espíritu Santo. Ca' 'ue so sa'xaỹaque nivillaxac ỹaatqajam lam, 'maqa'tegue da ilaq, da lelamaxa 'ec aca npe'te.