Juan 2:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam 'vio' saua seis homa qa', saua'maxare ỹaatqajam loueno' quen na judioipi quena' ỹo'uet da no'ueenataxac quiyim quiỹo na nqui'ỹaxaquipi. Qam ỹovi' ochenta loqo'm cien litros huaxaỹaq le'ec cañi 'oono'lli' quesauá'maq homa.

Juan 2:6 Iomraidhean Croise

Lucas 16:6

Ca' so'maxare 'naaco': “Cien aso lahi' na aceite so ỹa'uale.” Ca só'maq neloxoỹaq queso na'a' 'naaco': “'Ana na ra'ualli'i' lomalate; qamqai', nqa'xañiriñi. Ime, ca 'chiriñi caua cincuenta.”

Juan 2:7

Ca' so Jesús 'naapego' so nelaatqaipi: —Ỹoxoiguilo' ma'le quena huaxaỹaq ñaua nehoma. Ca' qaiỹoxoguilo na'le saua'maxare ỹaatqajam qano'xataxatete'.

Juan 3:25

Ca 'vio' saua lapaxaguinatqa so Juan nco'uaata'to saua judío lase' na' retaqasapigui da no'ueenataxac ca qom nco'taxateta.

Efesios 5:26

Dajo 'ne'tegue, ma' ỹahotaque co'taxateta ná'maq mashic icoñiguit da na'qaatec, ỹahote'e na huaxaỹaq, chaqai naua la'qaatqa,

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Hebreos 6:2

chaqai da llicyaxac quiyim qanachilaxan ca qom, chaqai dá'maq quiyim qaỹashil-lec ná'maq mashic icoñiguit da na'qaatec, chaqai quiyim pilac qanca'laxatec na leuaxaiquipi, chaqai ma' qanimit ná'ogue najo.

Hebreos 9:10

Ma' da'maxare chaqaidaata dá'maq re'qoochigui nqui'ỹaxac, chaqai da 'taxac chaqai ná'maq ỹoreta'oguit quiỹoxoc, quená'maq chi no'ueenataxac na qaroshicmaxa. Ca' dajo ñaqa 'ue nqai 'negue, toco' ma' ñi qota'a ỹadalaxat da no'ueenataxac na'maxare.

Hebreos 9:19

So Moisés co'na' ime ỹa'xatem so qomyipi dá'ogue da laqataxaquipi ñi qota'a, ca icono' so qagreta laue toc chaqai aso lasote aso peue leenaxat hisopo. Ca illijñi quesaua leuo' na huaqui llaalec chaqai na quetaq llaalec ỹalequeta'guit na huaxaỹaq. Ime, ca' iñitaxajlec aso lere hueetalgoto saua laqataxaco ñi qota'a, chaqai sá'ogue so qomyipi.