Juan 2:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Dajo dá'maq 'avichiguiñi netanec ỹo'uet so Jesús hua'ñi yi Caná huaugui yi 'laua Galilea, na' ỹachaxan da se qaiuanapega lo'ueenataxanaxac. Ca so lapaxaguinatqaipi ỹaatqajam huejlec so'maxare.

Juan 2:11 Iomraidhean Croise

1 Reyes 17:24

Ca' aso 'aalo 'naaco': —Nagui, ca' ỹaatqajam sa'den quiyim qami' nale ñi qota'olec, chaqai dá'maq 'ñirac ỹaatqajam lliqueta chicqo'ot ñi qara'gaxala'.

Salmos 96:3

'Xachii da lquesaxanaxa chaqai da lemaqachic, 'xachim na ỹalliripi chaqai ná'ogue na qomyipi quena 'laua,

Éxodo 14:31

Ca' so Israel llaalqaipi na' iuanchigui da chalego lecaic lquesaxanaxa ñi qara'gaxala' quedá'maq 'ne'tegue queso Egipto laseripi. Ca' só'maq Israel llaalqaipi ỹa'dooto naua le'cootal ñi qara'gaxala'. Ca' queco'na'le, ca' ỹaatqajam qoyiuejlec ñi qara'gaxala' chaqai so lelaatec Moisés.

Éxodo 4:9

Qam no'm se qoyiuelec chaqai se qana'xaỹaxana qami' quesauajo netanqa, ca' naqachirishiguim ca huaxaỹaq caso lachiugue, ca cochirelec na 'laua. Ca cá'maq huaxaỹaq taañi quena 'laua, ca' ñigui leuoripi.

Eclesiastés 9:7

Cha'regue, quirelec da rqui'ỹaxaqui' quena pan, chaqai ni'chi' quena lataxa, ma' ñi qota'olec nqo'ta da ro'ueenataxanaxaqui'.

Isaías 40:5

Ca ma'le, ca' ñi qota'olec ỹachaxan da lauaq, ca ma'le, ca ná'ogue na qomyipi ỹauana. Ma' chaqaiñi ñi'maxare 'naac dajo.

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Juan 1:43

Ca' queso liỹa na'xa'a so Jesús ỹahotaque quiyim taigue da 'laua Galilea. Ca iuanejlec so Felipe, ca 'naapego': —Quitegue aỹim.

Juan 1:50

Ca' so Jesús 'naaco': —¿Ca' virelec aỹim ma' shinac sedaanta'a qami' na' viiso'ot ada higo lashi? Ca' nagui shinac paguec lecaic ma'le ca huañita sqai 'nejem dajo.

Juan 10:41

Ca 'xoico' so qom quepegue' yí'maq hueeta'ñi so'maxare. Ca 'naaco' quen: —Ỹaatqajam llic quiyim so Juan, 'eno'm qaica ca ỹo'uet quena netanqaipi se qaiuanapega, qam dá'ogue dá'maq 'naac na'le quedajo ỹale ỹaatqajam lliqueta.

Juan 11:15

Qam ỹim ỹaatqajam 'ue da ña'aachic, ma' sqa seuete'eyi, ma' quedajo, ca' paguec la'maxa caqamiri, qaiyi viilec. Qam qolaqpegue', sa'ajnaxanaxa.

Juan 11:47

Ca' so fariseoipi chaqai na lashillipi na netaxaỹaxanqajanqaipi quena' qaretaxaỹa'pegue' ñi qota'a lapooguit so nashillipi ỹo'ueetegueñi na leloxoỹaxaquipi quiyim retaxaỹata' so'maxare. Ca 'naaco': —¿Negue' ca shinqata? Ma' so ỹale ỹaatqajam 'xoic na ỹo'uet netanec se qaiuanapega.

Juan 12:18

Ca' na liỹa qomyipi eec qata'guit so Jesús, ma' mashic ỹa'den quiyim mashic 'ue so ỹo'uet quena netanec se qaiuanapega.

Juan 12:37

Ca 'eno'm so Jesús 'xoic na ỹo'uet quena netanec se qaiuanapega iuanchigui nqai'ne' saua'maxare, qam qaiyiita se qoyiuelec.

Juan 12:41

So Isaías ỹa'xat dajo, ma' iuanchiguio' da lecaic so Jesús, chaqai ỹa'xatetac so'maxare.

Juan 14:13

Chaqai cá'ogue cá'maq shiilaxañiỹaque qamiri quiyim quiichigui nqai'ñii da ỹeenaxat, ca ỹim so'uet, qaiyi najo ñaalec ichoxot da lquesaxanaxa ñi leta'a.

Juan 16:27

ma' chaqaiñi ñí'maq qota'a re'xoriñii. I'xorene' qamiri, ma' qamiri yi'xoriñii, chaqai viilec quiyim sachicqo'ot ñi qota'olec.

Juan 16:30

Ca' nagui, ca seuanaxa quiyim ná'ogue nanchaqaina 'yiiñi', chaqai sqo viñi' quiyim qarenachi'. Ca' quedajo, ca seuaqlec quiyim chicqoiro'ot ñi qota'olec.

Juan 2:1

Ca co'na' ime' saua tres na'xata', ca 'uo' so shilaq hua'ñi yi na'a' Caná huaugui yi 'laua leenaxat Galilea. Ca aso late'e so Jesús ỹalequetaho quiyi'maxare.

Juan 2:23

So Jesús na' hueeta'ñi yi Jerusalén, ỹalequetau'a so lemaqachic na judioipi quena' ỹo'leenta'oga so na'xa'a na' ca'e nqohin yi Egipto, ca 'xoico' na huelec so'maxare na' qaiuanchigui ỹo'uet na netanqaipi se qaiuanapega.

Juan 3:2

Sojo Nicodemo 'uo' so pe ra'pichi'oga so Jesús, ca' 'naaco': —Qami' napaxaguinataxanaq, qomi' sa'deenqata quiyim qanela' qami' quiñi qota'olec quiyim qarapaxaguiñi', ma' qaica ca ishit ỹo'uet ná'maq 'viichisac netanqaipi quiyim re'oq da rquesaxanaxa'e', qaicaata cá'maq hueeto'ot ñi qota'olec.

Juan 4:3

Ca co'na' ỹa'den dajo so Jesús, ca' ca'e yi Judea, ca' pila yi Galilea.

Juan 4:46

Ca' so Jesús lotqai quepegue' yi Caná huaugui yi 'laua Galilea yí'maq hua'ño' na' ñigui lataxa nqai'en so huaxaỹaq. Ca 'uo' so ỹale lotaua so nashi, so'maxare 'uo' so llaalec ralolaxaic hueetau'a yi Capernaum.

Juan 4:54

Ca' 'eda da liỹa netanec se qaiuanapega ỹo'uet so Jesús na' chicqota'gue da Judea, ca taỹa'ñi yi Galilea.

Juan 5:23

qaiyi ná'ogue na qomyipi imaqachin na llaalec, 'nejem nqai'en da lemaqajnataxanaxa quiñí'maq leta'a. Cá'maq se imaqachin ná'maq llaalec, ca se imaqachin ñí'maq leta'a ñí'maq nela'.

Juan 6:14

Ca co'na' so qomyipi iuanchigui dajo netanec se qaiuanapega ỹo'uet so Jesús, ca 'naaco': —Ỹaatqajam llic quiyim chaqaida da'maxare dá'maq la'qaataxanqajnec ñi qota'a qaỹa'xateta'guit quiyim naỹa'a ana 'laua.

Juan 6:2

Ca 'xoic na qomyipi queeta'pegue' so'maxare, ma' 'xoic na qaiuantapigui ỹo'ueetetac so'maxare quena netanqaipi se qaiuanapega quena' ỹomatec na ralolaxaiquipi.

Juan 6:26

Qam so Jesús 'naaco' queso qomyipi: —Ỹaatqajam llic da shinac caqamiri, quiyim qamiri daañitaque aỹim ma' na' qui'ii ỹovire'ta quemari, qam mesqaida quiyim 'yiiñichigui ca netanec se qaiuanapega.

Juan 6:30

Ca qainato' so'maxare: —¿Negue' ca netanec chaxañitalo qomi' quiyim seuanqachigui, qaiyi seuaqlec qami'? ¿Negue' cá'maq 'viichi'?

Juan 7:31

Qam 'xoico' ná'maq huelec so'maxare, ca 'naaco': —Ma' novi' cá'maq nashi nca'laxaqui, ca ¿peeta'a paguec ma'le cá'maq netanqaipi se qaiuanapega quedá'maq dajo ỹale?

Juan 9:16

Ca 'uo' na 'naac queso judioipi: —Cá'maq ỹale ỹo'ueeto' dajo na'le, sqa chicqo'ot ñi qota'olec, ma' napacalec da leloxoỹaxac yi na'xa'a co'mataxaqui. Qam 'uo' na liỹa 'naaco' quen: —Qam ¿chi'negue ma' ishit quiyim ỹo'uet da netanec se qaỹauanapega, no'm sauaqhuaic? Ca' quiyi, ca' se natenta' da la'deenataxanaxac so qomyipi.

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

2 Corintios 4:17

Ma' dá'maq qare'xoric queda qanachaalataxac cocho'qui' chaqai sqaỹaloq ime'uegue. Ca' chaqaida dá'maq chicqochigui quiyim noviraqtoxoua' da lauaq sqaica ca lqodoc chaqai ỹapacauec, sqai 'nejem na qane'guenaxaquipi.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

1 Juan 5:13

Shiriñi dajo caqamiri ma' mashic viilec so llaalec ñi qota'a, qaiyi 'yiiñita quiyim 'ue da rca'laxahi sqaica lqodoc.