Juan 2:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca mashic tot qoỹoqaque so na'xa'a lemaqachic na judioipi quiyim ỹo'leente so na'xa'a co'na' ca'e nqohin yi Egipto, ca' so Jesús quepegue' yi na'a' lodegaxat Jerusalén.

Juan 2:13 Iomraidhean Croise

Mateo 21:12

Co'na' ime, ca' so Jesús inoxono quiñi no'ueenaxanaxaqui lodegaxat na'ñi yi Jerusalén. Ca' ỹo'daauec sá'ogue so nemeenaxanyipi chaqai so rishiujnaxantapega ná'maq qaimeentac. Chaqai ỹamaxañi na nemeenaxanaxalateripi ná'maq ỹosootapigui ana lam na qomyipi, chaqai ana nqa'xanaxaqui ná'maq imeentac na coviguiñic.

Marcos 11:15

Ca co'na' ỹovirera'a yi Jerusalén co'na' so Jesús inoxonougui aso no'ueenaxanaxaqui. Ca chaqa'ma' ỹo'daauec ná'maq 'ue na imeentac chaqai ná'maq 'ue na rishiujnaxantapega quiyi'maxare. Chaqai ỹamaxañi na lemeenaxanaxala' ná'maq ỹosootapigui ñiguit nqai'en ana lam na qomyipi chaqai ana nqa'xanaxaqui ná'maq imeentac na coviguiñiguiripi.

Lucas 19:45

Ca' so Jesús inoxonougui aso no'ueenaxanaxaqui late'ogue' na'ñi yi Jerusalén. Ime, ca' chaqa'ma' ỹo'daauec sá'ogue só'maq nemeenaxanyipi chaqai ná'maq nemeenaxauaripi quiyi'maxare.

Lucas 2:41

Ca' saua leta'al so Jesús naua'que naua ñaxari taasa'pegue da Jerusalén quena' ỹovire'oga so laloqo' quena' qaỹo'leenta'a so na'xa'a co'na' qoyique'e yi Egipto.

Juan 11:55

Qam mashic tot qoỹoqaque so lemaqachic na judioipi quena' qaỹo'leente so na'xa'a quena' qoyique'e yi Egipto. Ca 'xoic na chicqote'ogalo qomyipi quena liỹa na'aateripi, quepegue' yi Jerusalén, qaiyi ỹo'uet da no'ueenataxac quiyim nco'taxat na qomyipi, ma' noviro sojo na'xa'a lapoxoqui.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 2:23

So Jesús na' hueeta'ñi yi Jerusalén, ỹalequetau'a so lemaqachic na judioipi quena' ỹo'leenta'oga so na'xa'a na' ca'e nqohin yi Egipto, ca 'xoico' na huelec so'maxare na' qaiuanchigui ỹo'uet na netanqaipi se qaiuanapega.

Juan 5:1

Ca co'na' ime dajo, ca' na judioipi lotqai 'ue so lemaqachic, ca' so Jesús pila'a yi Jerusalén.

Juan 6:4

Ca mashic nepalataho so na'xa'a lapoxoqui na judioipi ỹa'ue lemaqachic quena' ỹo'leente na' ca'e yi Egipto.