Juan 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' so Jesús 'naapego' aso'maxare: —Qami' 'aalo, ¿chi'negue ma' 'ñirac dajo caỹim? Ma' ỹim saqa' ỹovita ca ỹaloqo'.

Juan 2:4 Iomraidhean Croise

2 Samuel 16:10

Qam so nashi David 'naaco' queso'maxare: —Dajo mesqa 'iỹapegueu'a qamiri, qamiri llaalqa aso Sarvia. No'm da'maxare yishiuen, ca' sqoue qohinapega quiñi qara'gaxala'. Ca no'm chaqaida, ca ¿negue' cá'maq ishit cochaq ñi'maxare quedá'maq ỹo'ueetetac?

2 Samuel 19:22

Qam so David 'naaco' quesaua Abisai chaqai so Joab: —¡Dajo sqa 'iỹapegueu'a, qamiri llaalqa aso Sarvia! ¿Chi'negue ma' yquepaxachitac? Ma' nagui, ca' ỹaatqajam sa'deenta quiyim aỹim ná'maq ỹim nashi quena Israel, vichiguiño' nagui quena na'xa'a qaica ca qaỹalauat quena Israel.

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

Eclesiastés 3:1

Quenajo 'laua ná'ogue 'ue na laloqo'; quiyim ỹovirelec canchaqaica, ná'ogue 'ue na lqodoquiaqa'.

Mateo 15:28

Co'na'le, ca 'naaco' so Jesús: —¡Qami' 'aalo, ỹaatqajam chalego lecaic da rpi'ỹaxaqui'! Ca' nagui, ca ỹaatqajam ipaquichigui cá'maq vi'saque. Ca co'na' qohinac dajo, ca chaqa'ma' imeuec aso llaale.

Mateo 8:29

Ca' ỹaualaxai', 'nerac: —¿Chi'negue ma' 'isapegueu'alo qomi', qami' Jesús, qami' llaalec ñi qota'olec? ¿Peeta'a na'itquena quiyim vite ca qanouaxanaxaset quiyim saqa' ỹovita ca laloqo'?

Lucas 2:49

Ca' so Jesús 'naaco': —¿Chi'neco' ma' michitaque aỹim? ¿Sqa 'yiiñiỹo' quiyim aỹim squelolta'pegue' na lo'ueenataxanaxaquipi ñi ita'a?

Juan 12:23

Ca' so Jesús 'naaco' quesaua'maxare: —Ỹovita yi laloqo' quiyim najo ỹale llaalec qaimaqachin ma'le.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 2:3

Ca' imeho so lataxa, ca' aso late'e so Jesús 'naapego' so'maxare: —Mashic imeho so lataxa.

Juan 20:13

Ca' saua nelaatqa piguim lase' inate'o' aso'maxare, 'neraco': —Qami' 'aalo, ¿chi'negue ma' noỹiñi'sac? Ca' so'maxare 'naaco': —Sauaxat ma' qai'xato' ca ỹa'gaxala', chaqai se sa'den nega'ỹo' cá'maq qailla'gue ca'maxare.

Juan 20:15

Ca' so Jesús inato' na'le aso'maxare, 'naaco': —Qami' 'aalo, ¿chi'negue ma' noỹiñi'sac? ¿Negue' cá'maq daañisaque? Ca so'maxare 'neetapego' quiyim chaqaiso só'maq neloxoỹaq quiyi nanecse loma'. Ca 'naapego': —Qami' ỹale, no'm chaqaqami' ná'maq 'xachi'o' na'le ca ỹa'gaxala', ca' choxochi' negue' cá'maq lli'ra'gue, qaiyi se'guena'a ca'maxare.

Juan 7:30

Ca' qaỹahotaco' qaiconlec quiyim qaicoñi'; qam qaico' ca ishit iconlec, ma' saqa' ỹovita ca laloqo' so'maxare.

Juan 7:6

Ca' so Jesús 'naaco' quesaua'maxare: —Saqa' ỹovita ca ỹaloqo'. Qam caqamiri canchaqaica quenaua na'xata' ỹa'maqachiguiñi nqai'ñii.

Juan 7:8

Mohi, quiipegue' qamiri ca nemaqachic. Qam ỹim 'e', sqa shic, ma' saqa' ỹovita cá'maq ỹaloqo'.

Juan 8:20

Ca' 'naac dajo so Jesús na' ñaqai hueetaugui añi no'ueenaxanaxaqui rapaxaguinataxantac, hueeta'ñi yi na'ñi aso lahi' ana nachitaxanataxanqate. Qam qaica ca ishit coñi' so'maxare, ma' saqa' ỹovita ca laloqo'.

2 Corintios 5:16

Vichiguiño' qomi' tot qaica quet cá'maq sa'deenqapega quecá'maq 'neetari' ca qom quena 'laua; ma' quesom sa'deenqatapega quen dá'maq 'neetari' so Cristo na' ñaq ỹouoxontac na 'laua, qam nagui tot qara'deenataxanaxac dajo queso'maxare.